الموضوع: سيارة مستعملة في حدود 90 ألف؟

حاول تزود شوية وتركب سيفيك 2008 الي 2010
مجرد راي ..

ممكن فوكاس لو عجبتك

اوكتافيا
وممكن 94 الف يجيبوا صنى الشكل القديم زيرو والزيرو زيرو

للتوضيح اكتر: بحاول ادور على اجدد حاجة بقدر الامكان ومع ذلك أطلع فئة عن العربيات الجديدة اللي في حدود الميزانية دي، يعني لو بنتكلم في أحسن سيناريو ممكن حتكون حاجة بأقل من 95 ألف ومتزيدش عن 50,000 كم، وتكون 2010 مثلا. (إلا لو حيكون في فرق شاسع يعني يخليني أغير رأيي)

حاجة جديدة لقيتها: Mazda3 2010 الشكل الجديد مثلا، إيه رايكم فيها؟
هل ممكن الاقي الMegane 2010 في حدود الميزانية دي (ويكون عداد اقل من 50,000 أو قريب من الرقم ده)؟ خصوصا إنها حتكون أحسن كتير بالنسبة لي بما إنها اصغر من الFluence بالتالي عملية أكتر بما إني مش محتاج عربية ضخمة.

المشاركة الأصلية كتبت بواسطة monamize4

بومة , شارك , الانترا , اوبترا , جين 2 , صنى , تيدا

بومة ممكن، لكن مش من العربيات المفضلة عندي مع كامل احترامي ليها
الشارك اعتقد حتزيد عن الميزانية اللي بتكلم فيها الا لو العداد فوق ال100 ألف مثلا وده كتير بالنسبة لي، يعني بفضل حاجة متزيدش عن 50,000 كم
Optra أو Gen2 حيبقوا زيرو على ما اعتقد مش كده؟ السبب في إني بدور على مستعمل هو إني عايز أطلع فئة لفوق.
الSunny أو الTiida ممكن، ويمكن أنا كنت ناسي الTiida

المشاركة الأصلية كتبت بواسطة S O P H O S

حاول تزود شوية وتركب سيفيك 2008 الي 2010
مجرد راي ..

فكرة كويسة، لكن مع الأسف أعتقد إنها حتبقي زيادة كبيرة، ومشكلة مع المطبات وكده بسبب طريقي كل يوم.

المشاركة الأصلية كتبت بواسطة blazer

كل ما تعلى بلموديل والكيلو متر يقل يبقى اختيار افضل بإذن الله
الفلونس ممتازه بس تكشف فى الوكيل وتتاكد انه كان بيعمل صيانه فى الوكيل " ويكون الكشف فى مكان تانى غير الى بيعمل فيه الصيانات عشان ميبقاش مزبطها معاهم زى ما حصل قبل كدا على رواية احد الاعضاء
"
ممكن صنى سوبر صالون
النترا 2010
هوندا سيفيك 2008

بحاول معلاش بالكيلومتر عن 50,000 مثلا، اضمن بالنسبة لي. أنا يمكن بدور على حاجات من بعد 2008 كمان، من 2010 مثلا ببقى مبسوط خوفا من البهدلة وكده (مع إن ده مش مقياس يعني)

المشاركة الأصلية كتبت بواسطة amrelsha3er

والله هو 90الف يركبو حاجه كويسه مش وحشه
فعلا لو تقدر تزودهم 100 بدل 90 وتركب هوندا سيفيك 2008 تبقى حلوه اوى على الاقل احسن من الكورى
ولا اوبترا ولا هيونداى مع احترامى للكورى الهوندا تكسب طبعا وفى برضو بيجو307 حلوه اوى

الزيادة اعتقد حتبقى صعبة، وأنا متفق معاك في آخر جملة.
الPeugeot 307 محترمة جدا ولكن أعتقد حتبقى اقدم من 2008 وانا بحاول أطلع فئة بدون ما أرجع كتير من ناحية السنين بقدر الإمكان، زائد إن على حد علمي التوكيل مش قد كده.

المشاركة الأصلية كتبت بواسطة samyyousef

ممكن فوكاس لو عجبتك

موديل كام؟ اعتقد حيبقى قديم نوعا ما، مش كده؟

المشاركة الأصلية كتبت بواسطة amrelsaqqa

اوكتافيا
وممكن 94 الف يجيبوا صنى الشكل القديم زيرو والزيرو زيرو

Octavia اعتقد حتعدي الميزانية.
أكيد الزيرو له مميزاته لكن أنا بدور على فئة أعلى بنفس السعر مش أكتر.

شكرا لكل الآراء هنا، ومنكم نستفيد. أنا بحاول أدرس الموضوع بقدر الإمكان وأجمع اكبر قدر من الاقتراحات، كل التقدير لكل واحد حاول يساعدني.

اوكتافيا تجيب 2006 a5 حالة حلوة
و 2009 a4

وممكن موديلات قبل كدة بس حالات نادرة وكيلو متر اقل وفابريقة