عاجل - كوبونات البنزين بـ 1800 لتر سنويًا توفر للدولة 14 مليار جنيه

**Nader** · 29-11-2012 03:07 PM

قال المهندس أسامة كمال، وزير البترول، الخميس، إنه يتوقع تحقيق توفير يقدر بـ 14 مليار جنيه، بما يعادل 2.29 مليار دولار، في دعم المنتجات البترولية، عند تطبيق المرحلة الأولى من كوبونات البنزين والسولار في شهر أبريل المقبل.
وأضاف وزير البترول في تصريحات لوكالة «الأناضول» للأنباء، أن الدراسات التي أجرتها هيئة البترول تُفيد أنه سيتم توفير 10 مليار جنيه ما يعادل 1.64 مليار دولار على الأقل من دعم السولار المقدر بـ48 مليار جنيه في موازنة العام الجاري.
وأشار إلى أن الدارسات تتوقع توفير 4 مليار جنيه على الأقل من دعم البنزين المقدر بـ20 مليار جنيه عند توزيعه بكوبونات تراعي السعة اللترية للسيارات في أبريل المقبل.
وأوضح «كمال» أنه من المقرر أن تحصل كل سيارة على نحو 1800 لتر من البنزين المدعم سنويًا، فيما يحصل ... | شاهد باقي الخبر على موقع نايل موتورز |

**lanos2004** · 29-11-2012 03:35 PM

توفر للدوله ويتخرب بيتنا احنا
ما يلموا الضرايب من الى مبيدفعش ونرتاح ولا يعملوا مشاريع قوميه تدخل ليهم فلوس
انما سياسه الدوله الميزانيه من الى يدوبك قادر يعيش ودفع شقى عمرة علشان يترحم من المواصلات

**Ahmed_BYD_F0** · 29-11-2012 03:40 PM

وازاى بقى حيوزعوا الكوبونات دى علينا

وفى مقابل سعر كام

**Eng_Moh.Dewair** · 30-11-2012 02:14 AM

ياااااااااااا حلاووووووووووووووووة.........� �حمر قلبوها بطيخ

**Ahmed_Adham** · 30-11-2012 02:29 AM

المشاركة الأصلية كتبت بواسطة lanos2004

توفر للدوله ويتخرب بيتنا احنا
ما يلموا الضرايب من الى مبيدفعش ونرتاح ولا يعملوا مشاريع قوميه تدخل ليهم فلوس
انما سياسه الدوله الميزانيه من الى يدوبك قادر يعيش ودفع شقى عمرة علشان يترحم من المواصلات

بص حضرتك التوفير في النفقات ده اسمه "فلس اداري" لأن تحقيق ارباح أصعب من التوفير في النفقات لأنه بيحتاج قرارات وسياسات جديده وعبقريه لكن التوفير في النفقات شويه قرارات تقليديه محفوظه.

فيه شركه عامله مشروع لتدوير القمامه وبتحول طن القمامه الى 300 لتر بنزين 95-98 + 300 كيلو وات كهربا ومش محتاجه أي تمويل من الدوله وعارضه على الدوله انها تجمع القمامه مجانا من اربع محافظات بشكل مبدأي وبعد كده تتوسع فى المشروع ليشمل جميع المحافظات تدريجيا وهتبيع كيلو الكهربا للحكومه بسعر 12 قرش بدل ماهو بيكلف الحكومه دلوقتي 55 قرش.

بس مين يفهم وياخد القرار الصح؟ البلد لسه فيها فساد للركب وناس بتاخد رشاوي عشان توافق على الغلط.

**SYD** · 30-11-2012 10:09 AM

المشاركة الأصلية كتبت بواسطة ahmed_adham

بص حضرتك التوفير في النفقات ده اسمه "فلس اداري" لأن تحقيق ارباح أصعب من التوفير في النفقات لأنه بيحتاج قرارات وسياسات جديده وعبقريه لكن التوفير في النفقات شويه قرارات تقليديه محفوظه.

فيه شركه عامله مشروع لتدوير القمامه وبتحول طن القمامه الى 300 لتر بنزين 95-98 + 300 كيلو وات كهربا ومش محتاجه أي تمويل من الدوله وعارضه على الدوله انها تجمع القمامه مجانا من اربع محافظات بشكل مبدأي وبعد كده تتوسع فى المشروع ليشمل جميع المحافظات تدريجيا وهتبيع كيلو الكهربا للحكومه بسعر 12 قرش بدل ماهو بيكلف الحكومه دلوقتي 55 قرش.

بس مين يفهم وياخد القرار الصح؟ البلد لسه فيها فساد للركب وناس بتاخد رشاوي عشان توافق على الغلط.

انا مرة شوفت حلقة علي ناشيونال جيوغرافيك بتتكلم عن نفس الموضوع اللي حضرتك بتقوله دة
بس كانت بتحول الطاقة الناتجة عن القمامة الي طاقة ونورت بيها مدينة كاملة
يعني لو علي الأقل المصنع دة وفر طاقة للمدينة اللي هو منشأ فيها مش هتتقطع الكهرباء عن باقي المدن ومش هيضطروا لقفل المحلات لتوفير الطاقة.