السلام عليكم
ازاى اعرف ان العربية ملعوب فى عداد الكيلو مترات بتاعها؟؟
وشكرا
عرض للطباعة
السلام عليكم
ازاى اعرف ان العربية ملعوب فى عداد الكيلو مترات بتاعها؟؟
وشكرا
حسب نوع العربية
حدد لنا نوع العربية واحنا نرد عليك ان شاء الله
فولكس فاجن جولف 4
ياباشا عمرك ما حتعرف. المهم حاله العربيه الكيلوات مش مهم لانك ممكن تلاقي عربيه ماشيه قليل و حالنها زباله وعربيه ماشيه فوق ال ٢٠٠ الف وحالتها نضيفه
ركز على حاله العربيه
قارن بين حاله العربيه وعداد العربيه
يعني استحاله تكون عربيه عامله 20 الف مثلا وكاوتشها ممسوح او متغير
ولا متغيرلها سير تقسيمه مثلا
بس لو عدادها عالي 150 -200 حتفرق الحاله اكتر من العداد
مفيش طريقة طبعا تعرف بها عدد كيلومتر العربية الحقيقي
واصلا عداد العربية مش مقياس ابدا على حالة العربية
في عربيات شوفتها عاملة 150 الف كيلو وحالتها احسن بكتير من عربيات عاملة 60 او 70 الف
اكشف على العربية كويسة وقدر حالتها وبعدين اخر حاجه تبقى العداد
للاسف مفيش طريقة ,,,, و انا كنت ف نفس الحيرة
اولا لازم يكون العداد متناسب مع حالة العربية , ف المتوسط العربية بتعمل 20 الف كيلو ف السنة
ثانيا زى ما قالwalidtony حالة العربية هى الاساس و طبعا حالة العربية انا اقصد الدواخل و الميكانيكا و الكهربا و العفشة مش بس الدهان الخارجى و الفرش
ربنا يوفقك للخير ان شاء الله......
اكيد في طريقه بالكمبيوتر
بص انا هقولك علي الطريقة البلدي الي ممكن تكشف بيها. انت تشوف حالة العربية من جوة متناسبة مع الكيلومتر ولا لا. مثلا لو العربية العداد بتاعها قليل يبقي اكيد مثلا هتلاقي الكراسي مش هابطة لتحت , او مثلا هتلاقي التابلوة حالة كويسة مش باهت او مشقق, كمان الدركسيون لو مش مشقق برضوا او بهتان لونة, كمان دراع الاشارة والمساحات في الغالب بتلاقي الكلام الي مكتوب عليها ممسوح من كتر الاستعمال , يعني لو الكلام اتمسح من الدراعات والعربية عاملة كيلومتر قليل كدا اكيد في حاجة غلط او صاحب العربية اشتري دراعين استيراد. يعني هي دي الطريقة الي ممكن تكشف بيها بنفسك