بدور على شقة علشان معاد جوازى قرب برجاء الافادة من كل الاعضاء

السلام عليكم ورحمة الله وبركاتة

انا مفروض اتفاقى مع حمايا انى اتجوز فى شهر 9

شقتى فى زهراء مدينة نصر ورا السلاب فى العمارات الجديدة اللى هناك
طبعاً كان اختيار غلط بس الكلام دة كان سنة 2007 والدى اخد شقتين فوق بعض
علشان نتجوز فيهم
اخويا اتجوز من 3 سنين فى شقة تانية
احنا استلمنا الشقق بس المنطقة مفيهاش مرافق
فطبعاً ولا ليها اى لازمة وتقريباً احنا لبسنا 300 الف جنيه كدة ضاعوا فى الارض

ما علينا
دلوقتى انا بدور على شقة تانية والميزانية 300 الف جنيه او اكتر بشوية صغيرين
ياترى المبلغ دة يجبلى شقة فين مساحة معقولة نقول 120 متر صافى مثلاً
اهم حاجة تكون منطقة نضيفة مش شعبية

انا سمعت عن الهضبة الوسطى وان المبلغ دة يجبلى شقة هناك كويسة اية ظروف المنطقة دى ؟؟

ياريت اسمع الاراء يا جماعة لانى لازم اشترى اليومين دول علشان ابدأ اجهز العفش انتوا عارفين الموضوع
تحياتى!!

انا لسه شايف اعلان هنا على المنتدى عن شقة في مكان في وجهة نظري رائع جدا في الهرم

بص عليه وروح عاين
http://www.nilemotors.net/Nile/321661-a.html

لكن برضه للامانة انا معرقش مستوى الاسعارهناك ازاي

انا عايز فى القاهرة يعنى معادى مقطم مدينة نصر لاكن الهرم بعيدة قوى
تسلم يا ابو صلاح على المساعدة يا باشا

شوف الواحة كدا ممكن تلاقي فيها حاجة..
وربنا يوفقك للخير

بعيدا عن الموضوع
الف مبروك ليك وربنا يتمم علي خير
كان نفسي اساعد حلاوة الفرح بس انت عارف مفيش فرق
وهتتعوض ان شاء الله ..

صافى 120 متر يعنى لو فرضنا 15% منافع يبقى بتدور على شقه 140 متر على الاقل .... كده انت عايز سعر المتر حوالين 2000-2100 .... صعب فى المناطق اللى بتقول عليها دى و غالبا عايز حاجه جاهزه يعنى مش استلام كمان 6 شهور ....
ممكن تلاقى المتر حوالين 2500 فى مدينة نصر ناحية الضرايب فى العمارات اللى فى وش ولاد رجب بتاع العاشر ... معرفش اسعار الهضبه الوسطى ايه ... ربنا معاك

لا معدش كمان سعر المتر ب ٢١٠٠ الكلام ده من زمان حالياً سعر المتر ٢٥٠٠ جنية وطالع ... وبص علشان تلاقي شقة بالسعر ده تكون نضيفة في عمارة نضيفة. ومنطقة نظيفة عليك وعلى اكتوبر انا شفت حوالي ١٠ شقق بالسعر الي بتقول حضرتك عليه. ... وربنا يوفقك ويارب يتمم بخيرررر ... النهردة عملية الجواز بقت اصعب من الجهاد في سبيل الله وربنا يوفقك

اعتقد عندنا فالواحدة فمدينة نصر الاسعار دى

المكان كويس

لوحابب ننزل يوم نلف مع بعض قولى

او كلمة شركة مدينة نصر للمقاولات هى مستولية على 90% من الواحة و القسط عندهم مريح

الف مبروك يا كيموووووووووو انا مفهمش حاجه فى الشقق دى فاقولت اخش ابارك
----
تعالى اسكن جنبى فى القناطر ياض قريبه برضو :p

http://nmcegypt.com/Amco_project_MoonCity.aspx


شوف كدة الكمبوند دة

هتلقى طلبك فى صقرقريش بالمبلغ اللى معاك

ماتيجى عندنا فى حدايق الاهرام ياكريم فى العمارة اللى قصادنا شقه 185 متر محارة وحلوق وعلى واجهة العمارة والمدخل متشطب كلو رخام اسبانى وبوابة حديد وسلالم رخام واسانسير وليك حصة فى الارض وشقة 3 غرف و 2 حمام وريسبشن طوله 12 متر او اكتر و ب 185.000 كاش يعنى ب 1000 جنية المتر وتشطبها على مزاجك والمنطقه هادية جدا والبوابة الاولى يعنى يادوبك شغلك كلو هيبقا دائرى فكر فيها المنطقه لذيذه ومستقبلها هيبقا كويس بعد ما تتسفلت شوارعها بعد الغاز اللى بيتعمل دلوقتى

الهضبة الوسطى جميلة جدا ومنطقة راقية واسعارها معقولة جدا وممكن بالمبلغ دا تجيب حاجة كويسة جدا انا عندي شقة هناك ومبسوط بيها جدا الحمد لله ولو محتاج مساعدة انا تحت امرك

لو عاوز فى المعادى قولى ليا واحد صحبى شغال فى شركه عقارات كبيره ومشارعيهم كلها هناك لو كده قولى واديك رقمه على الخاص وانا اوصيه عليك

متابع

لو عاوز بلمبلغ دا
فيه عند واحد قريبى شقه تطل على المتحف المصرى الجديد" وانت راجع من اسكندريه الصحراوى هتلاقيها اول عماره على شمالك الى جمب الدائرى وبتتشطب
تقريبا الشقه مساحتها 150 متر " مش متاكد من المساحه" وسعرها تقريبا 300 الف

مبروك يا كيمو.
وافتكر انى قولتلك بلاش هههههههه

انت ممكن تزود شويه وتشوف شقق فى تعاونيات شيراتون بس الشقق الغرفتين مش التلات غرف
هيكون المبلغ اكبر شويه والمساحه اقل يعنى فى حدود 105 بس منطقه كويسه ومش هاديه ومش زحمه وماسكه كل الطرق تقريبا العيب الوحيد ان العمارات قديمه شويه وشكلها مش ولا بد

انا بدور زيك كده لقيت مشروع شركة زهراء المعادى للاستثمار شقق مساحات كبيرة ومنظمة جدا جدا
4 ادوار متكرر وارضى
بينزلوا مزاد فى الصفحة الاولى فى الاهرام
خد الموقع ::: Zahraa Maadi :::
وبرده فى شركة اسمها المنصور ليها عمارات فى الهضبة الوسطة مساحات 120 و140 م واكثر
سعر المتر 2000 الى 2400 كاش
2200 الى 2600 نص كاش والباقى على سنتين
عنوانها شارع الجزائر قبل كارفور اكسبريس بجوار المركز العربى الطبى -المعادى

حاليا بدرس عرض شركة المنصور لان اسعار شركة الزهراء لاتقل عن 500 الف بس جميلة جدا لما شوفتها

اخوك برده حيران ولو وصلت لمعلومة بلغنى

حطهم فى البنك واجر شقه 2000 جنيه

اقتباس:

---

المشاركة الأصلية كتبت بواسطة mohyeldin1974

انت ممكن تزود شويه وتشوف شقق فى تعاونيات شيراتون بس الشقق الغرفتين مش التلات غرف
هيكون المبلغ اكبر شويه والمساحه اقل يعنى فى حدود 105 بس منطقه كويسه ومش هاديه ومش زحمه وماسكه كل الطرق تقريبا العيب الوحيد ان العمارات قديمه شويه وشكلها مش ولا بد

---

كده هيحتاج يزود شوية كتير لأن أسعار شيراتون مش هتقل عن نص تقريباً..
هي المنطقة كلها مبنية بدءاً من الثمانينيات فمعتقدش أن في مباني قديمة يعني..

اقتباس:

---

المشاركة الأصلية كتبت بواسطة dede_dodo88

كده هيحتاج يزود شوية كتير لأن أسعار شيراتون مش هتقل عن نص تقريباً..
هي المنطقة كلها مبنية بدءاً من الثمانينيات فمعتقدش أن في مباني قديمة يعني..

---

لا مش كتير اوى ، انا حددت ممكن يلاقى فين

الف مبروك وربنا يتمم علي خير

يعني 300 الف وبتقولوا مش هتلاقي طلبك ّ!!!! ... يعني المطلوب من الواحد عشان يجيب شقة كويسة نص مليون ع كده ..دي بلد عايزة يتولع فيها بجاز وسخ بجد

اقتباس:

---

المشاركة الأصلية كتبت بواسطة hazemhany

يعني 300 الف وبتقولوا مش هتلاقي طلبك ّ!!!! ... يعني المطلوب من الواحد عشان يجيب شقة كويسة نص مليون ع كده ..دي بلد عايزة يتولع فيها بجاز وسخ بجد

---

انت قولت اللي المفروض يتقال
بلد عاوزة الولعه

تعالى انا اقلك حضرتك هتتطلع عالتجمع الثالث القاهرة الجديدة يعنى بعد شقتك ب 5 دقايق بالعربية انا ساكن هناك هتسال على شقق مبارك 100 متر دى بحوالى 245 الف و قسط 70 جنية شهريا المنطقه راقيه جدا و جناين و هدوء و اماكن واسعه للعربيات هتتدعيلى و هتعجب العروسة و اهلها جدا جدا جدا الف مبروك و ربنا يتمم عالخير

اقتباس:

---

المشاركة الأصلية كتبت بواسطة midooo_119

تعالى انا اقلك حضرتك هتتطلع عالتجمع الثالث القاهرة الجديدة يعنى بعد شقتك ب 5 دقايق بالعربية انا ساكن هناك هتسال على شقق مبارك 100 متر دى بحوالى 245 الف و قسط 70 جنية شهريا المنطقه راقيه جدا و جناين و هدوء و اماكن واسعه للعربيات هتتدعيلى و هتعجب العروسة و اهلها جدا جدا جدا الف مبروك و ربنا يتمم عالخير

---

ههههههههههه مبارك

اقتباس:

---

المشاركة الأصلية كتبت بواسطة ahmad--ezzat

ههههههههههه مبارك

---

ياعم طب ادخل سلم ده انا زعلان منك لا سلام و كلام و لا جيت ولا شفناك واحشنى اوووووووووووى

الف مبروك يا باشا وربنا يتمم بخير.

أنا راى حضرتك ممكن تشوف المنطه التاسعه مدينة نصر, اللى هى من المنهل (حسن المامون) وانت طالع كدا لحد الحى العاشر , الاسعار فى حدود 2500 المتر وبيكون فيه تقسيط على سنتين, وممكن بردوا تشوف الواحه.

خد نظرة فى مدينة الفسطاط هية المنطقة مش واو بس فى الاسعار اللى بتقولها و لو اخدت اول صف فى دور عالى ممكن تشوف القلعة و النيل كمان و الاهم انها قربية من كل حاجة كورنيش المعادى و وسط البلد و المنيل و صلاح سالم يعنى موقع متوسط

بفضل لك مدينة عباد الرحمن او اى كمبوند جنبيها بعد ابراج سما على الدائرى

هدوء ومستوى كويس جدا والاسعار كويسة بردك

انا واخد هناك فى المعادى جاردنز والمدينة هادية جدا وجنبيك كل حاجة

اقتباس:

---

المشاركة الأصلية كتبت بواسطة yasserwin

بفضل لك مدينة عباد الرحمن او اى كمبوند جنبيها بعد ابراج سما على الدائرى

هدوء ومستوى كويس جدا والاسعار كويسة بردك

انا واخد هناك فى المعادى جاردنز والمدينة هادية جدا وجنبيك كل حاجة

---

بصراحة كارفور عامل صيت كويس للمنطقة دية ياريت تقولنا اسعار المتر كام هناك

اقتباس:

---

المشاركة الأصلية كتبت بواسطة mastr_n

بصراحة كارفور عامل صيت كويس للمنطقة دية ياريت تقولنا اسعار المتر كام هناك

---

المتر عامل 2500 جنية

انا شقتى فى الهضبة الوسطى المكان هناك ممتاز وكل يوم بيفتح محل جديد وكمان كارفور قداامك يا دوب تعدى الدائرى

اقتباس:

---

المشاركة الأصلية كتبت بواسطة angel_wolf

انا شقتى فى الهضبة الوسطى المكان هناك ممتاز وكل يوم بيفتح محل جديد وكمان كارفور قداامك يا دوب تعدى الدائرى

---

ياريت توضحلنا اشتريت ازاى عن طريق سماسرة ولا نزلت بنفسك ولا شركات استسماسرية ومتوسط اسعار المتر كام؟

اقتباس:

---

ياريت توضحلنا اشتريت ازاى عن طريق سماسرة ولا نزلت بنفسك ولا شركات استسماسرية ومتوسط اسعار المتر كام؟

---

انا اشتريت من شركة النصر هى العمارات بتاعتها انا كنت واخدها من سنتين ب 2000 جنية المتر بس علشان المداخل رخام والسلام والكلام دة فى عمارات اهالى عادية اصلا مفيش مدخل باب العمارة و 4 درجات سلم و تلاقى السلم فى وشك و سلم حجمة زى بتاع الطوارى مش اكبر و الاسانسير حاجة عرة اوى وفى عمارات ممتاز واحسن من الى انا مشترى فيها وكانت ارخص بس عم الحج عندنا بيحب شركات القطاع العام

مفكرتش في التجمع ليه؟

التجمع التالت ممكن
و ممكن التجمع الخامس عند النرجس و ديه هيبقي فيهم قسط لان الشقه كاش ب 450 أو أكتر بس نضيفه جدا

أكتوبر بقي عندك كتير أوي
أهمهم طيبه جاردنز قريب من نادي الصيد اللي هناك و مول العرب
المتر قريب كان عامل 2200-2500 و المنطقه كويسه و لكن التسليم امتي مش عارف
كلمهم و أسأل
علي ما أعتقد ان المرحله الاولي اتسلمت و حاليا في التانيه و التالته

و مبروك يا كيمو

الف مبروك مقدما يا ابو كريم

للأسف العمارات اللي طالعة في المنطقة اللي بتكلم عليها الارضي وضع يد لكن فيه ناس دخلهم مرافق بس بشوف اساسات متستحملش ابراج بالشكل ده و عماير تحس انها ساندة ع بعضها ده غير ان وراك 4 و نص و انت ادري بالباقي

بالنسبة طلبك القاهرة الجديدة سواء اول او خامس فيها طلبك و زيادة
و لو تقدر تزود المبلغ شوية ممكن تاخد حاجة في حدود 100 متر في الرحاب