عرض للطباعة
يا جماعة واحد صاحبى عايز يجيب ريو هاى لاين فهو محتار جدا بين الخليجى والوكيل ايه أفضل
هوا عاجبه الخليجى لزيادة الاوبشنز بس خايف من شوية حاجات
الوكيل هيصينها عادى ولا لا
ولو مش هيصينها فى التوكيل يعمل ايه
وايه اخر أخبار استهلاك البنزين
ولو حد عند معلومه يقولنا علشان نعرف الخليجى أفضل ولا الوكيل
احنا عرفنا ان سعر التوكيل 123 الف لو هنحجز و 125 الف لو هنستلم فورى والخليجى 127 الف و 130 الف مختلفين فى شوية اوبشنز بدون ضمان
شكرا
انا كنت في المصرية للسيارات وقالي ان الريو الهاي ﻻين الخليجي من غير ضمان بس ممكن اشتريلها ضمان وتتصين في مراكز الخدمة الفرعية وهما اللي هيجبولي الضمان في فرع المعادي
خليك فى الوكيل عشان الضمان , والخليجى بتعمل صيانه فى التوكيل عادى
شكرا يا جماعة للناس اللى ردت ياريت اللى عنده اى معلومة كمان ميبخلش علينا
بص يا سيدى
أنا معايا ريو وكيل و بصراحه أنا أخترت الوكيل علشان كنت خايف من العربيه كانت لسه جديده و كنت خايف من المشاكل ,بس الحمد لله محصلش حاجه
الموضوع بأختصار
لو عايز تجيب خليجى ,تقريبا بنفس سعر الوكيل مع زياده فى الأوبشنز
بس من غير ضمان
بس ممكن تشترى ضمان للعربيه من شركه ( middle east أوtripple A)
ممكن تعمل ضمان لمده سنه أو أكتر
الموضوع الى مخوفنى أنى بحس أن لو حصل مشكله بجد ممكن يقولوا مليش دعوه أو يماطلوا فى التغيير ( ده مجرد أحساس أنا معنديش أى معلومه بكده)
بس برضه التوكيل بيماطل فى التغير لو فى الضمان
فى الأخر القرار قرارك تجيب توكيل و تمشى جنب الحيط أو تجيب خليجى و تخلى قلبك جامد وأنت و حظك
الله ينور كلام سليم وعين العقلاقتباس:
المشاركة الأصلية كتبت بواسطة tmhami
انا معايا ريو هاي لاين وكيل وبرضه بنفس السبب لاني خايف من اي مشكلة في العربية وهي خليجي محدش هيعمل لك فيها اي حاجة
في فرق بين الصيانة اللي هي الصيانات الدورية ودي ممكن اي عربية خليجي او توكيل تعملها في المركز
انما في مشاكل اخطاء الصناعة وانت خليجي مش هيرضى يعمل لك اي حاجة
بس مشاكل عيوب الصناعة بتكون قليلة عموماً ونادرة لكن ليه متكونش انت النادر اللي هتحصل معاه المشكلة ؟ علشان كده بنحب نبقى في السليم ونريح بالنا مع التوكيل