رمال متحركة
او قامت عاصفة رملية جامدة فغطتهم
كانو ماشيين فى الطريق دا وحصل مطر او سيول شديده وممكن كمان حاولو يتحركوا فيها فغرزوا وطبعا لما المية نشفت بقوا كدا
طب مش ممكن تكون الارض الي جين يحفروها ارد مقدسة ... او منطقه فيها لعنة ما ؟؟
يا عزيزى ... دة مش بلدوزر دة اسمه لودر ....
البلدوزر بيمشى على كاتينة مش كاوتش ....
صورة معبرة
اعتقد بحر رمال ههههه ..
الأسباب اللي عندي وتخليه يغرز ... علي الأقل هيكون مترب من برة !!
ده حتي الأزاز نضيف !!!!
دول غرزوا واتصوروا علي طول
ماينفعش عاصفة ! ... كانوا هيبقوا متربين عالأقل
ماينفعش سيول ! .. كانت هتبقي الأرض مبلولة ... لو قلنا نشفت يبقي البلدوزر عليه تراب ومية ونشفت بقت طين !!
بحر رمال ! ... شكل الرملة مش ناعمة وكمان في خطوط سير بلدوزر عالأرض ومش عميقة !!
مش عارف :d
تحليل مقنع برضو ... انا شفت الرمال المتحركة قبل كدة. بس بتبقى حتت حتت ... وبتحس ان الرملة ناعمة كدة بنعومة الاسمنت او الجبس وتوهمك ان الارض صلبة وانتا ماشي هوبا. تلاقي العربية بتسرح على تحت
احتمال تكون الصورة تركيب احتمال كبير لان مفيش سبب لوجود 5 لوادر مع بعض فى مساحه صغيره
الاحتمال التاني الى الودرات دى كانت مركونه وجه عليها سيول والارض مطبله - اول 5 سم من سطح الارض يبان ناشف لكن تحته عجين - وده بيفسر اختلاف لون التربه الخارج من عجلات اللودر الايسر وكبشة اللودر المواجه للصورة ووجود طمي كثير على عجلات اللودر الايمن
هما أكيد مستنيين لحد ما الارض تمسك شويه وهيطلعو عادي لان عموما صعب جدا ان لودر يغرز لانه بيستخدم الشوكه او الكبشه بتعته لرفعه وتسحبه بمقدار حوالى 40 سم فى كل سحبه بدون التحميل الزائد على العجل الخلفي عشان مغرزش وسحبتين تلات بالشوكه بيكون طلع
واضح ان الصوره متصوره فى الخليج واكيد سواقين اللودرات دي مكنوش مصريين :Copy of m-s5:
ارض رمال متحركه
الموضوع ده قابلنى كتير فى مناورات النجم الساطع
وكنا بنعمل انقاذ للغرز بالدبابات لسحب العربيات المغروزه