اريد نصيحة للتخلص من الادمان
بجد انا مدمن بس مش مدمن مخدرات
انا مدمن نايل موتورز
يعنى دلوقتى على سبيل المثال ان قاعد فى المنتدى بالضبط من الساعة 8.00 مساء والساعة دلوقتى 11 .15
وكل مرة كده
انا بحب نايل موتورز بس فى حاجات ورايا مهمة بسبها واقعد امام نايل موتورز
مراتى اساسا فقدت الامل فيا اول متلاقينى قعدت هى زهقت ويأست من الكلام معايا
تروح قاعدة امام التليفزيون وتسيبنى قاعد مع نايل موتورز - وانا باعتبر ده تقصير منى معاها لأن ليها حق
عليا
ثانيا انا بدرس فى دراسة معينة فى مجال معين المفروض انى اذاكر لما اكون موجود فى البيت واقرأ
اللى بيحصل اقلاقى زى ما يكون فى سحر بيشدنى ناحية الكمبيوتر واقعد امامه بال 3 او 4 او 5 ساعات
انا مش عايز امنعه نهائيا بس عايز اعمل كنترول حتى لو ساعة فى اليوم ترفيه
لكن كده انا بهمل فى حق نفسى وحق زوجتى وحق ابنى
محدش عنده نصيحة
واكيد فيه اعضاء زيى كده