عربية بروتون جين 2 متسقطلها موتور استيراد شمال يوجد مشكلة فى نقل الحركة بتفصل عند سرعة معينة,,, هل يلزم تغير الضفيرة ام الفتيس ام بوجد حل اخر
عرض للطباعة
عربية بروتون جين 2 متسقطلها موتور استيراد شمال يوجد مشكلة فى نقل الحركة بتفصل عند سرعة معينة,,, هل يلزم تغير الضفيرة ام الفتيس ام بوجد حل اخر
ممكن حضرتك توضح يعني ايه موتور استيراد شمال؟
وياترى كامبرو عادي ولا cps ؟
موتور استيراد من مايزيا حضرتك عارف ان الطارة هناك يمبن فبالتالى الضفيرة والفتيس حركتهم عكس
المفروض إن الموتور مالوش دعوة بقصة اليمين والشمال دي خالص .. لأن ده موتور سواء ركب من الناحية دي أو من الناحية التانية .. لكن هية نفس الضفيرة ونفس الفيش وكل حاجة
هو الموضوع بس ممكن يكون ليه علاقة بقرايات الحساسات بتاعته وكيفية فهمها من الكونترول على ما أعتقد ... والله أعلم
يعني ممكن تشوف قرايات الكمبيوتر طبيعية ولا فيها حاجة
السؤال بقى هنا ركب ازاى ... ؟؟؟
ياريت صور لو سمحت خصوصا للفتيس
اخي الفاضل دكتور ايمن
كوني مهندس جوده لضفائر Jaguar Land Rover التي يتم تصنيعها في مصر وكوني متواجد حاليا في مصنع Range Rover بانجلترا احب اقول لحضرتك ان العربيه ال Right hand drive مختلفه تماما عن ال Left hand drive في ضفائرها و قيس عليها كل حاجه
وبخصوص سؤالك اخي عن تغيير الضفيره طبعا ضفيره ال Engine ده شبه مستحيل لانها اول حاجه بتركب في العربيه
ولكن في النهاية أليس الموتور مواصفاته واحدة سواء القيادة من اليمين أو العكس ... أم أن هناك اختلاف كذلك بالنسبة للموتور من ناحية ارتباطه بالضفيرة
أصل الراجل كل اللى عمله إنه غير الموتور ... وكنت أعتقد أن نفس الفيش اللى في الموتور الأول هية هية اللى في الموتور التاني
برجاء الاستفاضة في هذه النقطة بصفتك من أهل العلم فيها ...
وجزاكم الله خيرا
ازاى ؟؟؟
أنا معظم السيارات اللى شوفتها قطع غيار دريكسيون يمين بيتاخد منها كل حاجه وبتركب بدون تعديل ما عدا التبلوه وعلبة الدريكسيون وفرش الأبواب
والدليل ان الجين أساسا" دريكسيون يمين و لما نزلت مصر بدريكسيون شمال كان مقبض فتح الكبوت فى مكانه فى اليمين
معلومه بسيطه
معظم السيارات اللى كانت بتنزل دريكسيون يمين من بلدها و بتتعدل على حسب كل بلد بتلاقى علبة الشكمان ناحية الشمال و فتحة تنك البنزين يمين
لو العربية بتعمل كده من ساعة ما سقطت الموتور و حضرتك مسقط الموتور بالكنترول بتاعه يبقى إحتمال كبير تكون السرعة محددة إلكترونياً و دى حلها فى سوفت وير الكنترول