ياريت حد يفسرلى اللى انا شفته

**menamakram2003** · 14-07-2008 02:48 PM

انا حصل معايا موقف عجيب جدا خلانى متعقد من انى ممكن اسوق تانى بعد اللى شفته فى اليوم ده...

كنت راكب الاتوبيس المكيف وكان يوم خميس وزحمة اوى وكان طالع من شارع الهرم وداخل على ميدان الرماية وطبعا عشان الزحمة اللى فى ميدان الرماية والاشارة كان الشارع واقف فلما السواق لقى الدينا زحمة راح لف من يو ترن وافتكرته راجع شارع الهرم تانى فالناس بتقوله رايح فين وبعيد بعد ما لف وبقى فى المقابل راح فضل يرجع بدهره !!!!!!!!!!!!!!!!!

شفتو التخلف بعينه وكان لسه بدرى على ميدان الرماية وهو واخد الشارع بدهره عشان يوصل الميدان والعربيات اللى جاية تفضل تزمر وهو مصمم وطبعا وصل قرب الميدان والدنيا ازحم ومعرفش يتصرف انا قعدت شوية وبعدين اعصابى باظت ومستحملتش فنزلت.

المصيبة ان بعد ده كلو الطريق اللى رايح راق شوية يعنى لو كان كمل زى الناس كان وصل طبيعى.

يعنى تخيلو انتو منظر اتوبيس 50 نفر ماشى بدهره تقريبا شفتها فى فيلم اجنبى قبل كده من افلام الخيال العملى ههههههههههههه

**pampino** · 14-07-2008 03:27 PM

you are in egypt cause that you can see all things here

**محمد عز** · 14-07-2008 03:34 PM

تفسيره
كفايه كده
حرام الخنقه ده
الواحد يشوف له محافظة تانيه يعيش فيها
بدل الزحمة والبهدله ده
ما سيناء شبه خاليه
لازم الدوله تفكر شويا فى انه تستعمر الاراضى المهولة الفاضية
بدل موضوع الازمة السكانيه وتنظيم النسل والكلام ده
مش لازم كل حاجة تبقى فى القاهرة
كفااايه كده

**Adham** · 14-07-2008 03:49 PM

ايوة هي دي مصر فعلا

و لو شافة 100 امين شرطة و ضابط ماحدش يعمللة حاجة

انا مرة عملت حادثة بسبب سواق نص نقل برضة فاتتة فتحة شمال قام واقف في الشمال و راجع بضهرة علشان يلف, و انا جاي بسرعتي و باتخطى عربية من الشمال و بابص في المراية عاللي ورايا و يادوب بابص قدامي لقيت النص نقل قدام الكبوت و الحادثة دي كلفتني فوق ال 7000 جنية و عطلت العربية شهرين

و المهم بقى ان اتصلت بالنجدة و الأمين اللي جة عاوز يلم الموضوع و السلام, و طبعا انا اصريت و اخدت الواد للقسم و طبعا بيقول انة ماكانش راجع بضهرة و انا لبست فية و هو ماشي في حالة

برغم انة لغاية ما نزل من العربية و النور بتاع المارشدير لسة منور في الفانوس الشمال بتاعه (السليم)

بس الواد مامعهوش رخصة سارية لا للعربية ولا للقيادة الاتنين منتهيين, ولولا كدة كان روح, بات في القسم و اتعرض عالنيابة و خلاص

و انا يعوض عليا ربنا بقى

والله الناس دي مفروض تتسجن زي ماقانون المرور "الجديد" مابيقول "

**MEDO80** · 14-07-2008 04:04 PM

حضرتك كنت صورتة بالموبايل و عرفت رقم الاتوبيس و الساعة كام و يوم كام و رحت اشتكيته في هيئة النقل العام و رفعتها علي اليو تيوب و تبلغهم بكدا علشان يضطروا ياخدوا معاه اجراء ابتزاز يعني
و لا امين و لا ضابط بيعرف يكلم الجماعة بتوع النقل العام دا مش عارف لية برضة فوجودهم زي قلتة بالنسبة لهم

**MoToRiZeR** · 14-07-2008 07:47 PM

كان المفروض الناس اللي في الاوتوبيس كلها تهزقه و تاخد نمرته و تبلغ عنه

**shalaby2001** · 16-07-2008 03:20 AM

يبقى انتا اكيد اكيد فى مصر!!!!!!!!!!!!!!!!!!!!

**ehabradwan** · 16-07-2008 10:35 AM

يا باشا عادي جدا انا قبل ماجيب العربية لما كنت اركب مع واحد من دول لازم يفقع مرارتي
يركن على جنب ويروح يجيب عيش او الفطار بتاعه او اي حاجة و توز في الركاب كلهم

عادي جدا يا باشا