ارجوكوا حد يفدني في النوبيرا بالله عليكم لحسن هاتجنن

**Nubiraarg** · 30-11-2012 06:22 AM

السلام عليكم....يا جماعة أنا كان معايا نوبيرا ١ موديل ٩٩ كاملة اوتوماتيك المهم بجد العربية كانت ماشا الله زي الفل في كل حاجة فعجبتني النوبيرا بصراحة فحبيت اجدد فجبت نوبيرا ٢ موديل ٢٠٠١ عاملة ٨٧ الف كيلو كاملة اوتوماتيك وكانت مرفوعة المهم غبشان مطولش... اولا لقيت لمية الشيك بتنور بعد كالمشي بالعربية شوية... ثانيا وده الأهم حاسي ان العربية مخترقو ومش بتجري خااااااالص حتي لو جبت اخر الدواسة بعكس النوبيرا ١ بكتيييييييير ....... ثالثا بقي بحس ان العربية بتحري علي الغيار وبمجرد ماشيا رجلي من علي البنزين ودوس تاني تغير الغيار ...... رابعا لما بدوس فرامل بحس برجة غريبة في العربية خامسا حاسس ان العربية صوتها عالي اول لما أتحرك انما لما أدور بتلقي خرصة ارجوكوا يا جماعة حد يفدني ويدلني اعمل إيه وده عيب إيه لحسن أنا بجد هاتجنن وبعد ما كنت بعشق النوبيرا كرهتني في العربيات كلها أنا لسه جايبها من اسبوع بالظبط ٤٣ الف جنيه مع العلم ان كل اللي شفها قالي العربية كاساسيات زي الفل ومش متهانه بجد بس أنا مش عارف اعمل إيه وآسف جدا جدا علي الاطاله.

**Nubiraarg** · 30-11-2012 06:51 AM

أسف جدا ياجماعة علي الغلطات الكتابية في الموضوع لأني كنت بكتب من الموبيل

**حماده المصري** · 30-11-2012 07:21 AM

مش عارف اقولك ايه

بس نوبيرا 2 صوتها عالي معروف جدا الموضوع ده

وفتيسها غبي بيبوز بسرعه لانه فتيس مش كهربا

النوبيرا وان ممكن يكون فيها الفتيس الكهربا لانه في موديلات كتير منها اوروبي وخليجي نضيفه

لمبه المتور محتاجه جهاز كشف

**sherif_84** · 30-11-2012 07:23 AM

صباح الخـــير ..
نورت المنتدى يا باشا .. كل سنة وانت طيب
بص عربيتك كده لازم تتحط على سكــانر عشان يتعرف اللى فيها ايه بالظبط عشان مادام لمبة التشيك انجن بتنور بعد المشي يبقى فى حاجة فى المحرك لازم تتظبط و بعدين شكلك كده معملتش ليها صيانة بعد ما اشتريتها .. عموما فى مركز خدمة محترم قوى انا باتعامل معاه عالطول بس بعيد عنك شوية لان حضرتك كاتب الاقامة فى الجيزة و المركز ده فى ش طومانباى فى الزيتون بس هيحطوا العربية على الجهاز ويطلعوا العيوب اللى فيها ايه و ان شاء الله تتظبط معاك و ماتتضايقش منها ابدا .. بس لازم تعمل حسابك على مبلغ كويس لانها ممكن تتكلف لانهم بياخدوا ضريبة مبيعات و بياخدوا مصنعية .
أرجو انى اكون أفادتك .

**elpasha1** · 30-11-2012 09:15 AM

غير سيور والفلاتر اذا مكنتش غيرتهم وان شاء الله هتحس بفرق
لو فضلت لمبة التشك منورة يبقى لازم تحط العربية على الاسكانر علشان تعرف العيب من اية بالظبط

**aliyosef** · 30-11-2012 02:17 PM

مبروك عليك عربيتك
صوت النوبيرا 2 كده فى خشونه وانت ماشى
لمبه الشيك روح حط العربيه على اسكنر ب 40 ج
حكايه الدوسه والنقله فى النوبيرا دا درس بمعنى لو انت محمل رجليك على البنزين براحه العربيه هاتنقل على حوالى 2.5 انما لو قارس شويه هاتنقل على 3 ولو مقفل الدواسه قبل الكيك داوون هنتقل على 3.75 انما لو كيك داوون مش هاتنقل غير لما تشيل رجلك او 6 rpm
وحكايه انك تكون كاشى وترفع رجليك وتدوس تانى العلربيه تنقل على الغيار الاعلى دا طبيعى جدا فى النوبيرا
مبروك عليك السياره الجديده بس ترى ياشيخ غير كل السيور والفلاتر وظبط السياره

**Nubiraarg** · 30-11-2012 05:24 PM

اشكركم يا جماعة علي الرد بس هو في حد صيانة نوبيرا قريب من الجيزة واتمني ان حد يفدني في موضوع خنقة العربية الغير عادية دي ،، وأما موضوع الغيار ده يا استاذ علي يوسف أنا لا اعتقد انها طبيعية ،، وهل ممكن يكون الشكمان مثلا معلي صوت العربية (واشكركم مرة اخري).

**aliyosef** · 30-11-2012 07:19 PM

المشاركة الأصلية كتبت بواسطة nubiraarg

اشكركم يا جماعة علي الرد بس هو في حد صيانة نوبيرا قريب من الجيزة واتمني ان حد يفدني في موضوع خنقة العربية الغير عادية دي ،، وأما موضوع الغيار ده يا استاذ علي يوسف أنا لا اعتقد انها طبيعية ،، وهل ممكن يكون الشكمان مثلا معلي صوت العربية (واشكركم مرة اخري).

انا معابا نوبيرا بقالها سنتيين الحمد لله
ولو مثلا ماشى على 60كم ورفعت رجلى لمده ثانيه او 2 هاتنقل للغيار الاعلى وتلاقى ال rpm وطى بقا على 1.5 مثلا