الموضوع: حد يرد علينا و يطمنا

شكلها فعلا وحش و العيوب اللي ظهرت مقارنه بسعرها مفيش مشكله
و انا راءيي القديمه احلى بكتير

المشاركة الأصلية كتبت بواسطة essa144

يا جماعه حد يرد علينا و يقول لينا هو فعلا الصني الجديده كلها مشاكل زي ما بعض الناس ما بتقول و لا ايه و ايه حكايه قطع الغيار اللي مش موجوده و اسعارها اللي مبالغ فيها حد بالله عليكم يطمنا انا حاجز صني و بدءت اخاف من الكلام اللي بيتقال عليها و علي مراكز الخدمه وهل الكلام ده بسبب المنافسه ولا ايه يا شباب طب ولو بسبب المنافسه طب الصح فين

متابعه بإهتمام
انا كنت متحمسه جدا للعربيه و حجزت فعلا و هاستلم في شهر يناير ان شاء الله و بعد كده كل شويه حد يطلع مشكله شكل ، شويه المساعدين الوراء بيزيقوا بعد كده بيقولوا المشكله اتحلت و دلوقتي اصوات فرامل و مشاكل في التيل و الطنابير ، مش عارفه ده طبيعي ، انا اسمع ان اي عربيه جديده بيبقي ليها شويه مشاكل و طالما التوكيل بيغيير كل حاجه في الضمان يبقي كله تمام ،
بس العربيه في نفس الوقت بقت منتشره جدا جدا كانها بتتباع في السوبر ماركت ، فالمفروض ان ده ميكونش من فراغ

ياريت الصقور الي شارينها يطمنونا

اومال لو مكناش في قسم نيسان يبقا ايه اللي حصل باين عليهم الصقور مش عارفين يردو و باين عليهم بقو عصافير ولا ايه ده مش تجريح يا جماعه ده اللي انا شايفوه من صقور القسم اللي مش هاين عليهم يردو و يطمنونا ولا كلام الناس طلع صح و مش لقين رد او مبرر

السلام عليكم

انا عندي العربيه من شهر 8 اللي فات وعامل تقريبا 8500 كيلو, العربيه معقوله جدا وفي رنج سعري مناسب على المواصفات اللي فيها

فعلا يعيبها نقص قطع الغيار ومقدرش اقول ان ده سببه ان العربيه جديده لان اي توكيل محترم مفروض يوفر قطع الغيار قبل طرح العربيه للبيع فمابالك ان العربيه بتتجمع في مصر عموما دي حاله عامه في مصر مش بس توكيل نيسان كل التوكيلات كده بسبب الجشع وغياب الرقابه

نقطه تانيه فعلا مهمه العربيه فعلا فيها مشكله في مجموعه الفرامل بسبب حدوث اصوات تصفيير عند الفرمله وعلاجه قطعه غير موجوده في التوكيل وده مجرد صوت وصداع بس مش مهم اوي في السلامه بس المهم فعلا ومش عارف دي حاله فرديه تخصني انا بس ولا متكرره عند ناس تانيه موضوع الطنابير اللي عندي فعلا مشكله فيها والتوكيل يرفض الاعتراف ان ده عيب صناعه بعد 5000 كيلو

اما موضوع تزييق المساعدين ده كان عيب في العربيات اللي تم طرحها في الاول واعتقد انه غير موجود في العربيات الجديده على حد علمي وانا عن نفسي معنديش العيب ده لحد الان

وانا بجدد اقتراحي ان حد من المسؤليين عن القسم يعمل موضوع يخص العربيه دي ويجمع جميع المشاكل وناخد اجراء جماعي مع التوكيل اما يشوف لينا حل او نتوجه بشكوى جماعيه لحمايه المستهلك

خلاصه الموضوع العربيه فعلا جيده وفي قمه فئتها السعريه واللتريه ينقصها الاهتمام من المصنع والوكلاء للمحافظه على انتشارها واستمراريه ثقه الناس في اسم نيسان، لاني اعتقد ان دور اسم محترم زي نيسان بصرف النظر عن توكيله في مصر وموزعينه هو ثقه المستهلك والاعتماديه مش مجرد تفريخ عربيات وبيعها بدون استراتجيه واضحه لخدمه مابعد البيع

مع جزيل الشكر

المشاركة الأصلية كتبت بواسطة sherifezzat

السلام عليكم

انا عندي العربيه من شهر 8 اللي فات وعامل تقريبا 8500 كيلو, العربيه معقوله جدا وفي رنج سعري مناسب على المواصفات اللي فيها

فعلا يعيبها نقص قطع الغيار ومقدرش اقول ان ده سببه ان العربيه جديده لان اي توكيل محترم مفروض يوفر قطع الغيار قبل طرح العربيه للبيع فمابالك ان العربيه بتتجمع في مصر عموما دي حاله عامه في مصر مش بس توكيل نيسان كل التوكيلات كده بسبب الجشع وغياب الرقابه

نقطه تانيه فعلا مهمه العربيه فعلا فيها مشكله في مجموعه الفرامل بسبب حدوث اصوات تصفيير عند الفرمله وعلاجه قطعه غير موجوده في التوكيل وده مجرد صوت وصداع بس مش مهم اوي في السلامه بس المهم فعلا ومش عارف دي حاله فرديه تخصني انا بس ولا متكرره عند ناس تانيه موضوع الطنابير اللي عندي فعلا مشكله فيها والتوكيل يرفض الاعتراف ان ده عيب صناعه بعد 5000 كيلو

اما موضوع تزييق المساعدين ده كان عيب في العربيات اللي تم طرحها في الاول واعتقد انه غير موجود في العربيات الجديده على حد علمي وانا عن نفسي معنديش العيب ده لحد الان

وانا بجدد اقتراحي ان حد من المسؤليين عن القسم يعمل موضوع يخص العربيه دي ويجمع جميع المشاكل وناخد اجراء جماعي مع التوكيل اما يشوف لينا حل او نتوجه بشكوى جماعيه لحمايه المستهلك

خلاصه الموضوع العربيه فعلا جيده وفي قمه فئتها السعريه واللتريه ينقصها الاهتمام من المصنع والوكلاء للمحافظه على انتشارها واستمراريه ثقه الناس في اسم نيسان، لاني اعتقد ان دور اسم محترم زي نيسان بصرف النظر عن توكيله في مصر وموزعينه هو ثقه المستهلك والاعتماديه مش مجرد تفريخ عربيات وبيعها بدون استراتجيه واضحه لخدمه مابعد البيع

مع جزيل الشكر

تسلم علي الاقتراح ده بس ياريت اداره المنتدي تقوم بيه بدل ما نا حاسس انها بتجامل الوكلاء عشان خاطر الاعلانات اللي في المنتدي لو انا غلطان ياريت حد يرد علينا