الزيت بيقل ومفيش دخنه ولا تسريب في اوكتافيا a5

لو سمحتوا انا لسه شاري عربيه اوكتافيا a5 موديل 2007 عامله 150000 كم روحت اغير زيت لها لقيت الزيت ناقص قولت اتابعه المهم غيرت زيت موبيل ون بعد 1000 كيلو لقيت الزيت تمام ومش ناقص ولكن بعد 2000 كيلو لقيت الزيت بدأ ينقص وينزل عن العلامه بحوالي 3 شرط مع العلم ان مفيش اي دخنه باينه من الشكمان والسحب بتاع العربيه حاسس انه قليل ولكن لما بدوس جامد العربيه بتجري جامد مش عارف المشكله دي ممكن تكون من ايه؟
لو طقم شنبر اعتقد ان هيكون فيه دخنه في الشكمان
المهم كلمت التوكيل بتاع طنطا قاللي هما ما بيعملوش صيانه للموتور بيتغير على طول انا مش عارف هل ده صحيح ولالا
انا اسف طولت عليكوا ولكن بالله عليكم افيدوني بنوع المشكله وكيفية علاجها

أرجو الرد السريع

ممكن التسريب يبقى من كاوتش الصبابات والله اعلم ، ودى ما تعملش دخنة في الشكمان على حد علمي ...

ممكن جلد صباب الله اعلم
بس يا ريت تتابع العربية الصبح لما بتدور و الدخان اللي طالع و ممكن بيظهر و حضرتك مش واخد بالك
و هل بتحرق جامد ع الغيارات او بتشد كتيير بالعربية ؟؟

و ممكن حضرتك تجرب زيت تاني غير موبيل فليكن شل او فالفولين او كاسترول
لأن اخر مرة حطيت فيها موبيل العربية سحبها ضعف و صوت الموتور بقي عالي و استهلاك بنزين عالي جدااا و طبعا مكملش 5000 و بقي مية و لونه نازل زي ما حطيته و فيه ناس كتيير حصل معاهم نفس الاعراض بعد ما غيرته الدنيا اتظبطت تاني

انا نزلت دلوقتي ابص على العربيه
هيا مركونه من امبارح نزلت قست الزيت لقيته قل برده لأني لسه جاي بيها من السويس امبارح
المهم دورت العربيه وخليت صاحبي يزود عشان اشوف فيه دخان ولا لا لما زود بنزين لقيت دخنه بسيطه جدا لونها اسود بتيجي للحظه واحده وبعد كده تقطع والشكمان بيجيب ميه بسيطه
مش عارف ليه الزيت بيقل كده انا لسه ما كملتش 4000 كيلو وتقريبا نزل عند ال minimum
مش عارف اعمل ايه ياريت تفيدوني
ولو حد يعرف ممكن اجيب قطع غيار جديده من طنطا من عند مين بس يكون اصلي
؟
شكرا على المساعده

دخان اسود في اول الدوارة ده من اعراض تلف جلد الصبابات

الدخان الاسود ده بيجي لما ازود بنزين جامد وبيكون بسيط جدا للحظه واحده وبعد كده يقطع
مش عارف !!!!!!
الدخان البسيط اللي بتكلم عليه ده يخلى الزيت ينزل من maxالى min
في 4000 كيلو مشي؟

موضوع الزيت ده بالذات غريب جدا وما تعرفلوش حاجة ، ومش مرتبط بالدخنة وبس
عشان كدة ناس كتير بتتخم في العربيات لما تشتريها

كان عندنا عربية بيجو 504 ، لما كنت اروح بيها مشوار القاهرة 200 كيلو رايح جاى ، الزيت ينزل لبعد الـ min !

ومكنش مفيش دخنة من اي نوع من الشكمان !
ودول 200 كيلو مش 4000
ولا تشم ريحة زيت محروق ولا اي حاجة من دى ،

وعالجت كل اسباب التسريب وفضلت على الحال ده لاخر يوم قبل ما نبيعها

كل الحكاية انى كنت احيانا انزل ادورها الاقيها متلتة والبوجيه معرق ، واغيره او انضفه وامشى ، غير كدة ولا الهوا !

بص ياباشا
بما ان الزيت بينقص بدون وجود اي تسريب معنها ان طقم شنبر بس انت بتقول بعد 2000 كيلوا وكده ميعتبرش بينقص جامد ولا حاجة كده المتور حالتة كويسة ومترحش لميكانيكي ويشتغلك ويقلك نفك ونركب والحورات دي استنا لما العملية تبقي علي اخرها
حاول تحط زيت 3 الاف وبعدين هتغيرة ومش هتفرق معاك نقص الزيت اوي بس ابقي تبعة من وقت لاخر

علشان تطمئن على الموتور وموضوع انه جايب جوان او لا
خلى حد يفك لك البوجيهات ويشوف هى عليها زيت ولا لا
ول انت قريب من المحله الكبرى فيه واحد متخصص فى الاوكتافيا ومحترف فيها اسمه ابو جمره
ممكن يكشف لك على العربيه
وان شاء الله خير

انا متشكر جدا على تعبكم معايا
بس فعلا انا قلقان من موضوع نقص الزيت ده
ياريت لو فيه حد متخصص يرد عليا بالزات انا حاسس ان سحب العربيه مش جامد بس ده مش قادر احكم عليه لاني لسه شاري العربيه جديد ياريت تقولولي اذا كان فيه طريقه اعرف بيها اذا كان سحب العربيه كويس ولا؟

ممكن تكشف على الموتور وتعمل اختبار كبس بـ 50-70 جنيه في اي بنزينة بتكشف على العربيات

تعرف حالته كام في المية ولو فيه تهريب للكبس من الصبابات ولا الشنابر

والمفروض كنت عملت الكشف ده وحضرتك بتشترى العربية

اقتباس:

---

المشاركة الأصلية كتبت بواسطة eng_m.elsidiey

انا متشكر جدا على تعبكم معايا
بس فعلا انا قلقان من موضوع نقص الزيت ده
ياريت لو فيه حد متخصص يرد عليا بالزات انا حاسس ان سحب العربيه مش جامد بس ده مش قادر احكم عليه لاني لسه شاري العربيه جديد ياريت تقولولي اذا كان فيه طريقه اعرف بيها اذا كان سحب العربيه كويس ولا؟

---

بما انك كنت راكب مانوال هتحس طبعا ان سحب العربيه مش كويس
وفعلا الاوكتافيا انت بتحس فى الطلعه انها تقيله
لكن مع التعود الموضوع ده بتنساه خالص
ووضعيه رجلك على دواسه البنزين يعنى تدوس عليها من اعلى نقطه هتلاقى السحب مختلف
ومن ناحيه خوفك من ان العربيه تكون جايبه شنبر
هو موضوع البيچوهات ده لو لقيت عليهم زيت
هيأكد لك
لكن ما فى حد يعطيك حل امثل لاننا بنرد على كلامك فقط ولا نرى باعيننا
والافضل فعلا
انك تعمل اختبار كبس الموتور
او مركز خدمه يكون ثقه
وان شاء الله الموضوع يكون بسيط

شكرا يا جماعه انا تعبتكوا معاي وانا فعلا هروح اعمل اختبار كبس
بس انا كنت راكب النترا 2008 اوتوماتيك وبصراحه كانت جامده جدا في السحب والجري قبل العربيه دي مش مانيوال ولا حاجه عشان كده انا حاسس بفرق
والأوكتافيا دي بجيب بيها 180 كيلو وال r.p.m على 5000 بس ما بتجيبش اكتر من كده مع القرص
بس يمكن عشان الالنترا 16 صباب ممكن يكون هوا ده الفرق

الاوكتافيا اتقل بكتير من الالنترا
والمفروض ركوبة الاوروبى حاجة والكورى حاجة

الاوكتافيا عربية راسية وعاقلة وفي نفس الوقت قوية وثابتة وامنة

الكورى بيجرى وخلاص مش شاطر غير في الجري والثبات الضايع والفرامل الضعيفة والامان اللى في البتنجان

اقتباس:

---

المشاركة الأصلية كتبت بواسطة eng_m.elsidiey

شكرا يا جماعه انا تعبتكوا معاي وانا فعلا هروح اعمل اختبار كبس
بس انا كنت راكب النترا 2008 اوتوماتيك وبصراحه كانت جامده جدا في السحب والجري قبل العربيه دي مش مانيوال ولا حاجه عشان كده انا حاسس بفرق
والأوكتافيا دي بجيب بيها 180 كيلو وال r.p.m على 5000 بس ما بتجيبش اكتر من كده مع القرص
بس يمكن عشان الالنترا 16 صباب ممكن يكون هوا ده الفرق

---

اعتذر لانى نظرت لمعرفك الشخصى وجدت السياره الاولى لادا
فقلت لك انت كنت راكب مانيوال على هذا الاساس
طبعا الالنتر عربيه خفيفه جدا بالنسبه للاوكتافيا وفعلا هى هبله جرى
ودواسه البنزين مختلفه خالص وخفيفه ولازم تحس بالفرق ده وطبيعى جدا تشعر بفرق فى السحب
وبعدين بتقول جبت 180 والعربيه سحبها ضعيف ازاى بقى على فكره الاوكتافيا بيظهر سحبها وشدها بعد 100 الشد والسحب بيفرق كتير

السلام عليكم
انا روحت النهارده ادور على موضوع اختبار الكبس ده في طنطا بس كلهم قالولي ان مفيش حاجه بتختبر الكبس الاختبار للأعطال بس
عشان كده روحت ل 2 ميكانيكيه يبصوا عليها
اول واحد بص على الموتور وفتح غطاء الزيت قالي في نسبة بخره بسيطه جدا والموتور حالته حلوه جدا وانصحك تغير نوع الزيت ده لان فيه زيوت مغشوشه وتحط مع الزيت عبوة زيت خاص بالشنبر
وبعد الغيار ده مش هتلاقي نقص خالص في الزيت
اوتاني ميكانيكي بص على العربيه
في الاول قالي الماكينه ما فيهاش حاجه خالص قمت قولتلوا امال الزيت بينقص ليه؟
ام قالي هوا الزيت بينقص! وبص تاني على العربيه وقاليخلاص دي محتاجه طقم شنبر وطقم كاوتش صباب وجوان وش سلندر
المهم انا قررت اعمل زي ما الميكانيكي الأول قالي لاني ما ارتحتش للميكانيكي التاني
وروحت بنزينة تبع شركة شل
حطيت الأول ماده مع الزيت القديم قالولي دي بتنظف الموتور من الداخل
وبعد كده غيرت الزيت وحطيت زيت الشنبر اللي قال عليه
الغريبه اني لما سحبت الزيت القديم لقيته حوال 3.5 لتر من
والراجل بتاع البنزينه قالي ان الغيار بتاع الأوكتافيا لما تغير الفلتر بيبقى 5لتر
مش عارف ازاي 5 لتر يعني؟
المهم حطيت الجركن كله ومعاه علبة زيت الشنبر وغيرت الفلتر وربنا يسهل؟

متابع حتي أستطيع الرد بالجواب المناسب

اقتباس:

---

المشاركة الأصلية كتبت بواسطة eng_m.elsidiey

السلام عليكم
انا روحت النهارده ادور على موضوع اختبار الكبس ده في طنطا بس كلهم قالولي ان مفيش حاجه بتختبر الكبس الاختبار للأعطال بس
عشان كده روحت ل 2 ميكانيكيه يبصوا عليها
اول واحد بص على الموتور وفتح غطاء الزيت قالي في نسبة بخره بسيطه جدا والموتور حالته حلوه جدا وانصحك تغير نوع الزيت ده لان فيه زيوت مغشوشه وتحط مع الزيت عبوة زيت خاص بالشنبر
وبعد الغيار ده مش هتلاقي نقص خالص في الزيت
اوتاني ميكانيكي بص على العربيه
في الاول قالي الماكينه ما فيهاش حاجه خالص قمت قولتلوا امال الزيت بينقص ليه؟
ام قالي هوا الزيت بينقص! وبص تاني على العربيه وقاليخلاص دي محتاجه طقم شنبر وطقم كاوتش صباب وجوان وش سلندر
المهم انا قررت اعمل زي ما الميكانيكي الأول قالي لاني ما ارتحتش للميكانيكي التاني
وروحت بنزينة تبع شركة شل
حطيت الأول ماده مع الزيت القديم قالولي دي بتنظف الموتور من الداخل
وبعد كده غيرت الزيت وحطيت زيت الشنبر اللي قال عليه
الغريبه اني لما سحبت الزيت القديم لقيته حوال 3.5 لتر من
والراجل بتاع البنزينه قالي ان الغيار بتاع الأوكتافيا لما تغير الفلتر بيبقى 5لتر
مش عارف ازاي 5 لتر يعني؟
المهم حطيت الجركن كله ومعاه علبة زيت الشنبر وغيرت الفلتر وربنا يسهل؟

---

فعلا العربية بتاخد 5 لتر زيت مع تغيير الفلتر
ياريت تقولي ايه اسم زيت الشمبر ده وجبتة من فين وبكام

عن خبرة طويلة فى موضوع الزيت دة اللى عاندك فى عربيتك دة طقم شنبر بس لسة فى الاول وكل مدى هيذيد انت لسة فى اولة ومش هتشوف دخنة ولا حاجة من دى لما بتظهر الدخنة انت بتكون وصلت لاسواء الحالات وكل ما تعملة بدرى كل ما يكون افضل

الميكانيكي التانى بيعمل عليك شغل وكويس انك ممشيتش ورا كلامه وتانى حاجة برده كويس انك غيرت نوع الزيت بس حتة زيت الشنبر دى يبقي فعلا العربية فى بداية شنبر على العموم تابع دلوقتى معدل تناقص الزيت وشوف الوضع هيبقي ماشي ازاى وانا برده بقولك لو عرفت تشوف حد يعمل كبس للموتور هيكون افضل من كل ده

قولنا أيه الأخبار حتي يستفيد باقي الأعضاء

يا جماعه طقم شنبر ايه في عربيه اوكتافيا عامله 150 الف ؟ اعتقد ان ده كده بدري ولا ايه ؟

انا رأيي ان المشكله كانت في موبيل ون .. مش عشان وحش ولكن مابقاش ملائم لحالة المحرك بتاعك ... استخدم زيت معدني وبرشحلك شل الاصفر او كاسترول ماجنتيك نص تخليقي ومش لازم زيت شنبر