كيا سيراتو فورتى k3 من معرض لوس أنجلوس , صور ومواصفات النسخة الأمريكية

أعلنت كيا موتورز أمريكا عن أحدث طرازاتها سيراتو/فورتى K3 الجديدة فى إطار مشاركتها بمعرض لوس أنجلوس الدولى للسيارات إستعدادا لإطلاقها رسميا للبيع فى السوق الأمريكى خلال الربع الأول من عام 2013 .

فورتى الجديدة أطول وأعرض واقل إرتفاعا من الجيل السابق , مما يعطيها وسع داخلى أكبر , وبفضل تصميمها الجديد تحسن معدل مقاومة الهواء والايروداينمك الى 0.27 Cd لتصبح الأولى فى فئتها .

تتوفر سيراتو الجديدة بإختيارين من المحركات , الأول سعة 1.8 لتر بقوة 148 حصان / 150 PS وعزم 178 نيوتن , الثانى سعة 2.0 لتر حقن مباشر GDi بقوة 173 حصان / 176 PS وعزم 209 نيوتن , مع الإختيار بين ناقلى الحركة مانيوال وأوتوماتيك كلاهما مكون من 6 نسب أمامية .

تأتى سيراتو بفئتين LX و EX مع العديد من التجهيزات الأساسية والإختيارية مثل :

Electric power steering - Automatic temperature control with rear seat ventilation - The Eco Package includes Kia's ISG (Idle Stop & Go) system - UVO - Rear camera back-up display - Flex Steer Comfort , Normal and Sport - Heated front and rear seats - 10-way power adjustable driver's seat - Leather seat trim - Power sunroof - 16-inch / 17-inch alloy wheels - Push button start with Smart Key - Heated steering wheel - HID headlights - LED tail lights - 4.2-inch color LCD cluster screen - Dual-zone Automatic temperature control with rear seat ventilation - Steering wheel mounted audio controls - SiriusXM™ Satellite Radio - Bluetooth® wireless technology - Cruise control - Navigation system .

http://nileup.com/up/uploads/nilemotors_13542795431.jpg

http://nileup.com/up/uploads/nilemotors_13542795432.jpg

http://nileup.com/up/uploads/nilemotors_13542795443.jpg

http://nileup.com/up/uploads/nilemotors_13542795444.jpg

http://nileup.com/up/uploads/nilemotors_13542795445.jpg

http://nileup.com/up/uploads/nilemotors_13542795446.jpg

http://nileup.com/up/uploads/nilemotors_13542795447.jpg

http://nileup.com/up/uploads/nilemotors_13542795448.jpg

http://nileup.com/up/uploads/nilemotors_13542795449.jpg

http://nileup.com/up/uploads/nilemot...5427954410.jpg

http://nileup.com/up/uploads/nilemotors_13542797931.jpg

http://nileup.com/up/uploads/nilemotors_13542797932.jpg

http://nileup.com/up/uploads/nilemotors_13542797933.jpg

http://nileup.com/up/uploads/nilemotors_13542797934.jpg

http://nileup.com/up/uploads/nilemotors_13542797935.jpg

.

تسلم على التقرير
بصراحة العربيات الى بتنزل برة حاجة واللى بتوصلنا حاجة تانية خالص

خامات التابلوة باين عليها نضيفة جدا

مش واطيه شويه؟؟
انا متهيألى انها نفس ارتفاع السيفك عن الارض يعنى هتعمل مشاكل فى مطبات مصر العظيمه
الا لو النسخه بتاعة مصر هيعلوها شويه او يصفحوها من تحت لان بالمنظر ده كل العربيات هتبقى مطبقه من تحت دا غير انى حاسس انها اضخم بكتير على فئتها وبرضه مشكلة الزحمه فى البلد هتخلى فى مشكله فى مشيها او ركنتها اما بالنسبه لتصميمها اعتقد ان النسخه الحاليه اشيك (دى اذواق) وحاسس انها هتعمل زى الانسر كانت مكسره الدنيا فى الكريستاله ونزلت بعدها بموديل قفل الناس منها
ورجعت كسرت الدنيا بالبوما ورجعت قلشت فى القرش عموما هى باين عليها انها اتكلفت كتير فى صناعتها وربنا يستر من تسعيرها هنا

شكلها مش عاجينى خالص خصوصا من الامام ( بقت صينى صينى يعنى ) ,تصميمها من الداخل كويس بس الخامات بلاستيك كعادة كيا

رأيي انها من جوة شغالة مش وحشة
لكن من برة حاسس انها ابتدت تقلب ع هيونداي
المقدمة شكلها هجومي لكن للي مبوظها تصميم الجزء اللي في الوسط و الشبكة
التصميم شكله هيظبط الايرودينامك و يعلي الثبات
لكن مش ده اللي كنت متوقعه من كيا بعد السيراتو الجديدة سواء العادية او الكوبيه

شكلها من رأيى جامد جدا

و اظن انها هتاكل السوق من الالنترا زى ما حصل قبل كده

و الف شكر يا حسام باشا دايما تعرفنا على الجديد كده

بصراحة القديمة احلى كتير و كانت طفرة .. دي حاسس فيها بعك كدا :(

جامده مفيش كلام

بس مازالت احسن من الخـــ.... اللي هوندا عاملاه في السيفيك :)

جميلة جداً ودي اذواق بس فيه حاجة العربية اوطي من السيراتو الحالية

يعني اللي معاه سيراتو وكانت بتحك في اي مطب يبقى السيراتو الجديدة مش اختيارك

لو هتنزل بره ب محرك ١.٨ و ٢.٠ يبقا لو نزلت مصر بمحرك ١.٦ هيبقا البودي تقيل عليه

شكرا يا كبير على التقرير .... وانت عارف رائى فيها
سوسو احلى من كوكو

اقتباس:

---

المشاركة الأصلية كتبت بواسطة mastr_n

تسلم على التقرير

بصراحة العربيات الى بتنزل برة حاجة واللى بتوصلنا حاجة تانية خالص

خامات التابلوة باين عليها نضيفة جدا

---

هانعمل ايه بقى فى الجمارك وسعر الدولار واستغلال التجار , ربنا يصلح الحال

اقتباس:

---

المشاركة الأصلية كتبت بواسطة mhf_77

مش واطيه شويه؟؟
انا متهيألى انها نفس ارتفاع السيفك عن الارض يعنى هتعمل مشاكل فى مطبات مصر العظيمه
الا لو النسخه بتاعة مصر هيعلوها شويه او يصفحوها من تحت لان بالمنظر ده كل العربيات هتبقى مطبقه من تحت دا غير انى حاسس انها اضخم بكتير على فئتها وبرضه مشكلة الزحمه فى البلد هتخلى فى مشكله فى مشيها او ركنتها اما بالنسبه لتصميمها اعتقد ان النسخه الحاليه اشيك (دى اذواق) وحاسس انها هتعمل زى الانسر كانت مكسره الدنيا فى الكريستاله ونزلت بعدها بموديل قفل الناس منها
ورجعت كسرت الدنيا بالبوما ورجعت قلشت فى القرش عموما هى باين عليها انها اتكلفت كتير فى صناعتها وربنا يستر من تسعيرها هنا

---

موضوع الارتفاع فعلا هايبقى مشكله بالنسبه للطرق بتاعتنا بس اعتقد انهم مش هايوطوها اوى يعنى مش اقل عن 14 سم , الحجم عادى يعنى تقريبا اد الالنترا , نجاحها هايعتمد بنسبه كبيره على سعرها ومواصفاتها بس هى كدا كدا هاتنجح بس لو نزلت بسعر معقول هاتكتسح , وبخصوص التكلفة فحسب كلام كيا صرفوا عليها 270 مليون دولار تقريبا

اقتباس:

---

المشاركة الأصلية كتبت بواسطة semsem kane

شكلها مش عاجينى خالص خصوصا من الامام ( بقت صينى صينى يعنى ) ,تصميمها من الداخل كويس بس الخامات بلاستيك كعادة كيا

---

أذواق :oops2:

اقتباس:

---

المشاركة الأصلية كتبت بواسطة Amr Axel

رأيي انها من جوة شغالة مش وحشة
لكن من برة حاسس انها ابتدت تقلب ع هيونداي
المقدمة شكلها هجومي لكن للي مبوظها تصميم الجزء اللي في الوسط و الشبكة
التصميم شكله هيظبط الايرودينامك و يعلي الثبات
لكن مش ده اللي كنت متوقعه من كيا بعد السيراتو الجديدة سواء العادية او الكوبيه

---

هى فعلا ك Body بقت النترا اوى

اقتباس:

---

المشاركة الأصلية كتبت بواسطة Mohab.Nabil

شكلها من رأيى جامد جدا

و اظن انها هتاكل السوق من الالنترا زى ما حصل قبل كده

و الف شكر يا حسام باشا دايما تعرفنا على الجديد كده

---

العفو يامهاب باشا نورت

بقت نسخة طبق الاصل من الالانترا لو غيرنا الفوانيس والشبكة بس
عكس القديمة كانت مختلفة عن الالانترا الجيل الرابع فى الشكل الخارجى
وموضوع الارتفاع عن الارض ده عيب خطير مش فى مصر بس .. هما عاملينه عشان الثبات فى المنعطفات والسرعات العالية لكن ما فكروش فى المطبات والحمولة كمان

اقتباس:

---

المشاركة الأصلية كتبت بواسطة AutoTycoon

بصراحة القديمة احلى كتير و كانت طفرة .. دي حاسس فيها بعك كدا :(

---

مش لدرجة عك ياباشا هى فيها شوية تفاصيل كان ممكن تبقى احلى , عموما هى اذواق زى ماقولت

اقتباس:

---

المشاركة الأصلية كتبت بواسطة Mhmd Ngdy

جامده مفيش كلام

---

اقتباس:

---

المشاركة الأصلية كتبت بواسطة AutoTycoon

بس مازالت احسن من الخـــ.... اللي هوندا عاملاه في السيفيك :)

---

:grinder:

اقتباس:

---

المشاركة الأصلية كتبت بواسطة 2CODE

جميلة جداً ودي اذواق بس فيه حاجة العربية اوطي من السيراتو الحالية

يعني اللي معاه سيراتو وكانت بتحك في اي مطب يبقى السيراتو الجديدة مش اختيارك

---

نقطة الارتفاع لازم تبقى فى الحسبان طبعا وعموما لو عرفت الرقم هابلغكم بيه

اقتباس:

---

المشاركة الأصلية كتبت بواسطة youssef_u

لو هتنزل بره ب محرك ١.٨ و ٢.٠ يبقا لو نزلت مصر بمحرك ١.٦ هيبقا البودي تقيل عليه

---

لا ياباشا مش شرط , اى عربيه 1600 فى مصر هاتلاقى ليها مواتير تانيه اكبر بس مابتنزلش مصر عشان الجمرك طبعا , بس دا مش معناه ان ال 1600 هايبقى تقيل , هى الالنترا تقيله ؟

وعلى فكره السيراتو القديمه كانت بتنزل 2000 و 2400 فى امريكا

اقتباس:

---

المشاركة الأصلية كتبت بواسطة ابو ليلى

شكرا يا كبير على التقرير .... وانت عارف رائى فيها
سوسو احلى من كوكو

---

ههههههههههه اللى تشوفه ياكبير

اصيل يابو سوسو ماهنش عليك العشره :)

اقتباس:

---

المشاركة الأصلية كتبت بواسطة youssef.awad

بقت نسخة طبق الاصل من الالانترا لو غيرنا الفوانيس والشبكة بس
عكس القديمة كانت مختلفة عن الالانترا الجيل الرابع فى الشكل الخارجى
وموضوع الارتفاع عن الارض ده عيب خطير مش فى مصر بس .. هما عاملينه عشان الثبات فى المنعطفات والسرعات العالية لكن ما فكروش فى المطبات والحمولة كمان

---

هى الخطوط بقت تقريبا واحده ونفس الحجم والمقاسات والارتفاع

الارتفاع مش هايقل للدرجه لان الحاليه اساسا مكنتش واطيه 15 سم يعنى لو الجديدة بقت 14 مثلا هاتبقى زى معظم العربيات الجديدة اللى بتنزل حاليا

الريو مثلا ارتفاعها 14 سم

فعلا كدة القديمة حتفضل ماسكة سعر عن الجديدة عشان مفيهاش حاجة زيادة يعني و شكلها كلو فبر و فوانيس و ده مش مشجع في مصر زي الانسر الشارك

بس كل فولة و ليها كيالها :) و كدة سوسو في امان ههههههههههههههههه بيبيع سوسو يا ررجالة مين شاري :)

انا شايف ان شكلها كويس و خامات التابلوه اعتقد بقت احسن و حتبيع كويس لو اسعارها مناسبه

انا شايع العربيه من ورا حلوه جدا وداخليا ممتازه
بس من قدام مش بالعها وان كان المشافات شكلها جامد
اعتقد هتوصل ل 160 هاى لاين ونص الكمالايت مش موجوده طبعا
واعتقد اكيد حلو مشكله العفشه الى خنقت الناس فى السيراتو

ياترى هينزل فيها موضوع المساعدين التي يمكن التحكم في وضعهم مثل المرسيدس والبي ام الي هو قياده مريحه او عاديه او اسبورت

ما شاء الله
بصراحة جميلة فعلا ..

لو نزلت بالابشن الى اسمو uvo هتكسر الدنيا هنا

و بردوا الاوبشن بتاع steering mode نورمال - سبورت - كومفورت

صحيح فى فيديو كوري على اليوتوب
كانو كاتبين انها بالمحرك ال١.٦ gdi يعنى بتاع السبورتاج و كاتبين بالاوتو التسارع ١٠.٦ ثانيه
وده هايل جدا جدا فى العربيات الى فى مصر ال١٦٠٠ مش تربو و اوتو زيها

الفوانيس اللي ورا كبيرة جدا بالنسبة لحجم العربية والفوانيس الامامية والشبكة فيهم حاجة غلط بس مش عارف ايه؟؟؟؟؟؟؟......من الداخل كويسة بس من برا السيراتو القديمة كانت نقلة ملحوظة للامام في تاريخ تصميم كيا لانه المصمم اللي عمل تصميم السيراتو ال2009 بس مش فاكر اسمه كان شغال في اودي وفولكس واجن وواخد كام جايزة بس غالبا التصميم ده من اختراع الجماعة الكورين او غالبا حبو يعدلو علي تصميم الريو الجديدة فعكت منهم بس عامل تحس التصميم شبيه بتصميم الهيونداي الfludic وده طبعا المتبع في كل موديلات هيونداي الحالية فممكن طبقا لاتفاقية الشركة الام لاستخدام الplateform في الهيونداي والانترا و الكيا السيراتو انه برضوه الشكل الخارجي يكون متشابه...بعكس السيراتو الحالية اللي بتستخدم نفس الplateform بتاع الانترا الhd بس الشكل الخارخي بصراحة اشيك بكتير من الانترا رغم انه الaerodynamics يتاعت الانترا اعلي لكن طبعا مفيش عربية كاملة لازم حاجة علي حساب حاجة بس عاما وده راي الشخصي لا موديلات الهيونداي الحالية ولا الكيا الريو والk3 دي عاجبني .......

اقتباس:

---

المشاركة الأصلية كتبت بواسطة egyptodentist

الفوانيس اللي ورا كبيرة جدا بالنسبة لحجم العربية والفوانيس الامامية والشبكة فيهم حاجة غلط بس مش عارف ايه؟؟؟؟؟؟؟......من الداخل كويسة بس من برا السيراتو القديمة كانت نقلة ملحوظة للامام في تاريخ تصميم كيا لانه المصمم اللي عمل تصميم السيراتو ال2009 بس مش فاكر اسمه كان شغال في اودي وفولكس واجن وواخد كام جايزة بس غالبا التصميم ده من اختراع الجماعة الكورين او غالبا حبو يعدلو علي تصميم الريو الجديدة فعكت منهم بس عامل تحس التصميم شبيه بتصميم الهيونداي الfludic وده طبعا المتبع في كل موديلات هيونداي الحالية فممكن طبقا لاتفاقية الشركة الام لاستخدام الplateform في الهيونداي والانترا و الكيا السيراتو انه برضوه الشكل الخارجي يكون متشابه...بعكس السيراتو الحالية اللي بتستخدم نفس الplateform بتاع الانترا الhd بس الشكل الخارخي بصراحة اشيك بكتير من الانترا رغم انه الaerodynamics يتاعت الانترا اعلي لكن طبعا مفيش عربية كاملة لازم حاجة علي حساب حاجة بس عاما وده راي الشخصي لا موديلات الهيونداي الحالية ولا الكيا الريو والk3 دي عاجبني .......

---

بيتر شيراير لسه موجود فى كيا وهو اللى عامل كل الموديلات الجديدة بما فيهم السيراتو باردوا
الانترا الـ HD الـ aerodynamics بتاعتها مش اعلى من السيراتو ..
الـ drag coefficient بتاعت الـ HD 0.32
والسيراتو 0.29
والالنترا الـ MD 0.29
والسيراتو الجديدة 0.27

دا السيراتو الجديدة الـ cD يتاعها اقل من البى ام F30 اللى هو 0.29 !!!!

على فكرة الالنترا md الجديدة نفس طول وعرض السيراتو الحالية
طولهم 4.52 متر وعرضهم 1.77 متر

السيراتو الجديدة مقاستها مختلفة حاجات بسيطة
بقى طولها 4.56 متر وعرضها 1.783 متر
وارتفاعها بقى زى الالنترا الجديدة 1.44 متر بدل من 1.46 فى السيراتو الحالية

اللي مبوظ شكلها شوية من قدام السموك اللي جو ة الفوانيس مش معمول حلو بالمرة

الباقي تمااااااااااااااام :)

جميله بس للاسف مع النسخه الى من غير جنوط حيبقى شكلها مش تمام

بس عندى احساس ان العجل الخلفى فاتح لبره زى المرسيدس مابيفتح على السرعات واعتقد ده عشان الثبات احساسى صح ولا ؟؟

بس للامانه العربيه من جوه مش فخمه الالنترا اعلى فئه تكسبها من ناحية التصميم الداخلى والتطعيمات والفخامه (ماعادا فتحات التكيف الوسطى فى الطابلوه فى الالنترا مكانهم سىء للغايه)

شكرا جزيلا ليك يا استاذ حسام وفى انتظار باقى التفاضيل منك

اقتباس:

---

المشاركة الأصلية كتبت بواسطة yasserelsayad

على فكرة الالنترا md الجديدة نفس طول وعرض السيراتو الحالية
طولهم 4.52 متر وعرضهم 1.77 متر

السيراتو الجديدة مقاستها مختلفة حاجات بسيطة
بقى طولها 4.56 متر وعرضها 1.783 متر
وارتفاعها بقى زى الالنترا الجديدة 1.44 متر بدل من 1.46 فى السيراتو الحالية

---

معلوماتك كلها قيمه شكرا

شكرا علي الصور والمعلومات
لكن حاسس برضو ان في حاجه في شكلها غلط ومش بالعها أوي لكن في نفس الوقت العربيه بقت واسعه وخاماتها باين عليها بقت أنضف.
باقي بس موضوع العفشه اللي لسه هايظهر مع التجارب.
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
ومعلش عندي سؤال بره الموضوع: هل الكارينز الجديده ماكانتش موجوده في المعرض ده ولا بس السيراتو الجديده والسورينتو الجديده هما اللي اتعرضو؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة hossam_elwani

بس عندى احساس ان العجل الخلفى فاتح لبره زى المرسيدس مابيفتح على السرعات واعتقد ده عشان الثبات احساسى صح ولا ؟؟

---

اصدق على الكامبر
السيراتو الحالية باردوا فيها Negative camber فى الخلف بنسبة 1.5- degree
والـ negative camber بيزود تماسك الكاوتش فى الملفات

http://www.benzworld.org/forums/atta...eel-camber.jpg

اقتباس:

---

المشاركة الأصلية كتبت بواسطة Hosam_Optrawy

وبخصوص التكلفة فحسب كلام كيا صرفوا عليها 270 مليون دولار تقريبا

---

بردو يا أوبتراوى؟!! انت تصدق الكلام ده؟؟!!! :Copy of m-s5:
يعنى الـplatform شاسيه وعفشة وموتور وفتيس كله جاى من الإلنترا md
يبقى الـdesign والـinterior هياخد كااااااااااااااام؟؟!!!
ههههههههههههههههههه

اقتباس:

---

المشاركة الأصلية كتبت بواسطة blazer

واعتقد اكيد حلو مشكله العفشه الى خنقت الناس فى السيراتو

---

Not yet.. AFAIK

:grinder:

اقتباس:

---

المشاركة الأصلية كتبت بواسطة yasserelsayad

اصدق على الكامبر
السيراتو الحالية باردوا فيها negative camber فى الخلف بنسبة 1.5- degree
والـ negative camber بيزود تماسك الكاوتش فى الملفات

http://www.benzworld.org/forums/atta...eel-camber.jpg

---

شكرا على الافاده


طيب الزاويه بالطريقه دى ممكن تسبب تآكل الكاوتش من الداخل عن الخارج ؟؟

اقتباس:

---

المشاركة الأصلية كتبت بواسطة hossam_elwani

شكرا على الافاده


طيب الزاويه بالطريقه دى ممكن تسبب تآكل الكاوتش من الداخل عن الخارج ؟؟

---

اه طبعا لو زيادة عن اللزوم ومش مظبوطة تآكل الكاوتش مش هيكون متساوى

اقتباس:

---

المشاركة الأصلية كتبت بواسطة blazer

انا شايع العربيه من ورا حلوه جدا وداخليا ممتازه
بس من قدام مش بالعها وان كان المشافات شكلها جامد
اعتقد هتوصل ل 160 هاى لاين ونص الكمالايت مش موجوده طبعا
واعتقد اكيد حلو مشكله العفشه الى خنقت الناس فى السيراتو

---

160 كتير ومش هاتحقق الانتشار المتوقع , من 120 ل 150 دا الرنج المعقول

اقتباس:

---

المشاركة الأصلية كتبت بواسطة spidars

ياترى هينزل فيها موضوع المساعدين التي يمكن التحكم في وضعهم مثل المرسيدس والبي ام الي هو قياده مريحه او عاديه او اسبورت

---

النظام دا فى ال Power Steering مش فى المساعدين ومعتقدش ينزل مصر

اقتباس:

---

المشاركة الأصلية كتبت بواسطة CosmicOne

لو نزلت بالابشن الى اسمو uvo هتكسر الدنيا هنا

و بردوا الاوبشن بتاع steering mode نورمال - سبورت - كومفورت

---

معتقدش ينزلوا احنا اخرنا فتحة السقف :)

اقتباس:

---

المشاركة الأصلية كتبت بواسطة CosmicOne

صحيح فى فيديو كوري على اليوتوب
كانو كاتبين انها بالمحرك ال١.٦ gdi يعنى بتاع السبورتاج و كاتبين بالاوتو التسارع ١٠.٦ ثانيه
وده هايل جدا جدا فى العربيات الى فى مصر ال١٦٠٠ مش تربو و اوتو زيها

---

بس هى هاتنزل مصر بال MPi زى الالنترا 130 حصان مش GDi

اقتباس:

---

المشاركة الأصلية كتبت بواسطة hossam_elwani

جميله بس للاسف مع النسخه الى من غير جنوط حيبقى شكلها مش تمام

بس عندى احساس ان العجل الخلفى فاتح لبره زى المرسيدس مابيفتح على السرعات واعتقد ده عشان الثبات احساسى صح ولا ؟؟

بس للامانه العربيه من جوه مش فخمه الالنترا اعلى فئه تكسبها من ناحية التصميم الداخلى والتطعيمات والفخامه (ماعادا فتحات التكيف الوسطى فى الطابلوه فى الالنترا مكانهم سىء للغايه)

شكرا جزيلا ليك يا استاذ حسام وفى انتظار باقى التفاضيل منك

---

العفو

اقتباس:

---

المشاركة الأصلية كتبت بواسطة esam_ayad

شكرا علي الصور والمعلومات
لكن حاسس برضو ان في حاجه في شكلها غلط ومش بالعها أوي لكن في نفس الوقت العربيه بقت واسعه وخاماتها باين عليها بقت أنضف.
باقي بس موضوع العفشه اللي لسه هايظهر مع التجارب.
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
ومعلش عندي سؤال بره الموضوع: هل الكارينز الجديده ماكانتش موجوده في المعرض ده ولا بس السيراتو الجديده والسورينتو الجديده هما اللي اتعرضو؟؟؟؟؟؟؟؟؟؟؟

---

مكانتش معروضه لانها مابتتباعش هناك

اقتباس:

---

المشاركة الأصلية كتبت بواسطة Formulator

بردو يا أوبتراوى؟!! انت تصدق الكلام ده؟؟!!! :Copy of m-s5:
يعنى الـplatform شاسيه وعفشة وموتور وفتيس كله جاى من الإلنترا md
يبقى الـdesign والـinterior هياخد كااااااااااااااام؟؟!!!
ههههههههههههههههههه

---

مش عارف ياكبير هما اللى بيقولوا

ممكن يكونوا يقصدوا بالرقم دا الجديد كله يعنى السيراتو السيدان بالهاتش باك والكوبيه اللى نازلين بعدها ب 3 شهور , وكمان Cee'd ال 5 وال 3 Doors وال SW واخيرا ال Pro Cee'd GT خلى بالك منها دى :yeah:

بخصوص الارتفاع اللى المعظم علق عليه

الارتفاع المقصود هو ارتفاع السقف ومساحة الرأس مش الارتفاع عن الارض

موضوع جميل جدا تسلم على المواضيع

اقتباس:

---

المشاركة الأصلية كتبت بواسطة moha4tec

موضوع جميل جدا تسلم على المواضيع

---

الله يسلمك يامعلم حمد الله على السلامه مختفى فين

هيا فيها تلسكوب دركسيون ؟؟

اقتباس:

---

المشاركة الأصلية كتبت بواسطة hossam_elwani

هيا فيها تلسكوب دركسيون ؟؟

---

فيها بس معتقدش ينزل عندنا