الموضوع: صوت خبط خفيف من الموتور

للاسف ممكن يكون ترس الديفيزر بس هل الصوت بيعمل الصبح بس و العربيه بارده ولا باقي اليوم

وهى بارده بس :)

المشاركة الأصلية كتبت بواسطة karezzzma

بقيت بسمع الصبح اول مدور صوووت تخبيط خفيف كدا جاى من ناحيه الموتور عند الكامه (( مكان سير الكاتينه )

وصوت خروشه كدا برده جاى من نفس الحنه او من المارش او الدينامو مش متأكد من دول ولا من الموتور
فى المكان دا يعنى

ايه الاصوات دى ؟.؟ وجايه منين ؟؟ وتصليحها هيتكلف كاام ؟؟
معلش تاعبكم معايا يا وحووووش :)

ازيك يا باشا ,حاحاول اساعد حضرتك ,كان عندي في عربيتي سينيك 2 موديل 2005 نفس الموضوع ,صوت كركرة او خروشة الصبح بس بعد تدوير العربية,ورحت التوكيل قالولي بعد ما عملوا scan بالكمبيوتر ترس الدفيزر عاوز يتغير ب حوالي 1400جنيه على ما افتكر ,لان الموضوع ده من سنة ونص.
فرحت عند ا\عادل زوايا في صقر قريش قالي اصلحهولك ب300 جنيه وافقت ومن ساعتها مسمعتش الصوت ده تاني ,بس كان فيه مشاركة في المنتدى ده لاخ كان بيقول ان عادل بيلغيه مش بيصلحه ,انا مش عارف.
بس العطل ده بطل يطلع في scan الكمبيوتر بعد ما عادل صلحه وكمان بطلت اسمع الصوت ده,
على فكرة لو بحثت في المنتدى هنا اكيد حتلاقي معلومات كتير عن الموضوع ده ابحث عن عطل ترس الدفيزر ,وانصحك متعملش حاجة الا بعد ما تعرف كل المعلومات عنها من المنتدى العظيم ده, لان بصراحه الاشتغالات كتير ومفيش ضمير,وعشان ماتروحش عليك فلوسك على الفاضي زي العبد لله الفقير.
تمنياتي بالتوفيق والسداد

هوا خطر امشى بيها كدا شويه ؟؟