الحمد لله ... قدر الله و ماشاء فعل

الحمد لله رب العالمين
امبارح طالع بالعربيه الجامعه الصبح فى حدود الساعه 8
العربيه سكودا اوكتافيا a4
ماشى على طريق الواحات فى الحاره اللى فى النص و عامل حسابى انى داخل وطنيه اللى بعد طالعه الدائرى علشان امون
المهم بدات اجى سنه يمين علشان مقطعش الطريق كله بالعرض
و فجاه لقيت واحد معاه 128 على شمالى و بدا يكسر جااامد علشان يطلع الدائرى اديته كلكس و نور و بدات افرمل .. بس خلاص المسافه بينى و بينه حوالى 15 متر و انا كنت على 80 يعنى لا يمكن الحق اوقف العربيه بالكامل من غير م اخبطه او اتخبط انا من ورا

فبدأت بخطه تانيه اللى هى رميت دواسه البنزين كلها فى الارض و قرصت اوى علشان اطلع
ساعتها كانت العربيه على سرعه 130 او حاجه فى الحدود دى
و كنت عديت عربيتى كلها منه خلاص ماعدا اخر جزء فى الاكصدام اللى ورا

و فى اللحظه دى كنت اتخبطت و بدات الف 360 درجه حوالين نفسى بعرض الطريق كله حوالى 6 مرات
كنت بحاول اعدل فى العربيه العكس علشان كنت حاسسها بتتقلب .. بس الحمد لله سيطرت عليها و متقلبتش

المهم بعد م لفت و قفت بعرض الطريق فى وش العربيات
راح جى واحد معاه نوبيرا خابطنى من عند فتحه التانك فى الرفرف اليمين ورا
راحت العربيه لفت لفه كمان و وقفت خالص على كده

الحمد لله ربنا سترها

دلوقتى بقى الاتى التوكيل عمل مقايسه و قال انها هتتكلف 16 الف جنيه اصلاح و رش
و انا مش عارف ليه مبالغين اوى فى السعر كده مع انا كل الدربكه دى فى الصاج

يعنى الخسائر
الرفرين اللى ورا مخبوطين
الفانوسين
الاكصدام
طاسه عجل

اى نصيحه ؟؟

و الحمد لله ان الخبطه جت فى عربيه تقيله على الارض و تابته و عضمها ناشف
الاوكتافيا فعلا عربيه محترمه

الحمد لله يا باشا
اوعى تزعل على فلوس.
في ستين داهيه
وفعلا السكودا عربيه عظمها حديد مش شوية صاج على ورق. ..

قدر الله ماشاء فعل
حمد لله على سلامتك وانك طلعت منها بخير الموضوع ده فعلا مش عادى ان تلف وتفقد السيطره وتقف فى منتصف الطريق يعنى ربنا ستر والحمد لله
بخصوص التوكيل ما انصحك اعمل عربيتك بره التوكيل عند ناس يكون مشهود لهم بالصنعه الكويسه هتلاقى اقل من كده بكتيييييييييييييييييييييي ييييييييييير
انا رأيى فى التوكيل انه شويه بدل على كرفتات على افرولات عليها شعار فقط
وهم هما الصنيعيه اللى بره بس مع شويه برستيچ

لو الموضوع صاج بس دور على اى حد بتاع شغل سمكرة و دوكو كويس و انصحك بورشة نايل موتورز ، اعرف حد عمل عندهم و الشغل ماشاء الله طلع زى الجديد

السمكرة و الدوكو مش محتاجين توكيل يعنى مش زى مثلا حاجة فى اساسيات العربية او الكهربا بتبقا محتاجة حد شغالة فيها

و الحمد لله انها جت الى حد ما بسيطة حضرتك عارف طبعا انك تبقى بعرض الطريق دا احساس صعب جدا و انا جربته و الحمد لله برضه محصلش حاجة اوى .. ربنا بيستر و الله و الف حمد لله على السلامة

حمداً لله علي سلامتك يا عمر
قدر الله و ما شاء فعل
العربيه علي كلامك مش محتاجه غير شغل سمكره
لو عايز أي مساعده كلمني الموضوع سهل جدا إن شاء الله

ملوش لزمه التوكيل لو مفيش تأمين يعني مش هتسترد فلوسك والشغل كله سمكره ودهان روح لناس نضيفه مش هتصرف نص الفلوس دي

قدر الله و ما شاء فعل .. و حمد الله على سلامتك

سلامتك يا باشا والحمد لله انك طلعت منها سليم

طول ما بتيجى فى الصاج الحمد لله

وزى ما قاللوك الرجاله هنا ملوش لازمه التوكيل طالما كلها شغل سمكره

شوف حد نضيف اعمله عنده ومش هتدفع نص التمن باذن الله وابقى طمنا عملت ايه

شكرا يا رجاله على المشاعر اللطيفه دى
بس المشكله مشكله ان العربيه متأمن عليها و طبعا زى م حضراتكوا عارفين ان التوكيل بيتعامل بفواتير و ده طبعا اللى عايزاه شركه التامين ... يعنى مينفعش اوديها لسمكرى عادى ... على العموم هيجيلى بكره مندوب من الشركه يعمل مقايسه و نشوف الدنيا هتمشى ازاى ... هحاول ارفعلكوا الصور على بكره كده ان شاء الله تقولولى رأيكوا اكتر بعد م تشوفوا الخبطه ... و ربنا بسترها علينا جميعا و لازم نشوف حل للبهايم اللى بيقطعوا الطريق كله بالعرض و كان مفيش حاجه حصلت !!

حمدا لله على سلامتك قضى اخف من قضى

فى الاول والاخر الف حمد لله على سلامتك وفداك الف عربية الحتة اللى عملت فيها الحادثة دى ازاى واحد داخل الدائرى وماشي على شمالك اولا ثانيا بتاع النوبيرا ده غبى مثلا مش شايف اللى قدامه او على الاقل كان حاول يفاديك المهم الحمد لله ومن كلام حضرتك ان العربية متامن عليها شوف مندوب شركة التامين هيعمل ايه لانك انت كده مضطر تعملها جوة التوكيل ربنا ييسر لك الامور ان شاء الله

العربية برة التوكيل مش هتتكلف 5000 الاف جنية

الحمد لله
على سلامتك
بس انا حابب اقولك نصيحه حاول تتعلم الغرزة المقفولة و الغرزة المفتوحه هدفيدك كتير بس استخدامها يقتصر فى حالات الضرورة القصوى و على فكره بيكون ليها استخدمها

حمدالله علي السلامة يا بطل..فداك 100 عربية..توكل علي الله وشد علي عمرو مطر في جسر السويس..( مركز مطر لتجديد السيارات ) وده رقمه 01148982666 وعربيتك هتخرج من عنده مش هتصدق عينيك
ومش هتتكلف 5000 جنيه

اخر الاخبار : وديت العربيه التوكيل امبارح .. هيتغير فيها رفرف ورا يمين و اكصدام و فانوسين .. و الخبطه اللى ورا شمال هتترد ... اكتر حاجه مضايقانى فى الموضوع ان العربيه هترش حزام بعد م كانت فبريكه بالكامل :(
بس واحد من جوه التوكيل قاللى انها لسه تعتبر فبريكه حتى بعد م ترش لانها هتترش بنفش نوع الدوكو اللى بتستخدمه الشركه الام .. الاستلام بعد 20 يوم
و التكلفه الكليه 15 الف جنيه شركه التامين هتتحملهم كلهم ما عدا 25% يعنى حوالى 2000 جنيه
ادعولى ربنا ييسر علشان الحاله النفسيه فى الارض
و متشكر يا رجاله على ارائكوا .. فعلا نايل موتورز كل فتره احبه اكتر بسبب الناس المحترمه اللى بتفيد بدون اى مقابل فقط للمساعده :)

اقتباس:

---

المشاركة الأصلية كتبت بواسطة engahmedsayed

الحمد لله
على سلامتك
بس انا حابب اقولك نصيحه حاول تتعلم الغرزة المقفولة و الغرزة المفتوحه هدفيدك كتير بس استخدامها يقتصر فى حالات الضرورة القصوى و على فكره بيكون ليها استخدمها

---

عارفهم يا بشمهندس بس ملحقتش اعمل اى حاجه :(

اقتباس:

---

المشاركة الأصلية كتبت بواسطة omar_fekry

اخر الاخبار : وديت العربيه التوكيل امبارح .. هيتغير فيها رفرف ورا يمين و اكصدام و فانوسين .. و الخبطه اللى ورا شمال هتترد ... اكتر حاجه مضايقانى فى الموضوع ان العربيه هترش حزام بعد م كانت فبريكه بالكامل :(
بس واحد من جوه التوكيل قاللى انها لسه تعتبر فبريكه حتى بعد م ترش لانها هتترش بنفش نوع الدوكو اللى بتستخدمه الشركه الام .. الاستلام بعد 20 يوم
و التكلفه الكليه 15 الف جنيه شركه التامين هتتحملهم كلهم ما عدا 25% يعنى حوالى 2000 جنيه
ادعولى ربنا ييسر علشان الحاله النفسيه فى الارض
و متشكر يا رجاله على ارائكوا .. فعلا نايل موتورز كل فتره احبه اكتر بسبب الناس المحترمه اللى بتفيد بدون اى مقابل فقط للمساعده :)

---

ربنا ييسر لك امورك وان شاء الله ترجع احسن من الاول والحمد لله انها جت على اد كده