سعر ابيزا 2002. في حدود كام
و اهم حاجه اطمن عليها و اشوفها ايه ؟
و هل بها abs?
عرض للطباعة
سعر ابيزا 2002. في حدود كام
و اهم حاجه اطمن عليها و اشوفها ايه ؟
و هل بها abs?
في البداية احب ارحب بيك في قسم سيات نايل موتورز
والله الأبيزا 2002 اسعارها متفاوتة حبتين لعدة اسباب وعوامل
اولها الحالة - ثاني نقطة الكماليات وفي دي حدث ولا حرج
لو العربية بحالة جيدة وكاملة هتلاقيها وصلت لحد ال43
لو العربية بحالة جيدة وهاف اوبشن هتلاقيها في حدود من 38-40
العربية بحالة متوسطة ممكن تلعب في رينج من 35-37
للأسف هتلاقي في علبة العدادات لمبة للأير باج - بس بنسبة 90% من العربيات اللي نزلت مصر بدون ايرباج ومتشال منها الحساس
العربية استوك نزلت بمحرك 1.0 mpi
جنوط 14 حديد
تكييف - باور - فوجات (ورا وقدام) - سنتر (شامل شنطة وتانك) - انذار - مفتاح بالريموت - ايموبلايزر - مساند رأس (4) - احزمة امان ثلاثية النقاط (ورا وقدام) - مرايات كهربائية (تحكم وليس ضم) - زجاج كهربائي (4) - مساحة زجاج خلفية - مسند الكنبة قابل للطي
لو في اي استفسار لا تتردد في السؤال
تحياتي
ألف شكر على الرد المميز و الواضح
العربيه الي أدامي راشه حزام و هي عامله 180 ألف كم و فيها كل الأوبشن دي بس مطلوب 46 و الرخصه فيها سنه ... لسه رشه برا و مغيره فوانيس امامي " ديبو" زي م انا عارف
بس انا مش عارف انا سمعت ان في موديلات منها فيها abs هل هذا صحيح ؟
شكرا
سعرها عالي شوية
بصراحة موضوع abs انا قولت اللي اعرفه - انه موجود اه لكن قليل مش كتير
فوارد تكون فيها - ليه لأ
تحياتي
السعر مبالغ فيه جدا جدا و كتير عليها و خاصة انها ماشية كتير و رشة بره كمان و مغيره فوانيس
دي أخرها 40 او 41 الف و شكرا
بالنسبة لموضوع ال abs فأحب أطمنك ان مافيش من الموديل ده abs اتباع في مصر ممكن تلاقيها فقط اذا كان صاحبها شاريها سبيشيال اوردر او نازلة استيراد معاقين لكن كل اللي اتباع هنا بدون abs & tcs و نفس الكلام من 2002 حتي 2006 برده مافيهاش
لأني قابلت واحده استيراد معاقين للبيع و خالصة و 1400 و فيها كل حاجه ممكن تتخيلها و لكن كان طالب فيها 50 الف و بصراحة كانت تستاهل لأنها حاجه كده زي كسر الزيرو
والله الموفق
ألف شكر
ماذا اقول بعد ما الخبراء افادوك طبعا لا تعليق الأسعار مظبوط زى ماقالوا كده وده السوق الأن
اما عن موضوع تبص على ايه عند الشراء
- الشاسيه : يكون فابريكه وكل مكان فبريكه فانتا تتجه نحو الأفضل.
- الماتور : اكشف عليه عند واحد فاهم فى الأبيزا والفولكس كويس والمطلوب ان يكون حالته لاتقل عن 80% عشان تركب وتريح دماغك .
- العفشه: تكشف عليها كويس أيضا ممكن عند واحد عفشجى محترم او عند مركز ظبط زوايه بس يكون محترم مثلا زى مركز ظبط الزوايه فى المنيل وفى غيره وأسأل بردو .
- الكهرباء : اكشف عليها بنفسك عادى واختبر كل حاجه ولو فيها حاجة مش مشكله تتظبط بعدين امرها بسيط
- الصالون : يكون باحالة الفابيكه طبعا افضل ولو حتى متوسط يكون تمام وممكن يتظبط بعدين افضل من الفابريكه كمان وده حسب امكانياتك ورأيتك .
- التبلوه : يكون كامل الأجزاء مفهوش حاجه متكسره وكدا ده يكون افضل طبعا بس بردو امره سهل بأذن الله لو فيه حاجة
وكل الى قلته قابل للتظبيط بعد الشراء عمتاً وبس كل ماتاخد العربيه اقرب الى حالة الفابيركة او حاله كويسه وسليمه كان افضل لكى تستمتع بها بعد الشراء اطول مدة ممكنه بدون مشاكل .
وبعد الشراء حافظ واشدد بشده على الصيانه الدوريه من زيوت فلاتر سيور كاوتش بطاريه ده هيخلى العربيه ديما فيقه ومستعده للأستخدام دون مشاكل أساسيه تمنعها من التحرك وبكده بالك هيستريح وخاصة اذا كنت هتعتمد عليها غير سواها.
وبالتوفيق باذن الله