اخيرا عرفت صوت الطقطقه + (بعض اسعار زيوت موبيل حاليا) وبعض اسعار قطع غيار نوبيرا
سلام عليكم....
اخيرا عرفت صوت الطقطه الخفيف دة من ايه...عشان نسهل الموضوع
الاعراض كانت الاتى:
1-اول مادور العربيه الصبح واللف الدركسيون اسمع صوت الطقطه وبيبقى مسمع فى التاره عندى
2-تقل فى الباور فى بعض اوقات خصوصا لما اكون راجع من مشوار طويل...وسعات يكون خفيف
3-حدفه شمال خفيفه حتى مع ظبط الزوايا ...بمعنى ان العربيه كانت بتستهبل عشان تحدف شمال فى اى نقره او مطب (مش فى طريق مستقيم على اسفلت نضيف)
4- الرفرف الشمال نازل شويه عن اليمين بحوالى 4 ملى وده نتيجه ان البطاحه الشمال مضغوطه وناشفه
الاول كنت فاكر ان دى اعراض علبه دركسيون بعد ما سالت الميكانيكى وشفت كذا مشاركه فى مواضيع قديمه هنا تاكدت انه عيب البطاحات
سؤال:
ان شاء الله هجيب بطاحات جى ام . ...هل اجيب كوبايات للمساعدين ولا اكتفى بالبطاحات بس....علما بان المساعدين حالتهم زيرو لانى لسا جايبهم وعمرى ما غيرت كوبايات المساعدين الامامى
بعض اسعار الزيوت:
اشتريت زيت فرامل لانى قادم على تغييره...العلبه موبيل 250 ملى ب 15 جنيه dot 4 وطبعا جبت علبتين لان الكتالوج كاتب ان العربيه بتاخد نص لتر
اشتريت زيت باور موبيل ...علبه لتر....سعرها 50 ج من بنزينه موبيل ( كنت جايب زيت باور ب 15 ج :) )
جبت جركن شل الاصفر....سعره 120 ج ودة سعر ثابت ....من اي بنزينه شل
بعض اسعار قطع الغيار :
سلك بوجهات.............40 ج
بوجهات ngk يابانى اصلى48 ج
فلتر زيت جى ام اصلى.........18 ج
فلتر بنزين جى ام اصلي.....40 ج
تيل كورى الصنع امامى.......45ج
بالنسبه للبطاحات مش عارف اجيب معاها كوبايات ولا مش مشكله....وهل فى اى حاجه بتتجاب مع البطاحات ضروريه زى بلى او كده !!!!
اسف للاطاله