السلام عليكم انا عاوز اشترى عربية زيرو وبصراحة محتار مابين:U_thin1[1]:
شيفروليه لانوس 2013 كاملة مانيوال
رينو لوجان2013 كاملة مانيوال
ياريت الى عنده معلومة ميخبهاش عن ميزة وعيب كل عربية ... وربنا يكرمكم جميعا :ask:
عرض للطباعة
السلام عليكم انا عاوز اشترى عربية زيرو وبصراحة محتار مابين:U_thin1[1]:
شيفروليه لانوس 2013 كاملة مانيوال
رينو لوجان2013 كاملة مانيوال
ياريت الى عنده معلومة ميخبهاش عن ميزة وعيب كل عربية ... وربنا يكرمكم جميعا :ask:
أنا كنت زيك كدة محتار بين العربيتان بس جبت لانوس 2013 زيرو وهي عاملة معايا 5000كيلو لحد دلوقتي وكويسة جدا وناعمة علي الطريق ومرتاح فية واللي خلانا أجيب اللانوس عشان قطع غيارة متوفرة وسعرها كويس وهتلاقي كل حاجته وكمان اللانوس الجديدة الزجاج الخلفي والجانبي فامية والاريال مدمج مع الزجاج الخلفي ومعاها جهاز انذار وريموت للعربية بردة وربنا يوفقك في أختيارك
waeel_bdr
شكرا ياباشا على الافادة وياريت مشاركة من باقى الاعضاء لأفادة اكثر.... يعنى الى معاه لوجان يقولى ايه رايه فيها بصراحة
اعتقد انى اللوجان ممتازة لأنى جربتها كتير مع اصحابي و ارشحها لحضرتك بقوة ، و الله اعلم
لولا التوكيل السئ
لكنت رشحت ليك الجين 2 مانيوال وبقوة
لكن ليس كل ما يتمناه .....
S o p h o s
اخى الحبيب الفلوس ال معايا الحمد لله يدوب فى حدود 73000 يعنى يدوب تجيب حاجة زى الى انا محتار مابينهم:Copy of rfds:
اللوجان احسن كعربية
بس اللانوس صيانتها اسهل و قطع غيارها ارخص
تمام يبقي لوجان اقرب وعلشان الايرباج
والله اعلم ..
فى اخ فى المنتدى معاه لوجان حديثه من اربع شهور فقط مسافر وممكن يبعها
دور فى المنتدى على الموضوع لو مناسبه يبقى انت كسبت عربيه تقريبا زيرو ووفرت فلوس وفى الحاله دى المقارنه ملهاش لزوم لو الفرصه متتعوضتش
شكرا يا شباب على تفاعلكم مع استفسارى ..... ربنا يكرمكم جميعا
سؤال تانى اى واحدة فيهم فى البيع بعد كدة احسن ؟؟؟ يعنى ال هى متخسرش كتير عند بيعها بعد فترة محدش ضامن الظروف
انا شايف ان فالبيع متقاربين
مع تفوق لانوس اكتر
والله اعلم ..
لو حضرتك بتدور علي عربية تبيعها و متخسرش فيها كتير او بتدور علي عربية قطع غيارها اسعارها قريبة يبقي انت عليك و علي اللانوس او الفيرنا....
لكن او بتدور علي عربية محترمة عالية و ثابتة في نفس الوقت..قطع غيارها مش غالية للدرجة دي بخلاف انها معمرة و حتحس و انت قاعد فيها انها عربية قيمتها عالية و فيها ايرباج و موتور قوي يبقي اللوجان يا باشا
انا معايا لوجان اوتوماتيك و سقت اللانوس و الفيرنا و الافيو... بصراحة برقبتهم مع الاحترام للسادة ملكيهم بس بالنسبة لي انا حسيت اني راكب عربية محترمة فعلا...
يكفى ان العربية دي لولا اتفاقية اغادير اللي خلت سعر العربية دي بالشكل ده كانت وصلت لحوالي 100 الف جنيه فى سيارة اوروبي بس تقفيل مغربي ... بالاضافة الى ان التوكيل سمعته اكيد افضل كتيييييييييييييييييييييير من سمعة توكيل الشيفورليه او الهيونداي..
و الامر لكل فى الاختيار و ربنا يوفقك
و قبل كل حاجة حاول تشوف حد معاه العربية و تركب معاه و اكيد حتحس بالفرق
لانوس طبعا سهلة في بيعها ولية سوق كبير
لوجان ياريس
لانوس وفيرنا ايه بس هو لسه فى حد بيشترى لانوس وفيرنا دول حرام 72الف ولا 74الف عربيه مفهاش اى حاجه ولا وسائل امان ولا ثبات وموتور1500 وعفشتها بتروح فى داهيه على طول وتشخلل سيبك من موضوع توافر قطع الغيار انا كنت كل شويه اغير تيل اى نعم رخص ب90 وب120ج بس بيتغير كل شويه انا عندى تجيب تيل ب400ج وتنسه احسن ليك
لوجان وتوكل على الله مع ان اختلافى الوحيد عليها شكلها الخارجى لو انت مش فارق معاك توكل على الله كفايه انها مواصفات اوروبى وحاجه كمان اللانوس بعد مامنصور خدها بقت اى كلام
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازاز فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - نايل موتورز - NileMotors.net
انا كانت معايا اللانوس و بعتها و جبت لوجان اللوجان اقيم و احسن بمراحل كتييييييييير
اللانوس عربيه محترمه برضه بس مشكلتها انها مع منصور
توكيل الرينو افضل
قطع الغيار اللانوس ارخص نسبيا مش كتير
خد مثلا الفانوس الخلفى للوجان من التوكيل ب 200 جنيه و بره ب 140 جنيه
عندى ليك اقتراح تانى فى الزيرو شفت الرينو سانديرو بص عليها كده لو عجبتك و فى نفس رنج الفلوس و حطها فى المقارنه
راى شخصى بحت : متجبش عربيه زيرو بالمبلغ ده ممكن تشوف حاجه مستعمل و تكون فئه احسن زى مثلا
اوبترا اوتوماتيك 2008-2009
صنى اوتوماتيك 2008-2009
لانسر 1600 اوتوماتيك 2007-2008
و حاجات تايه كتير
و متنساش الاستخاره و ربنا يوفقك
ربنا يهديك للصح بس مثلا بكام الفانوس الخلفي للانوس وياريت لما حضرتك تستقر تبقي تكمل الموضوع وايه موضوع رينو سانديرو دي
وليه مفيش لانوس اوتوماتيك زي الفيرنا الاوتوماتيك
لوجــــــــــــان طبعا و بدون تفكير افضل من الانوس فى كل حاجة .
و رأيى الانوس دى المفروض يتم وقف انتاجها و كفايا عليها كدة ........
ميزه اللانوس صيانتها سهله ومش هتغلبك واسألنى انا ﻻن زى مبيقلك اسأل مجرب انا مثﻻ عندى سبورتاج هى عربيه حلوه طبعا بس عندى فيها مشكله هتدوخك لغاية ماتتحل امالو حاجه زى اللانوس سهله جدا ممكن تصلحها عند اى حد حتى لو بقال .هههههههه