اجيب نيو صنى سوبر صالون او تيدا سيدان

**elkabary** · 30-11-2012 10:35 PM

ساعدونى يا جماعة انا فى حيرة كبيرة انا عايز عربية تستحمل شوارعنا دى و كمان تكون ثابتة فى السفر عشان انا ساكن على دائرى فا طريقى كولو مشاكل و الشوارع وحشة جدن

**moaaz** · 30-11-2012 11:30 PM

انا شايف لو تقدر تدفع ف التيدا هتها ..بحسها فئة اعلى من الصنى وهى كدا فعلا ...عربية حلوة ...الصنى مش وحشة بالعكس حلوة والناس كتيير جابتها ...بس استغل فلوسك صح دا قصدى ..ربنا يوفقك و يكرمك للاصلح والافضل ..

**S O P H O S** · 01-12-2012 12:55 AM

لو تقصد الصني الشكل الي قبل الحالي
يبقي جميل جدا اما عن الحالي
فالصقور يقولوا رائيهم افضل مني ..

**Land_Cruiser** · 01-12-2012 01:04 AM

لو ميزانيه حضرتك تسمح تجيب التيدا يبقى توكل على الله فيها و خليها اختيار اول ثم يليها الصنى السوبر صالون.

**Bishoy.Girgis** · 01-12-2012 01:04 AM

لو معاك فلوس التيدا يبقي تشتريها و مفيهاش تفكير طبعا .. التيدا تيدا برده

**a_bahaa14** · 01-12-2012 04:49 PM

لو عربية ماتور اقوى وشكل احسن يبقى التيدا
لو سعرا عادة بيع اعلى وقطع غيار يبقى صنى

**gadoo30** · 01-12-2012 07:29 PM

متابع

**hany63** · 01-12-2012 07:42 PM

يا باشا انت بتقارن ايه بايه
تجيب تيدا طبعا موتور اقوى و تقفيل احسن و مستورده و انعم و مفيهاش الملاحظات بتاعة الصني بس لو تقدر تجيبها هاتش باك يبقى اشيك و في نفس الوقت ثابته عن السيدان
و بصراحه الوكيل عشان ينزل القشقاي و الجوك بنفس موتور الصني القديم نزل بالصني الجديده شكلا و موضوعا

**gadoo30** · 01-12-2012 09:05 PM

انا اعرف ان التيدا مكسيكى هل دة مأثرش عليها ؟ اصلى محتار حيرتك

**Land_Cruiser** · 01-12-2012 09:14 PM

المشاركة الأصلية كتبت بواسطة hany63

يا باشا انت بتقارن ايه بايه
تجيب تيدا طبعا موتور اقوى و تقفيل احسن و مستورده و انعم و مفيهاش الملاحظات بتاعة الصني بس لو تقدر تجيبها هاتش باك يبقى اشيك و في نفس الوقت ثابته عن السيدان
و بصراحه الوكيل عشان ينزل القشقاي و الجوك بنفس موتور الصني القديم نزل بالصني الجديده شكلا و موضوعا

اسمحلى بس يا فندم بعد إذن حضرتك اصلح بعض المعلومات :-
- الهاتشباك اشيك و انا متفق مع حضرتك و بافضلها شخصيا كشكل و ان كان الشكل أذواق لكنها فى الحقيقه اقل ثباتا من السيدان مش العكس و اضيف نقطه كمان ان شنطه السيدان أوسع.

- القشقاى و الجوك مش نفس موتور الصنى الشكل القديم و لا حاجه لكنه موتور مختلف تماما وجيل تانى مختلف. اللى عامل اللغبطه عند بعض الناس انه تجاريا يقال انه نفس القدرة الحصانيه ١١٨ حصان زى الصنى لكن مش معنى كده انه يبقى هو هو نفس الموتور خالص، كل واحد فيهم ليه كود مختلف عن التانى فبتاع الصنى هو QG16DE و ده بيطلع maximum power 110PS و maximum torque 148Nm و الموتور ده 1597 سى سى بينما كود موتور القشقاى هو HR16DE وده بيطلع maximum power 116.6PS و الmaximum torque بتاعه 158Nm و الموتور ده 1598 سى سى و نيسان لو كانت عايزه تستمر فى إنتاج الموتور ده كان من باب أولى تنزله فى الصنى الجديده اللى سعرها قريب من سعر القديمه و كمان هى نفس الفئه لكنها حتى فى الصنى الجديده ما نزلتوش فيها و جابت موتور جديد فما بالك بالفئات الاعلى و الاغلى ب ٧٥٪ من السعر ، ما ينفعش تحط نفس الموتور طبعا و بالنسبه لتشابه القدره الحصانيه الموضوع بيبقى ليه حسابات و نتيجه الحسابات هى التى أوجدت التشابه و لذا وجب التنويه للإفادة العامه