تقرير صيانة 60000 كم وتقييم لهيونداي فيرنا

ازيكم يا شباب عاملين ايه
معذرة انا متغيب عنكم بقالي فترة وبعتذر طبعا على التأخير بس هي ظروف الشغل ليس الا وان شاء الله تنتهي بانتهاء شهر ديسمبر بأمر الله
بداية خلونا نتعرف على زوزو اللي مبهدلة الدنيا ومزعلة العربيات اللي في الشوارع كلها :36_6_3[1]:
خلونا نتعرف على زوزو
العربية موديل 2010 هاف اوبشن طبعا فتيس مانيوال
عدادها وقت الصيانة كان عامل تقريبا 60150 كم
دا طبعا عدادي فور اتمامه ال 60000 كم بحمد الله كنت على الدائري مارا بالمرج باتجاه مسطرد والطريق كان مزدحم شوية فكنت ماشي بسرعة قليلة جدا فقلت فرصة اصور وانا ماشي بدل ماقف :00020191:



http://img838.imageshack.us/img838/1...1119164921.jpg



المهم حددت معاد الصيانة يوم الخميس وتوكلت على الله وطلعت على سبيد سيرفيس في جسر السويس ورا حديقة بدر مباشرة :D
مركز المهندس هاني :wink:

قبل ماروح لمركز سبيد كار سيرفيس عديت على اوتو عمرو اشتريت من عنده قطع الغيار اللازمة للصيانة الدورية -صيانة ال 60000 كم- وهي عبارة عن الآتي:-


سير دينامو وسير تكييف أصلي




http://img690.imageshack.us/img690/8...1122151749.jpg

بليتين كاتينة موبيس -أصلي - لوحدهم ب 185 جنيه

http://img5.imageshack.us/img5/3723/20121122151720.jpg

سير الكاتينة الأصلي لوحده دا ب 185 جنيه

http://img5.imageshack.us/img5/8397/20121122151619.jpg

سير باور أصلي

http://img15.imageshack.us/img15/323...1122151704.jpg

طقم بوجيهات أصلي Champion زي اللي كانت راكبة فيها من الفابريكة

http://img29.imageshack.us/img29/613...1122151652.jpg

فلتر هواء كوري

http://img442.imageshack.us/img442/4...1122151641.jpg

فلتر بنزين موبيس -أصلي-

http://img211.imageshack.us/img211/8...1122151630.jpg

مجموع قيمة الحجات دي تقريبا 600 جنيه



دي صورة الموتور قبل ما نبتدي شغل :D
محدش يشتم عشان كانت حالتها يرثى لها الحقيقة :blabla::brn:


http://desmond.imageshack.us/Himg853...pg&res=landing


طبعا اللي كان واضح انه خارج بحالة مش كويسة هو سير الباور اما بقية السيور فكان وضعها جيد رغم ان المهندس هاني بيقول انه مينفعش الحكم عليهم بالعين المجردة
البوجيهات طبعا كان ليا تجربة مع بوجيهات NGK 2 شمعة كانت جيدة جدا بس تعبتني في الشتا الحقيقة والعربية كانت بتقطع في بداية اليوم والجو بارد وكدة لكن لما العربية كانت بتسخن كانت بتظبط
بدأ العمل في العربية وبدأنا تغيير السيور ودي صور أثناء العمل

http://img547.imageshack.us/img547/8...1122152900.jpg

http://img194.imageshack.us/img194/8...1122152855.jpg

http://img651.imageshack.us/img651/2...1122152839.jpg

http://img822.imageshack.us/img822/5...1122152834.jpg

طبعا هنا سير الكاتينة لسة راكب -دا القديم - واللي خرج وانا اعتقد انه كان ممكن يمشي اكتر بكتير من 60000 كم لكن المهندس هاني اكدلي ان كدة كويس اوي عليه

http://img268.imageshack.us/img268/2...1122152829.jpg

http://img600.imageshack.us/img600/9...1122152823.jpg

بعد ما خلصنا دا رجلشنا فرامل وربطنا عفشة ونضفنا انجيكشن وغيرنا الفلاتر كمان وظبطنا الدنيا
وتم غسيل الموتور وتنضيف السربنتينة
دي صورة موتوري بعد الغسيل





في الواقع مش هتكلم عن المصنعيات لأني واخد خصم خاص في الحقيقة وتمن مصنعية الصيانة لا يذكر بالنسبة للخصم بتاعي ولكن خلونا نتكلم عن السعر قبل الخصم واللي انا شايفه مناسب جدا
مصنعية تغيير سيور 100 جنيه
مصنعية بقية الصيانة 50 جنيه
بعد كدة خدنا الفاتورة التمام المختومة بختم سبيد كار سيرفيس وركبت عربيتي وتوكلت على الله وانا حاسس انها هتقفز من على الارض قفز

http://desmond.imageshack.us/Himg193...pg&res=landing
ودي صورة للعربية بجوار المهندس هاني
طبعا كاميرة موبايلي مش بالجودة المطلوبة ولكنها كانت صورة للذكرى :hlopaet_prv:

http://img846.imageshack.us/img846/3...1122165236.jpg





يتبع بتقرير عن السيارة بعد 60000 كم وأكثر بقليل

:00020191:

تقرير عن السيارة:-

*الموتور : لا يزال الموتور يعطيك احساس التحكم في الطريق من حيث القوة وأنك قادر على التسارع بصورة فجائية متجاوزا كل من هو حولك
لا زال الموتور بنفس حالته وتسارعه الرائع جدا وفي لحظات يمكنك الوصول ل 150 وما بعدها -اخر تسارع عملته للفيرنا من صفر ل 100 كم كان في 10 ثواني- ودا كان قبل الصيانة بشهر تقريبا
يعتبر موتور الفيرنا وسهولة التعامل مع الاجزاء الميكانيكية له من اسهل وأفضل ما يميز الفيرنا
تسارع الفيرنا جيد جدا الى سرعة 160 كم تقريبا من ثم يبدأ التسارع في الانخفاض وتزداد السرعة ببطء قليلا ولكنها تصل ل 200 كم بسهولة ويسر ودون عناء

*العفشة:
عفشة الفيرنا من العفشات الطرية التي تعطيك احساس النعومة على الطريق وتقلل من احساسك بالمطبات على السرعات المنخفضة لكن هذا ينعكس سلبا على ثبات السيارة على الطرق على السرعات العالية وهو ميزة وعيب من كلا الجانبين

*الثبات:
ثبات السيارة ممتاز فيما تحت ال 120كم ولكن بعد ذلك تشعر بخفة وزن السيارة بصورة كبيرة ويزداد احساسك بمطبات الهواء على الطرق ولكن من زيادة حمولة السيارة -عدد الافراد- يزداد ثباتها ليصبح جيدا حتى سرعة 150 كم وهو ثبات رائع جدا
*اختلف أداء السيارة من حيث الثبات مع تغيير الاطارات النسر التي كانت فيها -حيث قضت معي مسافة 48600 كم - بتركيب اطارات جووديير أصبح الثبات أفضل قليلا نسبيا وزادت قدرة الفرامل وقدرة السيارة على التوقف

*القدرة على المناورة:
السيارة رائعة جدا في المناورة حتى 120 كم -انا شخصيا كنت اتخطى السيارات مع تغيير الحارات على الطرق على سرعة 160 وكانت معقولة لحد كبير لكن الغلطة بفورة زي ما بنقول - لذلك تعتبر السيارة جيدة جدا فيما تحت ال 120 كم

*الفرامل:
الكثير يعيبون على الفيرنا على ضعف فراملها ولكن الحقيقة عكس ذلك
مشكلة الفيرنا تكمن في شيئين لا ثالث لهما
الأول وزن السيارة الخفيف نسبيا مع هذا الموتور القوي جدا
الثاني عدم قدرة السائق على التعامل مع الفرامل
من مواصفات الفرامل الجيدة القدرة على الوصول لمرحلة الانغلاق التام -يعني الكاوتش يكسح منك ويكلبش زي ما بنقول بمصطلحاتنا الدارجة او يصرخ منك - هذا ان تم فهذا يعني ان منظومة الفرامل جيدة
اذن هذا يحدث في الفيرنا فالرامل جيدة
لكن مع الوزن الخفيف لجسم السيارة يصبح توقفها شيء صعب
إذا ما العمل.؟!
اولا استخدام الفرامل مع وضع الفتيس في حالة التعشيق حتى تستفيد من الفرملة الاوتوماتيكية للموتور
ثانيا الضغط على الفرامل ولكن ليس للمرحلة التي تجعلها تصل للانغلاق التام ولكن تضغط على الفرامل بكل قوتك دون ان يحدث انغلاق تام وبالتالي تقوم بعمل ال ABS بصورة يدوية ومن ثم تحصل على اقصى استفادة من الفرامل
ثالثا سقط نقلات لو لقيت انك محتاج تقف اسرع بمعنى سقط نقلات عكسية ودا انا بعمله ومفيش منه مشكلة لا تقلقوا

*ارتفاع السيارة عن الأرض:
السيارة مويلات 2010 وما بعدها تم تعديل ارتفاعها عن الارض وتم رفع الشكمان الخاص بها وبالتالي أصبحت أفضل وأصبح من الطبيعي ان يركب بها 4 أضخاص وتتجاوز المطبات بكل سهولة ودون أي مشاكل

*استهلاك البنزين:
داخل المدينة مع استخدام المكيف تستهل تقريبا 20 ليتر بنزين لكل 180 كم
على الطرق السريعة بمتوسط سرعة 100 كم يمكن ان يتكون الاستهلاك 45 ليتر بنزين لكل 550 كم

العربية بقالها معايا تقريبا سنتين ونصف
عملت بيها في خلال الفترة دي 60600 كم
هي جيدة جدا وممتازة ومبتقولش لا الحقيقة
تجري بتجري معاك وعندها استعداد تفترس اي عربية على الطريق معندهاش مانع مطلقا انها تلحق الهزيمة بأي سيارة في نفس فئتها من حيث التسارع ولكن على الطرق السريعة المستقيمة او ما يطلق عليه ال drag race
ليست سيئة في المناورة ولا في العفشة ولا في الفرامل فالفرامل جيدة جدا
كسيارة مدينة فهي رائعة ويمكن أن تحصل على تقييم
8.5/10
أنا أرشح السيارة لمن يرغبون في سيارة اقتصادية جيدة واعتمادية ولكن عليهم ألا يطلبوا منها أكثر مما تستطيع !
:grinder:

ما شاء الله والف مبروك علي الصيانة يا باشا
عقبال 300 الف ان شاء الله
ربنا يباركلك فيها ..

سؤال بس
حضرتك ذكرت موديل 2010 فمافوق اعلى عن الارض..هل ده معناه
ارتفاع الشاسيه عن الارض وانخفاض الشكمان نتيجه لكبره فى موديلات ماقبل 2010
ولا
انخفاض الشاسيه والشكمان سويا؟؟
وهل فى حل للمشكله دى فى موديلات ماقبل 2010 ؟؟

الف مبروك وربنا يحافظ عليك وعلي العربيه

ما شاء الله
الف مبروك عالصيانة وربنا يباركلك فيها
فين أوتو عمرو ده يا أستاذ أشرف
محتاج عنوانه أو رقم تليفونه

استاذنا العزيز Ashraf_Ibrahim
هو صحيح الفيرنا 2013 بتستهللك بنزين كتير فى مواقع كثيرة بتقول انها بتستهللك 20 لتر لكل 100 كم
ما صحة هذا الكلام؟؟؟؟؟

ماهو رايك فى الفيرنا ستار 2013
ايه الفرق بينها وبين الفيرنا 2013 العادية ؟؟؟؟؟

مبـــــــــــــــرووك على الصيانة يابـــــو اشرف وربنا يباركلك فيــــها يارب ..
وبعدين ماتكمل بقيت اسعار قطع الغيار يعنى جيت على سعر سير الباور وتعبت ! :dzey:

مبروك يا اشرف باشا و عقبال 300000

الف مبرووووك يا شيفو
عقبال لما العربية تكمل معاك ال100 الف لانى عارف ان بعد كدة هتاخد واحدة جديدة :))

اقتباس:

---

المشاركة الأصلية كتبت بواسطة s o p h o s

ما شاء الله والف مبروك علي الصيانة يا باشا
عقبال 300 الف ان شاء الله
ربنا يباركلك فيها ..

---

الله يبارك فيك يا عزيزي
تسلم يا رب

اقتباس:

---

المشاركة الأصلية كتبت بواسطة beshomilan

سؤال بس
حضرتك ذكرت موديل 2010 فمافوق اعلى عن الارض..هل ده معناه
ارتفاع الشاسيه عن الارض وانخفاض الشكمان نتيجه لكبره فى موديلات ماقبل 2010
ولا
انخفاض الشاسيه والشكمان سويا؟؟
وهل فى حل للمشكله دى فى موديلات ماقبل 2010 ؟؟

---

الاتنين يا عزيزي
الشكمان في موديلات 2010 وما بعدها أصغر
وارتفاع الشاسيه نفسه اعلى كمان من الموديلات السابقة
الحل اعتقد في تغيير علبة الشكمان بعلبة اصغر خاصة بالموديلات الاعلى ودا نصف الحل
الحل المتبقي -اللي اعتقد انه يحل المشكلة كاملة وانا مش متأكد 100% - تغيير السوست الخاصة بالعربية بسوست 2010 او ما بعدها هتلاقي العربية اعلى فعلا مش بفارق كبير لكن بفارق يخليك تاخد اي مطب وانت معاك 3 او 4 افراد في العربية بصورة طبيعية وبدون ما تحك معاك

اقتباس:

---

المشاركة الأصلية كتبت بواسطة john55

الف مبروك وربنا يحافظ عليك وعلي العربيه

---

ربنا يكرمك يا عزيزي
شكرا ليك

اقتباس:

---

المشاركة الأصلية كتبت بواسطة ahmed_h_g

ما شاء الله
الف مبروك عالصيانة وربنا يباركلك فيها
فين أوتو عمرو ده يا أستاذ أشرف
محتاج عنوانه أو رقم تليفونه

---

اوتو عمرو دا يابو حميد في جسر السويس
هجبلك تليفونه وابعتهولك على الخاص ان شاء الله
هو كارته في العربية فهدور عليه واجيبه وانا جاي بأمر الله

اقتباس:

---

المشاركة الأصلية كتبت بواسطة pharamawy

استاذنا العزيز ashraf_ibrahim
هو صحيح الفيرنا 2013 بتستهللك بنزين كتير فى مواقع كثيرة بتقول انها بتستهللك 20 لتر لكل 100 كم
ما صحة هذا الكلام؟؟؟؟؟

---

اعتقد ان دا كلام ليس له أي اساس من الصحة مطلقا لأن الفيرنا 2013 هي الفيرنا 2012 هي الفيرنا 2010 بكل ما فيها ومصدرش اي شكوى من اصحاب العربيات دي من حيث استهلاك البنزين
مع الوضع في الاعتبار ان استهلاك البنزين في فترة التليين الاولى اللي هي بتقاس تقريبا ب 5000 كم بيكون عالي شوية بعد ما بتلين وتكمل اول 5000 بتلاقي ان استهلاك العربية بقا كويس جدا طبعا مع اتباع ارشادات التليين في اول 2000 كم
وبالتوفيق ان شاء الله

اقتباس:

---

المشاركة الأصلية كتبت بواسطة pharamawy

ماهو رايك فى الفيرنا ستار 2013
ايه الفرق بينها وبين الفيرنا 2013 العادية ؟؟؟؟؟

---

الفيرنا ستار هي الفيرنا العادية مع بعض التجميل في الشكل الخارجي فقط
يعني تغير الشبكة الامامية مع جنوط 14 طاسات مختلفة واسبويلر خلفي وبعض الفايبرز عند العتب فقط لا غير
من وجهة نظري فلوس على الفاضي بتدفع فيها وملهاش اي لازمة !

اقتباس:

---

المشاركة الأصلية كتبت بواسطة BuNsH_FoX

مبـــــــــــــــرووك على الصيانة يابـــــو اشرف وربنا يباركلك فيــــها يارب ..
وبعدين ماتكمل بقيت اسعار قطع الغيار يعنى جيت على سعر سير الباور وتعبت ! :dzey:

---

الله يبارك فيك يا كبير
هجيب الفاتورة حاضر واكتب اسعار قطع الغيار ايه بس برده الفاتورة في العربية

اقتباس:

---

المشاركة الأصلية كتبت بواسطة haysam2000

مبروك يا اشرف باشا و عقبال 300000

---

الله يبارك فيك يا صديقي
تسلم يا رب

اقتباس:

---

المشاركة الأصلية كتبت بواسطة Kareem Fawzy

الف مبرووووك يا شيفو
عقبال لما العربية تكمل معاك ال100 الف لانى عارف ان بعد كدة هتاخد واحدة جديدة :))

---

الله يبارك فيك يا انتيخي :grinder:
قول يا رب بس ومتقاطعش ويا مسهل نترقى عشان الباكيدج تتغير :grinder:

مبروك الصيانه ربنا يباركلك فيها

الف مبروك الصيانة
وربنا يديك خيرها ويكفيك شرها

اقتباس:

---

المشاركة الأصلية كتبت بواسطة Hosam_Optrawy

مبروك الصيانه ربنا يباركلك فيها

---

اقتباس:

---

المشاركة الأصلية كتبت بواسطة elkorany

الف مبروك الصيانة
وربنا يديك خيرها ويكفيك شرها

---

ربنا يبارك فيكم يا رب :Bravo:

تقرير ممتاز ومجهود أكثر من رائع..

اقتباس:

---

المشاركة الأصلية كتبت بواسطة Ashraf_Ibrahim

اوتو عمرو دا يابو حميد في جسر السويس
هجبلك تليفونه وابعتهولك على الخاص ان شاء الله
هو كارته في العربية فهدور عليه واجيبه وانا جاي بأمر الله

---

شكرا" يا أستاذ أشرف :crying2:

اقتباس:

---

المشاركة الأصلية كتبت بواسطة original

تقرير ممتاز ومجهود أكثر من رائع..

---

اشكرك يا عزيزي
متأخرة شوية بس معلش :E_braces[1]:

الله عليك يا كبير هو ده الكلام تقرير ولا اروع الف مبروك وعبال صيانة المليون انا بحاول احصلك لكن مش عارف عربيتي لحد دلوقتي 53 الف ادعيلي

اقتباس:

---

المشاركة الأصلية كتبت بواسطة corsair

الله عليك يا كبير هو ده الكلام تقرير ولا اروع الف مبروك وعبال صيانة المليون انا بحاول احصلك لكن مش عارف عربيتي لحد دلوقتي 53 الف ادعيلي

---

تسلملي يا كبير
ليك شوقة يا معلم :D
هات عربيتك اشتغل بيها شهر واللا حاجة وهخليك عدادك يبقا زي عدادي متقلقش :D
:36_7_7[1]: :grin02:

اقتباس:

---

المشاركة الأصلية كتبت بواسطة ashraf_ibrahim

تسلملي يا كبير
ليك شوقة يا معلم :d
هات عربيتك اشتغل بيها شهر واللا حاجة وهخليك عدادك يبقا زي عدادي متقلقش :d
:36_7_7[1]: :grin02:

---

لا يا عم شكرا انا مش عايز اقلبها مراجيح مولد النبي ههههههههههههههههه مش ناوي تغلط كدا ونتقابل يا كبير

يا سيدي خلينا نرتب يوم ونغلط :d
نتقابل يعني عشان محدش يفهمنا غلط
ههههههههههههههههههههههه

الف مبررررررروك يا اشرف بيك و عقبال صيانة ال 100000 الف ان شاء الله ...

اقتباس:

---

المشاركة الأصلية كتبت بواسطة ashraf_ibrahim

يا سيدي خلينا نرتب يوم ونغلط :d
نتقابل يعني عشان محدش يفهمنا غلط
ههههههههههههههههههههههه

---

ههههههههههههههههههههههههه هههه انتا كدا مش قدامك غير يوم الثلاثاء في اي اسبوع هو اليوم الوحيد اللي بقيت فاضي فيه هههههههههه لان بعد كدا اليوم ده هينشغل بسبب الجواز بقا عبال اولادك

اقتباس:

---

المشاركة الأصلية كتبت بواسطة Mohab555

الف مبررررررروك يا اشرف بيك و عقبال صيانة ال 100000 الف ان شاء الله ...

---

الله يبارك فيا يا مهاب
يا مسهل يا رب
فيه موضوع كدة لو تم العربية في غضون شهور معدةدة ممكن تكون كاسرة ال 200000 كم تقريبا :D
ادعولي بالتوفيق بس ان شاء الله :rolleyes:

اقتباس:

---

المشاركة الأصلية كتبت بواسطة corsair

ههههههههههههههههههههههههه هههه انتا كدا مش قدامك غير يوم الثلاثاء في اي اسبوع هو اليوم الوحيد اللي بقيت فاضي فيه هههههههههه لان بعد كدا اليوم ده هينشغل بسبب الجواز بقا عبال اولادك

---

عقبال عيالي يا ولد
طب مش لما اعملها انا الاول
وبعدين ماشي يا عم الثلاثاء
ناوي تتجوز امتى عشان ألحقك قبليها :khd:

اقتباس:

---

المشاركة الأصلية كتبت بواسطة ashraf_ibrahim

عقبال عيالي يا ولد
طب مش لما اعملها انا الاول
وبعدين ماشي يا عم الثلاثاء
ناوي تتجوز امتى عشان ألحقك قبليها :khd:

---

ههههههههههههههههههههههه يا عم ده انتا اللي يشوفك يقول عليك جد هههههههههه

علي العموم الجواز ان شاء الله في اخر شهر 3