السلام عليكم ورحمة الله وبركاته
صباح الخير عليكم كلكم

انا بخلص فى عربية اوبل فكترا 2001 2000 سى سى اوتوماتيك النهارده ان شاء الله
وانا فى بقالى فترة بدور ع الانترنت على الفوانيس الرينجات والزينون وفرش الجلد وطقم الصوت والذى منه عايز ادلع العربيه يعنى

كنت بس عايز اعرف اسعار الفوانيس الرينجات الاماميه بكام لانى شفت اسعار ان الواحد ب 1000 وشويه يعنى لو اتنين ب 2000 واللى ورا ب 850 الواحد يعنى اتنين ب 2000 تقريبا يعنى هركب 4 فوانيس ب 4000 جنيه ؟ وانا لسا عايز اشد العربية كساحات وعتب وفرش جلد وطقم صوت والموتور لو فى حاجه
فكنت عايز حد يفيدنى بسعر الفوانيس الرينجات عشان لو اسعارها كدا ممكن افكنى منها الصراحة فى حاجات تانيه اهم .
وبالنسبه للدركسيون كنت عايز اغيره لان اللى موجود متجرح شوية فلو حد عنده معلومة عن الاسعار او اى حاجه ابقى شاكر جدا ليه .
واخر حاجه كنت عايز اعمل كساحات للاكصدام و العتب كله قالى فى الحرفيين كنت عايز اعرف بتكلف كام وبتاخد وقت قد ايه ولازم اسيب العربيه ولا مش لازم ان شاء الله تفيدونى فيها

ومعلش طولت عليكم ومتشكر جدا جدا جدا