انا محتار ما بين عربيتين
العربيتين مختلفين عن بعض كتييييييييير
الاولي بي ام 316 مانيوال فابريكه ماشيه 70 الف كيلو (بتاعه واحد قريبي)
التانيه النترا 2012 كسر زيرو ماشيه 10 الاف كيلو
البي ام اللي شدنيي ليها بصراحه العلامه ليها تقل وبرستيج عالي طبعا..بس بيز لاين ومانيوال فاضيه من جوا وتحسها تقليديه شويه
الهيونداي شكلها حلو واوتو وكماليات من اللي انتوا عارفينها
البي ام قطع غيارها غاليه والغلطه فيها متهيألي ممكن تكلف كتير
الهيونداي منتشره وعند البقال
الهيونداي بتتباع بسهوله وماسكه سعرها الي حد ما ( بس اسعارها حاليا مبالغ فيها)
البي ام ( بصراحه مش عارف الفئه دي ظروفها اي؟؟)
انا بجد محتار ..والظروف اللي في البلد دي تخلي الواحد لما يحط فلوسه يحطها في حاجه ماتخسرهوش كتير
فيه ناس بتقول ان البي ام مش هاتنزل كتير عن كده علشان موديلها قديم وهاتبقي ماسكه تنفسها وفي ناس بتقول تقيله في البيع
انا مش عارف اختار ومحتار

تم تعديل عنوان الموضوع ليكون اكتر دلالة على محتواه

مشرف 2 ب
1\12\2012
11:55