النترا شكل قديم ولا لانسر مكوة

**amro0000** · 01-12-2012 06:59 AM

ممكن مقارنه بين العربيتين دول النترا الشكل القديم ولانسر مكوة من حيث توفير البنزين وقطع غيار وقوة تحمل اهم حاجة اتمني مقارنه بينهم ولو فية اختيارات تانيه ياريت في كوري او يباني في حدود 65الف ودول ممكن يركبوني لانسر بومة ولالاء ؟ياريت الاخوة الاعضاء يفيدوني وللعلم انا قدامي كرولا موديل 98 العيون بحاله نضيفة جداااااااا من يد المالك الاول مش عارف اخدها ولالاء وهل فية فرق بينها وبين العربيتن دول فرق شاسع غير الشكل ولا لاء ياريت افادة ومساعدة من الاعضاء الكرام واسف لو طولت عليكم

**amro0000** · 01-12-2012 07:01 AM

معذرة حاب اضيف لانسر كريستاله موديل 99 اية رأيكم بردو في الموديل دا وهل فية فرق شاسع بين العربيات الي ذكرتها فوق

**amro0000** · 02-12-2012 04:25 AM

ياجماعة مفيش حد رد عليا لية كدة بس

**motoxp** · 02-12-2012 11:53 PM

بص لو الكورولا ضامنها نظيفه 100 % اتكل على الله بدون تردد

الكرستاله ابعد عنها نهائى طب ليه ؟ عشان مش حتلاقى حاله نظيفه فيها ولو لقيت هتلاقى ضارب سعر خرافى .

بالنسبة للالنترا و الانسر المكوه ؟

انا افضل الالنترا 2006 ( مش عشان عربيتى والله لا )

اولا موديل حديث المكوه اخرها 2003

ثانيا 1300 سى سى الالنترا 1600

ثالثا اعاده البيع ضعيفه نسبيا مقرنه بالالنترا الموديل ده مطلوبه اوى

رابعا الشكل ودى حاجة نسبية بصراحه

خامسا بالنسبه للتحمل و القوه الاثنين حمير شغل بصراحه و قطع غيار الالنترا كلام فاضى

وربنا يوفقك

فيه اختيارات تانيه : نوبيرا ياريس صنى بومه ( مانيوال ) جين تو ميجان

**amro0000** · 04-12-2012 08:14 AM

انا متشكر جدا علي رد حضرتك بس فعلا فية ياريس بلمبلغ دة والصني لو تقصد الجديدة الشكل الجديد اعتقد من 70الف وفوق علي اعتقادي بس حضرتك متأكد من موضوع الياريس معليش لاني والله مش متابع اوي طيب وبلنسبة للكرولا العيون هيا قدامي هيا اول يد بس مركونة ومتبهدله شوية بس بحاجتها الاصليه الفرش والكاسيت كل حاجة فيها شايفها فبريكة علي رغم انها متبهدله من التراب والركنه طيب حضرتك شايف تستاهل 50الف ؟ وهل موفرة في البنزين

**motoxp** · 05-12-2012 01:09 PM

65 الف تجيبلك :

ياريس 2006 او 2007 مانيوال حاله كويسه جدا

و ممكن اوتو 2006 بس هتكون متبهدله شويه

صنى 2006 و 2007 و 2008 مانيوال و حالات كويسه برضه

اوتو ممكن 2006 او 2007 برضه متبهدله

النترا 2005 و 2006 مانيوال حاله ممتازة

اوتو بس برضه حاله مش كويسه اوى و تكييف عادى مش تاتش

نوبيرا 2008 مانيوال و هتوفر 8 الالاف جنيه او اكتر كمان

بالنسبه للتويوتا العيون 98 كتير اوى 50 ممكن تيجى فى 46 تبقى حلو اوى عليها و انت بتقول محتاجة

مصاريف وعلى فكرة موفرة فى البنزين اعتقد انها 1300 سى سى

**amro0000** · 06-12-2012 02:57 AM

انا متشكر اوي لحضرتك ومش عارف اقولك اية بس اانا حاسس اني استفدت واخدت من حضرتك معلومات مفيدة وعرفت اسعار حجات كنت فاكر انها اكبر من امكانياتي بس الحمد لله ان حضرتك نورتني واسف لان اسئلتي كتيرت شوية لحضرتك وشكرا