الموضوع: ارتفاع استهلاك الوقود فى ماروتى

ححاول الرد على قدر معرفتي:
العربية الماروتي استهلاك البنزين الطبيعي فيها حوالي 16-17 كم/لتر داخل المدينة وحوالي 18-19 كم/لتر في الهاي واي.

معنى كده إن في عندك استهلاك زيادة شوية وده ممكن يكون راجع للأسباب التالية:
الكربريتير محتاج تنظيف
محتاج طقم كهرباء جديد (البوجيهات لازم يكون لونها رمادي وليس أسود عند حلها)
محتاج ظبط تاكيهات (هل يصدر صوت غير منتظم من وش السلندر؟)
محتاج ظبط الأسبراتور (موزع الشرارة)
الموبينة (ملف توليد الشرارة في البوجيهات) تالف او ضعيف
أسلاك البوجيهات تالفة او رديئة (يفضل تكون نحاس)
محتاج تغيير زيت محرك (لو خفيف، المحرك ستكون حرارته أعلى من الطبيعي)
محتاج مراجعة ضغط الهواء وترصيص وزوايا الكاوتش
محتاج مراجعة العفشة (آليات التعليق)
مراجعة سير التقسيمة (لازم يكون مشدود - دوس عليه بإصبعك وشوف رد الفعل)
ممكن يكون في عندك كوبلن تالف وبيلف على الفاضي
لو بتستخدم بنزين 90 بطله واستعمل 80 لأن استهلاكه اقل (ولو لاقيته في أي محطة قولي)
ممكن يكون في فلتر هواء مسدود او تالف محتاج تنظيف أو تغيير.
ممكن تكون طريقة قيادة السيارة غير اقتصادية (ماشي أول تاني كتير)
كثرة التوقف في الإشارات والسيارة تعمل.

في حاجات كثيرة تؤثر على استهلاك الوقود غير المذكور أعلاه مثل تصميم السيارة ومدى انسيابيتها ونوعية الطرق التي تمشي بها.

راجع التوكيل في كل الحجات دي وستجد تحسن في استهلاك البنزين إن شاء الله وتابع في دفتر كل أنواع الصيانة المطلوبة عشان متنساش....

تحياتي يا بك

شكرا يا باشا