الأن اصبحت أب!!!! دعوة للمناقشة

الأن اصبحت أب
دة عنوان كتاب اشتريتة من فترة كدة للكاتب كريم الشازلى

قولت لعل وعسى ينفعنى خصوصا انى بقيت أب لطفلين بنت 5 سنين وولد 3 سنين قريتة وبصراحة استفدت منة كتير قوى خصوصا انة بيعلمك فنون التربية السليمة والدنية للاطفال الصغيرين

جيت بقى اطبق على الواقع ههههههههههههههههههههه اكتشفت ان الكاتب بيقصد جيل التمانينات

وان احنا ماكناش اطفال دة احنا كنا ملايكة

البنات بطبيعتهم هادين مؤدبين ولطاف
نيجى بقى للولد تلاقية متشرد بطبعة بيتخن صوتة هوايتة العند مكتشف بطبعة تلاقية فى ثانية واقف فوق التلفزيون وماسك وصلات الرسيفر بيخلعها :oops2:
قاموس الفاظ نوعية افلام السبكى ودة فى رأيى الشخصى انا بسمية جيل السبكى فيلم
مع انى والله مابنزلة الشارع خالص من البيت على العربية لو رايحين مشوار مش عارف بيلقط منين؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
بكون قاعد فى أمان الله الاقية ماسك اى حاجة فى ايدة راميها على الى قدامة وكان هايعور اختة من يومين

بكون عايز اقوم اضربة وانا خلقى ضيق جدا وساعات كتير بضربة واشخط فية بس ارجع واقول حرام دة لسة طفل ولسة ماجريش علية القلم وسنة صغير والضرب ممكن يأثر على شخصيتة فى الكبر


ياريت نعمل مناقشة مفتوحة ونفيد بعض خصوصا اخواتنا الكبار هنا فى المنتدى أزاى نربيهم تربية سليمة؟

سبحان الله! حضرتك أب بتقول كدة أحييك على شجاعتك
الولاد اليومين دول مش طبيعيين والمصحف!!!

سبحان الله فعلا لو الواحد يلاحظ لو ليه بنت اخت ولا ابن اخ ولا اى عيل كان صغير من 10 او 15 سنه مثلا
تلاقى العيل وقتها طفل برئ تلاعبه وتشتريله حاجه حلوه وتخرجه
اما دلوقتى الموضوع متغير تماما سبحانك ياريب زى مايكون الاكل او الشرب او الهوا هو اللى عامل كده فيهم الشقاوه حاجه مش ممكن
الطفل الهادى دلوقتى بقه عمله نادره جدا
من بين 10 اطفال تلاقى 1 هادئ الطباع وال9 الاخرين اشقياء سواء بنت او ولد وغالبا الولاد اما البنات تلاقيهم بلسانين وردهم اكبر من سنهم



بس بصراحه انا بقه بحب العيل الشقى اما العيل الهدائ بحس انه برطه
انما العيل الشقى يجننك ويخليك دايما ذهنك صاحى لاى رد فعل او كوبايه تتحدف فى وشك او فرده شبشب او يرفع فرامل اليد وهيا العربيه ماشيه
او انه يمسك دراع النور او اى حاجه
ربنا يحمى الاطفال كلها ويرزق اللى ماعندهوش اطفال


امين

اقتباس:

---

المشاركة الأصلية كتبت بواسطة mado83

سبحان الله فعلا لو الواحد يلاحظ لو ليه بنت اخت ولا ابن اخ ولا اى عيل كان صغير من 10 او 15 سنه مثلا
تلاقى العيل وقتها طفل برئ تلاعبه وتشتريله حاجه حلوه وتخرجه
اما دلوقتى الموضوع متغير تماما سبحانك ياريب زى مايكون الاكل او الشرب او الهوا هو اللى عامل كده فيهم الشقاوه حاجه مش ممكن
الطفل الهادى دلوقتى بقه عمله نادره جدا
من بين 10 اطفال تلاقى 1 هادئ الطباع وال9 الاخرين اشقياء سواء بنت او ولد وغالبا الولاد اما البنات تلاقيهم بلسانين وردهم اكبر من سنهم



بس بصراحه انا بقه بحب العيل الشقى اما العيل الهدائ بحس انه برطه
انما العيل الشقى يجننك ويخليك دايما ذهنك صاحى لاى رد فعل او كوبايه تتحدف فى وشك او فرده شبشب او يرفع فرامل اليد وهيا العربيه ماشيه
او انه يمسك دراع النور او اى حاجه
ربنا يحمى الاطفال كلها ويرزق اللى ماعندهوش اطفال


امين

---

كلامك مظبوط مليون المية وفية دراسة بتقول ان انت ماتخافش من الطفل الشقى لأنة غالبا بيكون مخة شغال بس احيانا بيكون خطر على نفسة وربنا يرزق الجميع يارب العالمين

موضوع رائع وفعلا الاطفال اختلفو تماما قرايبى فى ابتدائى وعندهم فيس بوك وعارفين العاب انا معرفهاش
حاجه جميله جدا