عملت حادثه بالجن2

**hussien456** · 15-07-2008 08:09 AM

شكرا جزيلا للاخوه الاعذاء اللي اهتموا وردوا
لما نويت السفر دخلت محطه البنزين فولت العربيه وكشفت علي كل العجل الراجل قاس ضغط الهوا في كل العجل وقال كويس لازود ولا نقص
بالنسبه للطريق جميل جدا واتجاهين منفصلين وكل اتجاه حوالي 4 حارات والاضاءه كويسه وكنت مشغل الضوء العالي والفوجات وشايف الطريق كويس وعلي امتداد البصر قدامي ووراي مفيش اي عربيات يعني ماشي لوحدي في طريق كبير يغري اي حد بالسرعه ومع ذلك مشغل مثبت السرعه علي 90 لاني لسه بلين اولا وثانيا مبحبش السرعه العاليه بطبعي وثالثا بحترم القوانين
ويادوب 130ك اللي مشيتهم وبالليل الساعه12 والجو معقول جدا يعني مالحقتش تسخن
فجاة سمعت حاجه فرقعت والعربيه بتتجه ناحيه الرمله بلف الدركسيون لا يستجيب وفضلت العربيه تتشال وتتهبد وتميل وتتعدل وكل مايقابلها مطب رمله تخترقه وتعدي الي ان اصطدمت بكوم رمله وزلط كبير ووقفت والايرباج فتح في وشي وتقريبا بعد العربيه ماوقفت !!!! لقيت الدنيا ضلمه والعربيه اتملت دخان ابيض ودي اكتر حاجه حضتني
بطلت العربيه وفكيت الحزام وطلعت اجري مش عارف ليه حسيت انها ممكن تنفجر زي الافلام
لقيت العربيه مشيت حوالي 5متر لجوه ثم حوالي 30م في خط موازي للاسفلت وفضلت ماشي في نفس المسار الم في فوانيس وخراطيم وقرب ميه وقطع بلاستك معرفش هي ايه
ومش عارف ليه الاكصدام والشبكه الاماميه متبقاش حديد اوصاج قوي يعني جسم العربيه كله قوي والاكصدام ضعيف
وازاي عجله جديده مشيت 800ك تفرقع

**haneena** · 15-07-2008 09:25 AM

لا حول ولا قوة الا بالله ربنا يعوض عليك ويخفف عنك والمهم سلامتك وقدر الله وماشاء فعل

بس غريبة قوى الكلام ده واضح ان عيوب العربية دى مش بس تقفيل الحمد لله انى ماجبتهاش

**tutankhamoun** · 15-07-2008 10:01 AM

المشاركة الأصلية كتبت بواسطة hussien456

وازاي عجله جديده مشيت 800ك تفرقع

أستاذ حسين .................. عادي جدا
ممكن يكون عامل محطة البنزينة قاس غلط الكاوتش
أو جهاز القياس مش مظبوط
لأنهم بيستخدموا أرخص الأنواع
أنا لما بزود دايما يدوني قرأيات غلط
لأن معايا مقياس ديجيتال و هو اللي بعمل بيه ...........

و أول مرة أسمع عن موضوع إن الكاوتش يفرقع
كل أصحابي اللي معاهم العربية الكاوتش قعد معاهم كتير و بدون أي مشاكل و كتير هنا مقصود بيها فوق 50 ألف كم
و الحمد لله على سلامتك يا أستاذ حسين

بس غريبة قوى الكلام ده واضح ان عيوب العربية دى مش بس تقفيل الحمد لله انى ماجبتهاش

أولا ............ الكاوتش مفيهوش عيوب و العربية مفيهاش عيوب ميكانيكية أو عيوب في العربية نفسها كعربية

و الحمد لله إن حضرتك ما أشتريتهاش لأن العربيات قرف
و اللي بيكره عربية خلاص ............. بيطلع لها القطط الفاطسة حتى لو مرسيدس

بس موضوع الكاوتش ده ممكن يحصل في أي عربية في العالم كله ..................

------------------------------------
سؤال لو كاوتش بي إم مثلا فرقع عند 500 كم فقط إستعمال

هل الناس برضه كانت هاتقول ........... ده عيب عربية ؟؟؟؟؟

**hussien456** · 15-07-2008 10:57 AM

أولا ............ الكاوتش مفيهوش عيوب و العربية مفيهاش عيوب ميكانيكية أو عيوب في العربية نفسها كعربية
يا استاذ توت العيب فينا احنا علشان اشتريناها ووثقنا فيها ولا ايه

**tutankhamoun** · 15-07-2008 11:08 AM

المشاركة الأصلية كتبت بواسطة hussien456

أولا ............ الكاوتش مفيهوش عيوب و العربية مفيهاش عيوب ميكانيكية أو عيوب في العربية نفسها كعربية
يا استاذ توت العيب فينا احنا علشان اشتريناها ووثقنا فيها ولا ايه

واضح يا أستاذ حسين إن حضرتك نفسك قفلت من العربية

بس بالنسبة لي .........
أنا بأحبها و بيزداد حبي ليها يوم عن يوم
ثبات رائع .......... توفير في البنزين ملوش حل
بتحافظ على قوتها عند السرعات العالية

أهم حاجة العامل النفسي يا أستاذ حسين
لو أنت من الناس اللي بتدي ودانها لكل كلمة يسمعها
يبقى هاتتعب
إنما تصدق إللي أنت مجربه بس ............ هاترتاح

بالنسبة لموضوع الكاوتش
أولا لثالث لمرة نحمد الله على سلامة حضرتك

ثانيا
الكاوتش ممكن يفرقع بسبب كذا سبب

- عيب تصنيع فيه ............ ده وارد في أي ماركة كاوتش ( الكاوتش مش بروتون )
- يكون أتخرم منك و أنت مش واخد بالك و الخرك كبر مع السواقة و السرعة
- عامل محطة البنزين قاس غلط أو اداك مقاس مش مظبوط
- حاجة على الطريق أنت دست عليها من غير ما تأخد بالك خلت الكاوتش ينفجر

و أنا أقصد بلاش الإستنتاجات السريعة علشان تقدر ترتاح مع العربية كويس
لأنك لو مش مرتاح هاتقعد تدي ودنك لأي صوت حتى لو مش طالع من العربية

أنا مثلا من كام يوم مشيت حوالي 10 كم في الجبل بالعربية و طبعا أنا كنت خايف على العربية قوي بس كنت مضطر
المهم بعد ما خرجت
بقيت قلقان جدا و أي صوت أسمعه حتى لو جاي من عربية نقل ماشية جنبي ............ يحسسني إن العربية فيها حاجة
فقررت إن أقفل الشباك و أكبر دماغي و فعلا ..........
و العربية زي الفل و مفيهاش أي حاجة

أولا ............... أحمد لله على سلامتك
ثانيا .............. كن متيقن تماما إن الإنفجار ده ممكن يحصل في أي نوع كاوتش و أي عربية
ثالثا .......... حاول تكبر دماغك من كلام اللي مش مجرب و أنا بقول لحضرتك ناس كتير أصحابي معاهم العربية و عاملين بالكاوتش 50 ألف بدون أي مشاكل تذكر أو حتى تصليح خرم .... تتصور بقى

رابعا ........ ممكن يكون حسد ....... و ده وارد جدا

و كلامي مش دفاع عن العربية و بس ......... أنا بس بقول إن ده ممكن يحصل في أي عربية
و لسة عربية أوكتافيا عاملة حادثة بسبب إنفجار كاوتش و العربية برضه كانت على سرعة 90
و صاحب العربية برضه فاكر أن الكاوتش أنفجر لوحده من غير أي حاجة على الطريق أثرت عليه

و أتمنى كل خير و إن شاء الله العربية هاترجع أحسن من الأول
و تقبل قضاء الله و حب عربيتك علشان ترتاح نفسيا

**yossef** · 15-07-2008 11:15 AM

نفسى الناس يسبة العاربية دة فى حلهاوالحمد للة انك بخير

**loai-omar** · 15-07-2008 11:16 AM

قدر الله وما شاء فعل و الف حمدلله على سلامة حضرتك

العين صابتني و رب العرش نجاني

الف حمدلله على سلامتك

**ahmedsiyam** · 15-07-2008 12:58 PM

معلش يا اخى نصيبك كده

و لو عربية تانية و الله كان ممكن الخسائر تبقى اكبر من كده انما العربية دى متينة جدا و بتتحمل صدمات و حاجات عربيات غيرها ماتتحملهاش
وسلامتك الف سلامة و ان شاء الله تكون بخير و ربنا يبعد عنك عيون الحاسدين

**tutankhamoun** · 15-07-2008 01:32 PM

المشاركة الأصلية كتبت بواسطة ahmedsiyam

معلش يا اخى نصيبك كده

و لو عربية تانية و الله كان ممكن الخسائر تبقى اكبر من كده انما العربية دى متينة جدا و بتتحمل صدمات و حاجات عربيات غيرها ماتتحملهاش
وسلامتك الف سلامة و ان شاء الله تكون بخير و ربنا يبعد عنك عيون الحاسدين

فيه عربيات الكاوتش بيفرقع فيها
و بتقلب ............. مش تنزل على الرملة

الموضوع كله ستر من عند ربنا

الأوكتافيا اللي الأستاذ كريم منير مصورها

قلبت على سرعة 90 بسبب انفجار الكاوتش و الكراسي طارت من العربية

محدش قال ................ إن ده عيب عربية
بس قاعدين للجين 2 .............. لأي حاجة

ربنا يستر طريقنا جميعا إن شاء الله

و شكرا يا أبو صيام

**haneena** · 15-07-2008 01:35 PM

أولا ............ الكاوتش مفيهوش عيوب و العربية مفيهاش عيوب ميكانيكية أو عيوب في العربية نفسها كعربية

و الحمد لله إن حضرتك ما أشتريتهاش لأن العربيات قرف
و اللي بيكره عربية خلاص ............. بيطلع لها القطط الفاطسة حتى لو مرسيدس

بس موضوع الكاوتش ده ممكن يحصل في أي عربية في العالم كله ..................

------------------------------------
سؤال لو كاوتش بي إم مثلا فرقع عند 500 كم فقط إستعمال

هل الناس برضه كانت هاتقول ........... ده عيب عربية ؟؟؟؟؟

انا مش باطلع قطط فاطسة فى حاجة انا ايه مصلحتى ان شالله تبقى احسن عربية فى العالم انا مالى
ده كلام الناس اللى اشترتها واتحرق دمها منها مرة زى استاذ احمد صيام وكانت هاتعمل مشكلة اكبر مع استاذ حسين لكن الحمد لله ربنا نجاه
وبعدين احنا عمرنا ماسمعنا عن كاوتش عربية بى ام فرقع بدون سبب واضح او حتى عربية 127
وبعدين العربية دخلت فى تلة رمل وكل ده حصل لها امال صاج ايه ومش عارف ايه اللى بتقولوا عليه

الموضوع: عملت حادثه بالجن2

LinkBack

أدوات الموضوع

عرض

-

-

-

-

-

-

المواضيع المتشابهه

انا عملت حادثه

انا عملت حادثه..

عملت حادثه قبل كده؟؟

عملت حادثه حادثه

عملت حادثه او اتعمل فيه حادثه

الكلمات الدلالية لهذا الموضوع

المفضلات

المفضلات

ضوابط المشاركة