عربيتى ميجان 2207 خليجى طرمبة البنزين مغلبانى
اشترى واحدة استعمال خارج مينين ولا اروح ادفعلى 2500 جبيه فى التوكيل و اخلص احسن المؤشر بيقرا غلط و الفايض بيسقط بنزين مع انى غيرتها بطرمبو جديد بس مش اصلى
عرض للطباعة
عربيتى ميجان 2207 خليجى طرمبة البنزين مغلبانى
اشترى واحدة استعمال خارج مينين ولا اروح ادفعلى 2500 جبيه فى التوكيل و اخلص احسن المؤشر بيقرا غلط و الفايض بيسقط بنزين مع انى غيرتها بطرمبو جديد بس مش اصلى
المؤشر بيقرأ غلط دي مشكلة عوامة مش طرمبة
الطرمبة ممكن تخلي العربية تقطع او السحب يقل او تدور بصعوبة
طيب انا عاوز اشترى طرمبة استعمال اصلى منين و بكام
شكرا
صقر قريش المعادي او الحرفيين
إيه الأعراض اللى قابلت حضرتك
والتقليد جبتها بكام ومنين ومصنوعة فين ؟؟
التقليد جبتها من المنصورة ب 500 العربية بدور بصعوبة و المؤشر مش مضبوط و بتسقط بنزين لمل تتفول
المشكلة ان عربيتى خليجى الطرمبة لهل روح واحدة كل اللى فى السوق روحين و ده سبب المشكلة حتى التوكيل قالى هنبعت نسال عليها
بالنسبة لتسقيط البنزين لما بتفول دا ليه أحتمالين انا مريت بيهم
بتسقط بنزين دي معناها ان الطرمبنة مش مربوطة كويس بال O-Ring بتاعها مش مربوط عليها كويس..
اللي هوا رقم 4
kf15a04a.jpg (image)
أو ان ال Seal اللي بيكون تحت ال O-Ring وسع ودا طبيعي لانو مع الفك والربط بيوسع ومش بيبات كويس وعشان كدا لما تيجي تفول هيهرب البنزين الزيادة
http://2.bp.blogspot.com/_-EfNh59lPn...h/IMG_6607.JPG
الفرق بين الجديد الأسود ماسك نفسه والقديم الأزرق بقي مرخي
IMG_6607.JPG (image)
نصيحتي ليك متفولش عال أخر مؤقتاً لحد ما تغيرة وتربط عال طرنبة كويس وفالتوكيل
وتطلع تفول بعدها تشوف هتهرب ولا لا.
بالنسبة لأنها بتدور بصعوبة دا معناه ان الموتور اللي ف الطرمبة بيهرب بنزين, او ضعف فمش بيوصل للموتور الضغط الكافي من البنزين عشان تدور من أول تكه
أحتمالات ضعيفة تانية تبدأ بيها, أنك تغير فلتر البنزين,, ممكن يكون ماليان وساخه.
أو تحط منضف دورة البنزين علي فول تانك وتشوف عشان لو فيه وساخة ف الوصلات.
بس لو المشكلة دي حصلت لك بعد تغير الطرمبة يبقي الأحتمال الأكيد أنها ف موتور الطرمبة
وساعتها تغيرة أحسن لك وأوفر لك ب 100 جنيه أفضل من طرمبة أستيراد ب 500 ل 700 علي حسب الحالة.
بالنسبة للمؤشر اللي مش مظبوط او بيقرا غلط بيكون عيب ف المقياس اللي بيكون ف جنب الطرمبة, دا ممكن بيتصنفر براحة بصنفرة ناعمة عشان القراية تتظبط لو الدراع نفسه مظبوط وبيتحرك طبيعي.
طيب يا اخونا انا عربيتى لانوس 2 مؤشر البنزين فيها مش مظبوط وبتغيب دوارة وهى برده لكن سخنه شغاله كويس وبحس سحبها مخنوق وخصوصا لما بقرب من ال 100 كم ع الساعه ....يبقى المشكله طرمبه ولا حاجه تانيه
لو مؤشر البنزين مش مظبوط يبقي المعيار مش مظبوط أو الشريحة اللي متثبت عليها أبرة المعيار عايزة صنفرة خفيفة عشان تدي قراية مظبوطة.
ومادام بتغيب معاك في الدوران وهيا باردة وبتدور من علي طول وهيا سخنة وتقيلة في السحب, تبقي في الغالب موتور طرمبة البنزين.
بس أتاكد الأول ان الكهربا عنده مظبوطة زي البطارية خليه يقيسها ويشيك عال بوجيهات ويغير فلتر البنزين بعد كدا شوف الطرمبة.
متشكر لهتمامك وردك
انا فعلا مغير كل السيور والفلاتر والبوجيهات لانى لسه عامل صيانه ال 40 الف بس برده بعد الصيانه بتغيب دواره برده وطبعا الصبح تحديدا بتغلبنى عشان تدور...ده غير الخنقه فى الجرى...وده اللى خلى عقلى يروح ان فى مشكله فى الطرمبه....انا كده صح ولا ايه ؟؟