خايف اجيب a516 الناس بتقول عليها مش كويسه.تقفيل وحش عفشه ناشفة والخ......
رايكم ايه ياخبراء الاسبرانزا؟:pirate03:
عرض للطباعة
خايف اجيب a516 الناس بتقول عليها مش كويسه.تقفيل وحش عفشه ناشفة والخ......
رايكم ايه ياخبراء الاسبرانزا؟:pirate03:
العربية منتشرة جامد و ده دليل انها مش وحشة
انا كنت بدور عليها و كنت هخلص فيها من اكتر من سنة بس محصلش نصيب
بس هي عربية جميلة من وجهة نظري لكن لما شوفت اللوجان اعجبت بيها اكتر
اعضاء الاسبيرانزا هتفيدك اكتر مني و ادخل علي قسم الاسبيرانزا و شوف ظروفها ايه و فيه مواضيع كتير جدا عنها و بالتوفيق في الاختيار ان شاء الله
شكرا على سرعة الرد واتمنى افاده اكتر من الخبراء
العربية اجمالا كويسة ... وبالنسبة لتكلفة التشغيل قليلة جدا ... يعني العربية مش بتصرف عليك كتير خالص وحتى لو صرفت بتصرف مصاريف قليلة .... ده الى جانب ان فيه خيارات كتير قويي في قطع الغيار يعني فيه قطع غيار صيني وفيه كوري وفي حاجات ممكن تكون ياباني ده غير ان الصيني نفسه فيه انواع ....
انا معايا العربية ماشيه 75 الف وواحد قربي معاه ماشية 135 الف وماشاء الله زي الفل ....
انا شايف مشكلتها الأساسية تتمثل في العفشة ........... ودي حلها بسيط
1- اربع مساعدين لانسر ياباني 830 الامامي و 650 الخلفي (( خج بالك دي مساعدين ياباني اصلي )
2- تعديل قطمة الدركسيون ب 120 ج
3- كبس بيض بارات 50 ج
وخلاص على كده مش هتحتاج تعديل تاني (( الكلام ده طبعا لو هتشتريها مستعملة انما لو عفشتها تمام خلاص اشتري دماغك وسوق ))
انا اكتر حاجة بتعجبني في العربية دي ... ان انا بمشي زمش بيهمني اي حاجة ...
يعني لو الاكصدام اتكسر (( ايه يعني )) تمنه 120 ج
الفنوس الامامي اتكسر ( وايه برضو ) تمنه 125 و الاصلي بتاع الوكالة ب 350 ( فكك من الاصلي مش الكل بينور )
الفانوس الخلفي 90 ج تقريبا
المراية ب 120 ج
اهم نقطة قبل ما تشتري اي عربية انت هتقدر تدفع مصاريف قطع غيارها ولا لا .. لان في مصرنا المحروسة مفيش عربية بتعمر حتى الالماني بيتعب وان ما تعبش بيتخبط...
ومن الاول والآخر هي مسالة اقتناع انت مقتنع بالعربية ولا مش مقتنع
وبعدين افرض اشتريتها ولم تقتنع بيها ((( هو يعني لازم الواحد يعيش ويموت مع العربية )
بيعها سهل جدا بس يكون السعر منطقي ( العربية تطلع من الزيرو تخسر 10 آلاف جنيه وبعد كده تخسر كل سنة 5 آلاف تقريبا يعني اقصى خسارة بعد سنة من البيع هتكون حوالي 5 آلاف جنيه )
لكن صدقني انت لو جبتها مش هتبيعها لا لو هتجيب حاجة اعلى منها بكتير
وربنا يوفقك ( خد بالك ان اسعار كونتكت كار بيكون مبالغ فيها حبتين لان معظمهم تجار )
بعدين لما يكون الواحد بيشتري عربية تمنها ب 70 الف مستحيل يقارنها بعربية تمنها 120 او ب130 الف
لان كده المقارنة مش عادلة ........
في مصر عندنا الناس عايزة عربية بالمواصفات الآتية
1- ماتور صغير 1600 وعزمه جبار وتسارعة كبير وسرعة القصوى 220 وكمان استهلاكه قليل جدا في البنزين
( ازاي مش عارف صراحة )
2- فتيس اوتوماتيك بتسارع المانيوال وتحمل المانيوال وفيه 6 او7 او 8 غايارات وكمان ملوش اعطال خالص وعمر الفتيس زي عم الماتور
3- ماتور تحطلة بنزين 80 او 90 او غاز او حتى مياه ويمشي ومش يقول لا
4- عافشة ناعمة وطرية زي السفنج لكنها ثابتة جدا في الملفات وعلى السرعات العالية ( طب ازاي ينفع )
5- عربية عالية علشان المطبات بس بردو لما تجري بيها بسرعة ما تتاثرش بالسرعة رغم انها عالية
6- عربية قطع غيارها معمرة جدا جدا جدا وسعرها رخييييييييييييييييييييييي يص جدا جدا جدا
وفي الآخر عربية سعرها رخيييييييييييييييييييص قوي وممكن تبعها بسهولة
طب حد يفهمني الكلام ده ينفع ازاي ..........
العجل في بطن امه :)
ممتازة ممتازة ----سيبك من كلام الناس---معايا وخطيرة
للاسف قطمة الدركسيون دي وبيض البارات ده عيب صناعة بس لان المساعدين بتكون جديدة المشكلة دي مش بتبان الا لما المساعدين اللي قدام يتعبو شوية
انا مثلا عملت التعديلات دي عن 50 الف كيلو بعد 3 سنين شغل
المشكلة ان مساعدين الشيري اصلا ناشفين ... او الاصح نقول ان هما فيهم عيب صناعة ( نقلا عن المنهدس احمد مهران )
علشان كده المساعد بيدبدب يعني لما لما تمشي على طريق مكسر كله زلط وطوب هتحس بالموضوع ده ... لكن ده مش معناه ان المساعد وحش هي المشكلة بس انه بيعمل صوت دبدبة مش بيرج العربية لان الرجة دي بتيجي من قطمة الدركسيون اللي لما بتتعدل الموضوع بيتحسن جدا ......
( مش عارف بصراحة المشكلة دي اتحلت في الموديلات الجديدة ولا لا )
........
من الآخر سيبك من الكلام ده ........ سوق ورزع واهبد ومشي على مكسر ومطبات ولا يهمك اي حاجة .... لما المساعدين عمرها يخلص ابقى غيرهم بالياباني وعدل معاهم القطمة ........
ما اتخفش انهم يبوظو حاجة تانية ......
بعدين دي احسن حاجة في الاسبيرانزا مهما العربية ادمرت واتكسر واتخبطت
... بردوا تصليحها رخيص ... ودي صراحة اكتر حاجة بتعجبني
مفيش طريق فيكي يا بلد مكسر العبد لله ما مشيش عليه ..... وبعدين تروح تصلح العفشجي يقلك جلديتن مقص ومسمارين ميزان والحساب تمنهم 90 ج .... دول للاسف هتحتاج تغيرهم كل سنة
امرنا لله ......
الف وحمد شكر ليك يا رب