لمن يعانى من عيوب الصناعة فى صنى 2013

**Mohamed.Ali** · 01-12-2012 07:37 PM

السادة اعضاء المنتدى

نظرا لما تلاحظ من شكوى العديد من زملائنا فى المنتدى من العيوب اللى ظهرت فى نيسان صنى 2013 واهمها :

- صاجة التيل الخلفى " صوت التزييقه "
- صفارة فى التيل الامامى " الطنابير "

وبما انى اشتريت السيارة فى شهر 7 وعانيت الامرين من المشكلتين دول انا عملت الموضوع دا نزولا على طلب بعض الاعضاء للتواصل سويا لايجاد حل جماعى مع الشركة بشتى الطرق

وبرجو من صقور المنتدى اللى دايما بيمدوا ايد المساعدة لاي حد انهم يساعدونا بالنصائح والتوجيهات

وفى النهاية لو موصلناش لشئ هنضطر نلجا لجهاز حماية المستهلك او القضاء :(

ويارب منوصلش لكدا

اشوف مشاركتكم ومشاكلكم واستعدادكم للتواصل لحل المشكلة لان الحل لازم يكون جماعى

**zambarota** · 01-12-2012 08:06 PM

طيب انا رحت السبع وقلتلهم على صوت الصفاره فى الامام

المهندس كتبلى ان دي صاجه التيل الخلفى بالرغم من الصوت من الامام

بالنسبه ان نلاقى حل مع نيسان فالحلول اولا تبدأ سلميه يعنى بالطرق السلميه

بما اننا دوله مؤسسات

ومعناها ان احنا نروح فى صيانه الاف التوكيل يقوم يرد عليك يقولك دا تطبيع الفرامل

تروح فى صيانه ال 5 الاف يقولك دي صاجه التيل الخلفى ولسه مجتش

تروح فى صيانه ال 10 الاف يقولك دي صاجه التيل الخلفى وبرده لسه مجتش وفى صوت صفاره من الامام وينكر الصوت

تقوم تعمل شكوى فى نيسان تقوم نيسان ترد عليك انها جهه لتلقى الشكاوى فقط وانتظر الرد بعد 72 ساعه

تقوم تروح تعمل شكوى فى جهاز حمايه المستهلك وترسل بالفاكس كل التقارير

وهنا تبدأ المماطله

هنا بقى فى الموقف ده نرجع نفتكر قصه الامير الكويتى مع سياره رولزرايس لما كان فيها عيب صناعه

والشركه قالتله اخبط راسك فى الحيط

راح اشترى 20 عربيه رولز رايس وخلاهم يشتغلو ليموزين (اجره داخل الكويت)

طبعا الشركه رضخت لمطالبه + اشترت منه ال 20 عربيه حفاظا على كرامه السياره ومكانتها

اعتقد ان المصريين يمتلكو الذكاء لكي يرضخ صانعى السياره لمطالب عملائها

**Abu3aly** · 02-12-2012 08:22 AM

انا عملت حوالى 1300 كم و عندى صوت صفارة الفرامل لما تكون العربية ماشية على الهادى يعنى مش باسمعه لما بافرمل و هيا ماشية بسرعة بس مش عارف طبعا دا صاجة تيل خلفى و لا طنابير أمامى لأنى باحس بيها تحت رجلى عند دواسة الفرامل لما أدوس الفرامل..... غير كده الحمد لله ما فيش أى حاجة تانية.

**mostafait** · 02-12-2012 09:21 AM

المشكله

**mostafait** · 02-12-2012 09:29 AM

يوجد نوعين من الاصوات فى الصنى الشكل الجديد اولا صوت صفره اواحتكاك حديد بحديد بيظهر بعد سخونه السياره ناتج من التيل الخلفى او الصاجه الخلفيه شكل الصوت زى فرمله السياره النقل الثقيل او زى صوت الموتسكل الصينى كده على فكره صوت بيكون واضح جدا وخصوصا مع سخونه التيل الخلفى بعد مشوار
ثانيا :صوت صفره او احتكاك مع كل دوسه فرامل بيكون الصوت ناتج من الامام وبيكون اكتر على فكره ناتج من الكاوتش ده ماكسس صينى .خامه الكاوتش رديه مع التهده بتعمل صفره او صرخه
السياره دى تيل الفرامل مش بيعمر فيها يعنى اخره تقريبا عشره او خمس عشرا كيلو

**shady_hamdy** · 02-12-2012 11:09 AM

انا عامل بيها 2000 ك و معنديش المشاكل دة بس ملاحظ ان التيل الاماى خشن جدا و لية صوت احتكاك حديدى و فعلا بيتاكل بسرعة

**ahmed452003** · 02-12-2012 02:25 PM

المشاركة الأصلية كتبت بواسطة ekrami

انا عامل بيها 2000 ك و معنديش المشاكل دة بس ملاحظ ان التيل الاماى خشن جدا و لية صوت احتكاك حديدى و فعلا بيتاكل بسرعة

كلامك صحيح نفس الي بيحصل معايا انا عامل بيها 1400 كيلوا بسمع صوت احتكاك حديد في حديد من قدام لما ادوس فرامل فجأه ... مش ممكن يكون ده الاي بي اس ولا ايه ؟

**kfarouk** · 02-12-2012 04:05 PM

انا نفس الكلام انا عامل سبع الاف كيلو و بسمع صوت مع الفرامل بس مش دايما

**amr ibrahim** · 02-12-2012 06:11 PM

يعنى الواحد يعمل ايه دلوقتى انا مبقتش فاهم اى حاجة كل شوية فى مشكلة
انا المفروض حاجز واما بشوف الكلام دا بصراحة بقلق وبعدين كل شوية الاقى ناس
تانية حطة نفس المشكلة من الواضح ان مش ليها حل ومش معروف الحل بتاعها
امتى وهيبقى ازاى حتى هو ينفع الواحد يسحب الحجز ولو اه ايه اللى بيحصل بالظبط