الموضوع: 20 دقيقة سفاري علي طريق سقارة.. (تجربة مثيرة..)

فيصل ده حبيبى ..... انتا حتقولى على فيصل ........ ده انا كرهت الجيزه كلها بسببه ............. اكتر شارع بكرهه فى مصر كلها .... والله لو حيدونى شقه وعليها فلوس .... والله ماسكن فيه
مافيش مره مشيت فيه و كان ينفع يتمشى فيه ... من الناس الى بتعدى كل 2 متر .. ل الميكروباصات الى بتقف فى اى مكان ... ل الزباله الى بتترمى وساعات بتوصل لنص الطريق ل النقل والمطبات ...... الطبيعى بتاعلى انى اخد شارع فيصل من اوله لاخره فى ساعه ... ساعه ونص .
الحمد لله بقالى دلوقتى 8 شهور مادخلوش .. و ان شاء الله مش حدخله تانى .

المشى فى فيصل =
1- بتخسر صحتك
2- بتخسر اخلاقك
3- بتخسر بنزينك
4- بتخسر تيل فراملك
5- بتخسر عفشت عربيتك
6 بتخسر وقتك

الحقيقه أنا مش فاهم القوس الغربى ده لزمته أيه ؟؟؟ خصوصاا إن فيه طريق يعتبر لسه جديد موازى للمريوطيه و يبعد عنها حوالى 50 متر و كمان بيعدى من تحت الهرم و فيصل بأنفاق و بيوصل بين الدائرى زى الكوبرى المزمع إنشائه بالضبط يعنى كل اللى كنا محتاجينه مطلع و منزل عند كل طرف من أطراف الدائرى و حلاص . بدون الحاجه لبهدله المريوطيه و المصاريف كمان الشارع الموجود فعلان بالتأكيد أعرض من أى كوبرى حايتعمل!!! يا ريت لو حد فاهم يفهمنى.
أما موضوع الرمايه فأعتقد إن لو فيه ملف على الدائرى يدى فرصه للنزول على المريوطيه ممكن يحل المشكله مؤقتا علشان ساغتها ممكن الواحد ياخد الدائرى من الصحراوى و ينزل على المريوطيه و طبعا ده ممكن يققل شويه من كثافه العربيات الداخله للرمايه فقط للوصول إلى فيصل أو الهرم أو حتى وصله الدائرى للمنيب