معطر السيارة

**MoMohsen** · 10-10-2008 03:44 AM

و اخيرا لقيت المعطر بتاع الكار كير.كنت ماشى فى احمد سعيد من فترة و لقيت شركة اسمها حاجة للمنظفات المهم سألت الراجل على المعطر قام قالى انه موجود عندة 3 روائح (خوخ-فانيليا-جوز هند) المهم انا جبت الخوخ و فعلا جامد جدا.ودية صورة الزجاجة

**amr123** · 11-10-2008 12:37 AM

مبروووك يا باشا انك لقيته

انا بس عايز اتأكد من جادة هو بيبقع الفرش ؟

**MoToRiZeR** · 11-10-2008 10:37 AM

يا ريت سعره و المكان بالضبط يا باشا عشان انا معرفش شارع أحمد سعيد ده

**MoMohsen** · 11-10-2008 07:53 PM

انا بس عايز اتأكد من جادة هو بيبقع الفرش ؟

لا يا عمرو هو مش بيبقع الفرش و الزيت لونة شفاف زى المية.وبيتخفف بالنسبة اللى انت عاوزها مع المية.
يعنى انا مخففة بنسبة 50% و حطيتة فى بخاخة و رشيت بية الفرش كويس.الريحة فى العربية اكتر من رائعة و بتثبت لمدة اسبوع عقبال ما تفكر ترشة تانى.

يا ريت سعره و المكان بالضبط يا باشا عشان انا معرفش شارع أحمد سعيد ده

هو كانت العبوة اللى فى الصورة 1 لتر بـ 55 جنية .لو حسبتها هتلاقيها مش غاليه خالص.انا جبت عبوة و قسمتها مع واحد صاحبى و بقالى بتاع شهر كل اللى استخدمتة مش اكتر من 10 مللى.
الشركة ناحية سنترال العباسية .معروفة هناك بأسم شركة المنظفات اسأل بس و الف مين هيدلك.

**MoToRiZeR** · 11-10-2008 11:51 PM

شكرا علي الرد

**a_tolba** · 12-10-2008 12:16 AM

معلش يا باشا هاتقل عليك
بعد اذنك تكتبلى اسمه التجارى او اى اسم ممكن اسال بيه عليه
اصل انا من المنصورة ومش عارف ادخل المحلات اسال علي ايه؟؟؟؟
وشكرا مقدمااااااااا

**MoMohsen** · 12-10-2008 01:33 AM

يا باشا انت ممكن تسأل على المعطر اللى بيستخدموة بتوع الكار كير او حتى تقولة معطر فرش و غالبا هتلاقية فى شركات المنظفات لان المنتج دة بتعملة شركة كامينا اللى بتعمل الشامبوهات والشاور جيل.