ربنا يكتر من امثالك يا اخى ويوقعنى فى واحد زيك ابن حلال وعارف ربنا
عرض للطباعة
طبعا هو عارضها علي 170 الف وتاجر
يبقي فين المكسب ؟؟؟؟
المكسب في انه اشتراها ب 158 مثلا ورجع عدادها ب 150 جنيه
واداها وش بوليش وواكس 100 جنيه
وكسب 12 الف جنيه
العربيه علي فكره مافيهاش عيب شرعي
لانه لو كان فيها حالتها ماكانتش تقبل انه الحوار ده يتعمل فيها
انا خسرت فى عربيتى 5000 جنيه علشان فيها حاجه انا اللى قلت للناس عليها مش هما اللى اكتشفوها ،، كان عندى رفرف مقطوع وملحوم واحد مكانه فى التوكيل بنظافه مش هيبان غير لو فك الفرش اللى فى جوانب الشنطة ،، وكان اللى حتى بيكلمنى فى التليفون كنت بقوله عليه علشان يحدد قراره قبل ما يجى اذا كان هيقبل بالكلام ده ولا لأ
وبرضه اللى اشتراها قولتله عليه وانا عارف ان ده هيقلل من تمن العربية بس انا مقبلتش انى اغش حد.
طبعا انا بقول كده مش رياء لا سمح الله بس تعميم اللعنه على العربيات المستعملة ده مش صحيح
وطبعا برضه انا عارف ان حضرتك متقصدش اللعنه بمعناها ،، انا بس بوضح
تقبل مرورى[/quote]
انت راجل محترم وربنا هايكرمك
علي فكره انت ماخسرتش ..انت كسبت
علشان هاتتردلك في حاجات تانيه اكبر بكتير
العربيات المستعمله ماتتشريش الا لما تكون بيتي ومعروفه حالتها
لازم الواحد يبقي شكاك في كل حاجه واللي بيكشف العربيات دي تفاصيل الرفايع زي الكاوتش والاستبن وكتاب الصيانه وترميله الفوانيس ..
النصب في العربيات يا اما عربيه ملعوب في اساسها او عربيه ملعوب في عدادها