عايز اخد رأيكم .. ممكن ؟

**hrret** · 02-12-2012 04:40 AM

السلام عليكم يا رجالة , معلش انا هاخد من وقتكو بس شوية صغيريبن بس انا عايز انزل اشترى عدة صوت انشاء الله وللاسف محتار اجيب ايه ومش عارف ايه افضل الانواع اللى موجودة والسعر ايه اخباره

انا العربية بتاعتى نيسان صنى 2011 والكاسيت اللى فيها كينوود kdc 3047 اصلى و 4 سماعات بتوع العربية كويسين برضو ,يعنى خلصنا من نص العدة والحمد لله :) انا بقا عايز اشوف اجيب ايه معاهم عشان اكمل العدة والصوت يبقا جامد ...

فكرت اجيب سماعتين فى صبووفر واحد او 2 بازوكا وفكرت فى كذا حاجة تانية , الصراحة مش عارف ومحتار اجيب ايه بس انا فى دماغى انشاء الله اجيب حاجة حلوة , انا معايا فى حدود 2000 جنيه وممكن يزيدو حاجات قليلة ..

فانا طالب مساعدتكو ترشحولى جى ام وسماعة او حد اقصى سماعتين ويا ترى ال جى ام ممكن يقوم السماعتين مع السماعات اللى فى العربية اصلا ولا هيبقى فى مشكلة , فى ناسر كتير بتشكر فى البيونير والكينوود بس برضو حبيت اخد رايكو فى الموضوع ده قبل ما اتسرع وانزل اشترى حاجة وممكن متعجبنيش

معلش كلامى كتير بس والله احترت مش عارف اجيب ايه , ومعلش هتعبكو معايا ..

**hrret** · 02-12-2012 09:57 AM

يا مسهل مفيش ولا واحد عبرنى لحد دلوقتى :(

**ayma4d** · 02-12-2012 10:09 AM

المشاركة الأصلية كتبت بواسطة hrret

يا مسهل مفيش ولا واحد عبرنى لحد دلوقتى :(

معلش انتظر شوية بس الناس اللى هنا تستاهل مشورتهم بدل ما تتدبس

انا عملت كده ونازل اشترى انهارده ان شاء الله

بس على خبرتى الضعيفة جدا انت محتاج جى ام وبازوكا وتغير السماعات اللى ورا بس متخدش بنصيحتى

**lolita** · 02-12-2012 11:59 AM

سونى كايت وانسى

**sammee** · 02-12-2012 12:24 PM

انا من راي خلي الكاسيت الي عندك متغيرهوش دلوقتي وادام شوية هتلك حاجة جامدة زي مثلا gt700 sony وسيب السماعات بتاعتك الاستوك لان سماعات الصني الجديدة صوتها حلو وهات سمعتين في البييان jpl او سوني ..اما بالنسبة للبوزيك انا اختلف معاك في موضوع البزوكتين لانك هتاكل الشنطة خالص ومش هتس بالموضوع ده الا بعد ما يركبو فهاتلك صباية جامدة ممكن بازوكا jbl او صب كلاريون 1500 وات ار ام اس 750 او لو بتعرف في الصبات شوفلك حاجة امريكي استعمال نضيف في واحد عارض صبين راكفورد في صندوق واحد لو عايزهم اولي وهديك رقمه هو طالب فيهم كتير بس ممكن تتفاوض معاه .....تقبل مروري ووجهة نظري المتواضعة

**hrret** · 02-12-2012 02:13 PM

المشاركة الأصلية كتبت بواسطة sammee

انا من راي خلي الكاسيت الي عندك متغيرهوش دلوقتي وادام شوية هتلك حاجة جامدة زي مثلا gt700 sony وسيب السماعات بتاعتك الاستوك لان سماعات الصني الجديدة صوتها حلو وهات سمعتين في البييان jpl او سوني ..اما بالنسبة للبوزيك انا اختلف معاك في موضوع البزوكتين لانك هتاكل الشنطة خالص ومش هتس بالموضوع ده الا بعد ما يركبو فهاتلك صباية جامدة ممكن بازوكا jbl او صب كلاريون 1500 وات ار ام اس 750 او لو بتعرف في الصبات شوفلك حاجة امريكي استعمال نضيف في واحد عارض صبين راكفورد في صندوق واحد لو عايزهم اولي وهديك رقمه هو طالب فيهم كتير بس ممكن تتفاوض معاه .....تقبل مروري ووجهة نظري المتواضعة

الاول شكرا على ردك يا باشا

, بص هوة انا الصراحة معرفش اوى فى الصبات وجربت اشترى مستعمل بس حسيت انى مش مستريح وبتقابلنى مشاكل كتيرة , قولت اجيب حاجة جديدة ونضيفة وممكن تعيش معايا واسمع منها صوت كويس

..
انا بقا مش عارف اجيب صباية ولا بازوكا ومحتار فى نوع الصباية نفسها والجى ام , انا شفت الكلاريون على اليوتيوب عجبتنى بس مستنى اخد شوية اراء عشان اقدر اقرر على الحاجة اللى انا عايزها وانزل اجبها باذن الله .

**Loay94** · 02-12-2012 04:54 PM

بص هات طقم كينوود 600
و طقم jbl gto938 ب275ج
وطقم jbl gto629 مدورة للباب ب 235ج
و جى ام 720 كينوود او سونى و شغل عليه كل دة ب730

و انا الى فهمتو انك عايز طقمين و جى ام فا كدة انت المفروض تجيباك صب عشان تظبط الكلام

ممكن تشيل الكينوود ال600 و تزود صب jbl 1200 و يركبله تيوب نفس مقاسات البازوكا و حيديله نفس الاداء و حيتكلف قول 400 جنيه بالتيوب و يمكن اقل
او صب بايونيير 12 بوصه 1400 وات ب290 و تيوب ب 100 390 ج او ممكن تشوفلك حته بازوكا jbl اصدار قديم على 350 \ 400

**eldell** · 02-12-2012 11:24 PM

زى مالرجاله كلها ردت عليك انت مش محتاج كاااسيت دلوقتى
وحوار سماعات الفبريكه ديه فاااكس مش هتحس بالفرق الا لما تغيرها والسماعات الجى بى ال محترمه وعن تجربه شخصيه زى مااقالك لؤى
بالنسبه بقى للصب والبازوكا انت بتحب تسمع ايه وعااايز ايه يعنى بتحب ايه يعنى بيز غشيم ويرمى معاااااك لبعيد والا بيز هاااااااادى

**hrret** · 02-12-2012 11:59 PM

المشاركة الأصلية كتبت بواسطة eldell

زى مالرجاله كلها ردت عليك انت مش محتاج كاااسيت دلوقتى
وحوار سماعات الفبريكه ديه فاااكس مش هتحس بالفرق الا لما تغيرها والسماعات الجى بى ال محترمه وعن تجربه شخصيه زى مااقالك لؤى
بالنسبه بقى للصب والبازوكا انت بتحب تسمع ايه وعااايز ايه يعنى بتحب ايه يعنى بيز غشيم ويرمى معاااااك لبعيد والا بيز هاااااااادى

طب انا يعنى كدا هحتاج انى اغير السماعتين اللى فى الصالون والباب ...؟ , واغيرهم بايه كويس ولا هو الجى بى ال تمام ومضمون ؟
وبالنسبة للصب او البازوكة انهى تعيشك فى البيز اكتر ويبقى صوتها تمااام , وازاى بيبقى الصوت غشيم فى البوازيك ؟...
ولو الصب احلى من البازوكة ممكن اشتريها نوعها ايه وتبقى قدرة الصباية حلوة ؟

وهل الجى ام اللى هجيبو انشاء الله هيقوملى الليلة دى كلها ولا ههحتاج واحد كمان ؟؟, وانا بفكر فى الكينوود ال 720 ناس كتير بتشكر فيه هنا فى الجروب ؟؟
معلش يا رجالة هاخد منكو مجهود شوية ولكم كل التقدير والاحترام ..

**eldell** · 03-12-2012 12:12 AM

المشاركة الأصلية كتبت بواسطة hrret

طب انا يعنى كدا هحتاج انى اغير السماعتين اللى فى الصالون والباب ...؟ , واغيرهم بايه كويس ولا هو الجى بى ال تمام ومضمون ؟
وبالنسبة للصب او البازوكة انهى تعيشك فى البيز اكتر ويبقى صوتها تمااام , وازاى بيبقى الصوت غشيم فى البوازيك ؟...
ولو الصب احلى من البازوكة ممكن اشتريها نوعها ايه وتبقى قدرة الصباية حلوة ؟

وهل الجى ام اللى هجيبو إن شاء الله هيقوملى الليلة دى كلها ولا ههحتاج واحد كمان ؟؟, وانا بفكر فى الكينوود ال 720 ناس كتير بتشكر فيه هنا فى الجروب ؟؟
معلش يا رجالة هاخد منكو مجهود شوية ولكم كل التقدير والاحترام ..

ركب مكان الى الخلفيين جى بى ال 300 وات وركبهم على بورده علشان ميخرملكش فى الصاج وتسمع صوت احلى بالنسبه للباب عندك السونى الكمبوننت دول تحفه وفى معاهم تويترات ممكن تركبهم فى القوايم هيبقو حلوييين اوووى

مدام عااايز بيز غشيم يبقى خليك فى الجى بى ال حلوه وهتبقى غشيمه معاااااااك وديه 1000 وات

والجى ام الكينوود 720 وات ده حلو ويشغلك كله البازوكا والسماعات الجى بى ال البيضاوى والسماعات المدوره بتوع الباب وصلهم على الكاسيت على طول من غير جى ام

الموضوع: عايز اخد رأيكم .. ممكن ؟

LinkBack

أدوات الموضوع

عرض

-

-

-

-

المواضيع المتشابهه

ممكن أعرف رأيكم ؟؟؟

ممكن رأيكم فى الجهاز ده .....

ممكن رأيكم في الفوانيس دي !!

ممكن رأيكم في الإيكسل ديه

ممكن يا جماعه رأيكم

الكلمات الدلالية لهذا الموضوع

المفضلات

المفضلات

ضوابط المشاركة