اشتريت جلاكسي s3 وملحقتش اروح بيه اتسرق

**النوبي** · 02-12-2012 06:44 AM

اولا اللي عايز يتريق يقف علي باب الموضوع ويتريق براحته لاكن مايقعدش
ثانيا انا مش هخوض في تفاصيل علشان انا الغلطان تماما والصراحه انا اخدت تريقه بعمري
مش كفايه الفلوس 3500 جنيه لا وكل البيت بيتريق عليا
المهم العده اتاخدت من العلبه قبل ما تتفتح (الحرامي كان اول واحد يفتحها ابن المحظوظه)
دلوقتي انا عايز ابلغ عن العده علشان نفسي اتأكد مين اخدها اصلي شاكك في ناس كتير (هو واحد فقط مفيش غيره بس بداري الخيبه التقيله)
ايه الاجرءات اروح فين اروح لمين
انا اشتريت من القاهره بس طبعا هبلغ في الاقصر لاني رجعت
الف شكر مقدما الي كل معلومه مفيده وربنا يسامحك ياللي هتتريق وهيجيلك يوم اكيد

**mohamedbook** · 02-12-2012 07:39 AM

طيب مش ممكن تكون نسيت تحطة في العلبة وهو عند الي اشتريتة منة
اتصل بيه كده يمكن يكون شيلهولك هناك
او كلمني وانا اروح اسالك عليه هناك

**hobiko** · 02-12-2012 08:22 AM

مين قال اننا حنتريق ...... فيه حد يتريق فى مصايب حد

ربنا يعوض و يخلف عليك ان شاء الله

**BESO516** · 02-12-2012 08:39 AM

ربنا يعوض عليك ويرزقك بالأحسن منه ان شاء الله

انا معايا نفس التليفون ده

هو عيبه العلبه صغيره اوى يدوبك على حجمه بس وده اللى جننى شويه لما اشتريته

**Mo3taz Selim** · 02-12-2012 10:21 AM

ربنا يعوضك خير إن شاء الله

**ahmedteam** · 02-12-2012 10:45 AM

ربنا يعوض عليك و بيدلك خير منه

متزعلش محدش عارف الخير فين مش يمكن دا فدا حاجه تانيه اكبر كانت ممكن تحصلك

قول الحمد لله

**i_Am_Legend** · 02-12-2012 10:50 AM

قدر الله وماشاء فعل..

**SAMEH_FOUAD** · 02-12-2012 11:03 AM

لا حول ولا قوة الا بالله , ربنا يصبرك على ال3500 جنية اللى انت لسة دافعهم

عموما ياباشا كل اللى هتعملة انك هتاخد ال serial number بتاع الجهاز ولازم عشان يعتمد بية انك تصور الورقة اللى بتكون مع الجهاز اللى بيبقى مكتوب فيها الضمان وشروطة , وتصور بطاقتك , وتطلع على القسم

وشوف التليفون اتسرق منك فين والمكان اللى اتسرق منة هو دة اللى تعمل من البلاغ على حسب دائرة القسم , لانى من اللى فهمتة من كلامك انك اشتريت التليفون ولما روحت البيت مالقيتش التليفون فى العلبة

وان شاء الله يعملولة تتبع وربنا يسهل وتلاقية

**النوبي** · 02-12-2012 11:10 AM

اولا الحمد لله علي كل شيء وانا بجد مش زعلان نهائي بل بالعكس انا بقول اهم حاجه اشوف اولادي بصحه وسلامه وفي داهيه اي حاجه تاني
القصه في التريقه اني آمنت لواحد ماعرفهوش مش اكتر نزلت اجيب اكل وسيبت التيلفون في التاكس كان معايا من الصبح وانا اديتله 400 جنيه وقلت له لو عايز اكتر قول والراجل طلع زوق وانا كنت فاكره محترم
المهم انا مش من عادتي اني اسيب حاجه زي كده هو انتهز الفرصه اني نزلت اشتري اكل..... وراح قطع الاستيكر من ناحيه واحده وفتح العلبه اخد التليفون وساب العلبه زي ما هي
وانا جايبها هديه للمدام ومش راضي افتحها غير في البيت طبعا وصلت البيت وفاجأت المدام .......واشتغلت تزعق انت بتستهبل ليه تشتري دي وانت عارف انا مش همسك عده غاليه كده وبتاع ...........المهم بنفتح العلبه كان هيغمي علينا من المفاجأه هههههههههههههههههههه
اتصلت بالمحل قالوا احنا مش بنفتحها ابدا وبنسلمها مقفوله وانا متاكد اني استلمتها مقفوله
طبعا مفيش غير سواق التاكسي
بس هي نصيبها جه كده والحمد لله علي كل حال
الجميل في الموضوع اني عامل مفاجأه للمدام قلبت بمفاجأه لينا كلنا ومن ساعتها اخواتي والبيت وكل اصحابي بيتريقوا علي المفاجأه الجميله ههههههههههههههههههههه

-

الموضوع: اشتريت جلاكسي s3 وملحقتش اروح بيه اتسرق

LinkBack

أدوات الموضوع

عرض

اشتريت جلاكسي s3 وملحقتش اروح بيه اتسرق - انشر الموضوع فى :

-

-

-

-

-

المواضيع المتشابهه

جلاكسي اس 3 و نوت 2 جديد متبرشم

جلاكسي تاب

سؤال لاصحاب ال جلاكسي s2 , s3 و جلاكسي note

جلاكسي نوت للبيع

حد جرب جلاكسي برو ؟

الكلمات الدلالية لهذا الموضوع

المفضلات

المفضلات

ضوابط المشاركة