شريط الايرباج + ماكينه رفع زجاج الباب الأمامي

**Hady** · 02-12-2012 11:13 AM

السلام عليكم يا وحوش

1- يا ريت لو أحد الوحوش يدلني على حد كويس في المعادي او صقر قريش عشان انا محتاج اغير شريط الايرباج

2- كمان امبارح حسيت بحاجة غريبة في زجاج الباب الأمامي...ماكانشي بيطلع للاخر و كأن فيه حاجز بيمنعه قولت ممكن يكون فيه تراب أو عائق في المجرى بتاعه..نضفته كويس و اتأكدت ان مافيش أي عائق بس برضه ماطلعشي... و انا بدوس عا=لى الزرار بطلع و بنزل الزجاج مرة واحد راح نازل لتحت و ماطلعشي من ساعته... فضلت اجرب كذا مرة كنت بسمع صوت المكنه و هي بتدور فا اتأكدت ان واصلها كهربا قولت ممكن الواير بتعاها ساقط او الكاكنة عايزة تتغير... فا ياريت تدلوني على حد كويس برده في المعادي او صقر قريش.... منتظر مساعده الوحوس بس بسرعه الله يبارك فيكو

**MohammedAladel** · 02-12-2012 11:29 AM

بالنسبة لشريط الإيرباج بمثبت السرعة استيراد عامل تقريبا فى صقر قريش 700 جنيه ولو دورت ممكن تلاقى اقل إن شاء الله

بالنسبة لمشكلة الباب زى ما حضرتك بتقول ممكن يكون فيه حاجة فى الميكانيزم زى ما حضرتك قلت السلك وقع من على البكرة اللى بيلف عليها وسهلة إن شاء الله

**Hady** · 02-12-2012 12:00 PM

المشاركة الأصلية كتبت بواسطة mohammedaladel

بالنسبة لشريط الإيرباج بمثبت السرعة استيراد عامل تقريبا فى صقر قريش 700 جنيه ولو دورت ممكن تلاقى اقل إن شاء الله

بالنسبة لمشكلة الباب زى ما حضرتك بتقول ممكن يكون فيه حاجة فى الميكانيزم زى ما حضرتك قلت السلك وقع من على البكرة اللى بيلف عليها وسهلة إن شاء الله

يا باشا الف شكر ليك علي سرعة الرد .... بس انا كنت عايز حد يدلني على حد معين في صقر قريش او المعادي عشان اروحلة مباشرة...لو تعرف حد ياريت تقولي

**MohammedAladel** · 02-12-2012 06:10 PM

أنا معرفش صنايعية شخصيا

لكن سمعت عن واحد اسمه عادل أو عادل زوابا زى ما بيسموه

بس فيه عضو اشتكى منه هنا شكوى مش ظريفة للأسف والأعضاء بيقولوا إنك بتحجز عنده ولو رحت بعد ميعاد معين يقلك تعالا بكرة عامل فيها توكيل يعنى من الآخر

انتظر آراء الوحوش

والأستاذ أحمد مستشار القسم ممكن يساعدك فى الموضوع دا إن شاء الله

أما شريط الإيرباج عايز تدخل قسم المواضيع المثبتة فوق فى القسم فى موضوع (مجموعة موضوعات تهمك ميجان 2 ) هتلاقى مواضيع جايبة من الآخر فى موضوع الشريط دا

للى عايز يصلحه بنفسه

**iaibrahim** · 02-12-2012 06:15 PM

فى واحد بتاع مفاتيح فى صقر قريش كان غيرلى ماتور الرفع ب150 جنيه وهو خلف عادل زوايا وبجانب واحد مشهور بتاع فرش سيارات وللاسف مش فاكر اسمه يعنى تدخل من تالت فتحه بعد الدائرى وتسأل عليه

**Hady** · 03-12-2012 05:24 PM

السلام عليكم
الحمد لله صلحت مكنة رفع الزجاج (بعد ما اتصلت بشركة المهندس طلعت و عرفت ان سعر الماكينة "استيراد" ب 400 جنيه... روحت لواحد في صقر قريش صلحهالي " كان فيها قطعتين فيبر "صوابع" متكسرين و الواير كان محتاج يتغير..." المهم غير صوابع الفيبر دي بأخري معدنية "انتيمونيا "زي ما قالي" :) و الويار و رجع كل حاج زي ما كانت و أخد 150 جنيه "يمكن يكون غالي شوية" بس بصراحة صنايعي و ايده خفيفة جدا... المهم حبيت انقل تجريبتي لعل و عسى ات يستفيد منها احد