الموضوع: ما هو اكثر شئ مزعلكم من الشارع المصرى ؟

انا اعتقد ان السبب الاساسى والرئيسى لحاله الفوضى والهمجيه فى الشارع المصرى وكل السلبيات اللى احنا اتكلمنا عنها هو الحداقه والفهلوه والشطاره التى يتمتع بها هؤلاء الحمقى يعنى لو بصينا على اللى بيمشى معاكس هنلاقيه ماشى بنظريه الفهلوه واللى عاوز مثلا يدخل يمين بس الصف الايمن طويل وواقف فيه عربيات كتير يقوم واقف فى اقصى الشمال مثلا لمجرد الصف فاضى ويرجع لما الاشاره تفتح يعطله بتاع 20 عربيه علشان عاوز يلف يمين وهو فى اقصى الشمال وده طبعا بيستخدم نظريه الحداقه .اما الناس اللى بيستعملوا كلاكسات عمال على بطال وتحس انهم نازلين من بطن امهم بكلاكس فالعالم ده ماشيه بنظريه فيلم الكيف اللى هى اننا لازم ندوش الدوشه بدوشه ادوش منها علشان متدوشناش

ليه ما حطيتش اختيار " جميع ما سبق"

أنا حختصر على قد ماأقدر عشان لو خدت راحتي في الكتابة عمرري كلو مش حيكفي

طبعا أول حاجة حارقة دمي من البلد دي هو عدم وجود إشارات مرور ده إيه التخلف إللي مصر فيه ده
1- الناس إللي بتركن على الشمال ودي ظاهرة عجيبة مشفتهاش غير في مصر وكذا مرة كنت حموت بس ربنا ستر
2- الشاحنات والأوتوبيسات إللي بتمش على الشمال وتيجي تكبسله عشان يوسعلك مبيتحركش
3- ****الطرق المصرية كلها طرق مكسرة وكلها حفر ويوتنات معمولة غلط ومفاجئات وأسفلت من العصر الحجري
4- الكباري الضيقة جدا يعني كبري في 6 أكتوبر معمول حارتين بس !!!!!!!!!
5- سفالة بعض الشعب المصري وطوول لسانهم
6- الناس إللي بتجيب عربيات بأكتر من 100 ألف وتزبطها كأنها ميكرباص ولاتاكسي زي البادجات العجييبة والدللايات والحاجات إللي بيحطوها على زوايا الإصدامات والبتاعة إللي ببتحط فوق الإزاز الجانبي إلخ....
7- تلاقفي الشارع زجمة جدا وعاملين الجزيرة الوسطى قد الشارع 5 مرات زي شارع صلاح سالم كده
8- الناس الفراخ إللي تلاقي الطريق سرعته 80 وهما ماشيين على 20 على الشمال

وغيره وغيره ............ والمرور في مصر من سيء لأسوء

اذا كان علي التكسير مقدور عليه و العفشة الالماني الحمد لله حمولة مش مشكلة التكسير المشكلة البشر اللي بيمشوا مع العربيات في الشوارع والله بخاف لحسن اشيل حد غصب عني بس برضه الناس معذورين هيمشوا فين :(:(

المشاركة الأصلية كتبت بواسطة mollaELolla

ليه ما حطيتش اختيار " جميع ما سبق"

لان كل الناس كانت هتختار جميع ما سبق انما هدف الموضوع ان كل واحد يقول على اكتر حاجه بتخنقه فى الشارع وانا شايف ان اللى بيقول ان كل الحاجات ده بتضايقوا فى الشارع بيبقى مفيش حاجه بتضايقوا اكتر من حاجه تانيه وبمعنى اصح ان كل الحاجات اللى انا قولتها وكمان بقيه الاعضاء الموقرين كلها بتضايقوا بنسب متقاربه .انما اللى بيتكلم عن حاجه واحده او حاجتين بيبقى متضايق طبعا من بقيه الحاجات انما الحاجات ده اكتر شويه