الموضوع: ما هو اكثر شئ مزعلكم من الشارع المصرى ؟

التخلف - قله الادب - سواقين الميكروباص - التوكتوك - الغاء التقاطعات وتحويلها ل يو تيرن - عدم احترام خط عبور المشاه - العربيات الى بتمشى ونور الفرامل بايظ - بلطجه امناء الشرطه - المحسوبيه - العربيات الى مرسوم على نمرتها نسر , قبه , ميزان , والعربيات الى من غير نمر اساسا - البلاعات و النقر - العواكس الى بتخلى العربيه تعوم فى ملفات نفقى الازهر و شارع الطياران .

انا بفا هاقول على حاجة انتوا ما جبتوش سيرتها

اناس اللى تعدى بقفاها
ايوالله الناس بتعدى الشارع و هى مديك افاها و بتتعمد ماتبصش لا و باصه الناحية التانية تمااااما و تستغرب هما بيبصوا على ايه هناك كده و تقعد تدور على الحاجة الغريبة اللى كاوا بيبصوا عليها ماتلاقيش

أنا اسف اسمحولي أقولكم أن انتم بتضيعوا وقت :)
الأسهل نعمل موضوع نعد فيه أحسن حاجات في الشارع المصري و يبقي الباقي كله وحش , حتي الموضوع يبقي من غير حرقة دم :)
و علي الفكرة , الحاجات الكويسة مش كتير خالص. و ممكن نخليها اختبار ذكاء لأن اللي حيتطلع حاجة كويسة في الشارع المصري هيبقي عبقري و عنده "نظرة مبعدية" علي رأي المازنجر رياض البنطلوني :)