محتاج الرد بأقصى سرعه

**salah_86** · 02-12-2012 02:06 PM

دلوقتى انا محتاج نصيحتكم اروح ورشة المتخصصون يكشفولى على العربية كشف عام ويظبطولى الزوايا واعرف العربية لو محتاجة حاجة ولا اظبط زوايا عادى برة واخلينى زى ما انا بجيب قطع الغيار الاصلى واركبها عند المهندس معرفتى فاتح مركز صيانة عندنا فى شبين الكوم مع العلم ان مرواحى للمتخصصون مش مشكلة طريق لانى بشتغل فى مطار القاهرة يعنى هعدى عليهم وانا رايح الشغل بس انا سمعت انهم غالين كمان فى واحد صاحبى هنا من شبين قالى انه غير عندهم تيل فرامل مستعمل جابوهوله هما من التوكيل كان راكب عربية تانتية وعامل 10 الاف كيلو وخده ب 300 جنية الموضوع دا قلقنى انا كلمت خالد انهاردة الصبح ورد عليا انهم اجازة انهاردة وعندهم كل حاجة حتى ظبط الزوايا ياريت تفيدونى انا اللى تعبنى فى العربية دلوقتى عاوز اظبط زوايا ظبطة محترمة لانها بتحدف يمين لو الدركسيون مظبوط فى النص بالضبط وبعدين عندى بوش فى الدبرياج رخم قوى المهندس اللى بتعامل معاه قالى ان ده عيب الدواسة نفسها محتاجة تتغير وبيتغيروا كلهم الثلاثة البنزين والفرامل والدبرياج لانهم ببنز واحد دلونى لاحسن انا بقلق مش عاوز حد يلعب فى العربية

**salah_86** · 02-12-2012 03:41 PM

بالله عليكم حد يدينى رد يفيدنى علشان لو نويت وانا رايح شغلى المرة اللى جاية بليل اطلع بدرى من شبين واعدى عليهم بس ساعدونى فى اتخاذ القرار

**MITSUKERO** · 02-12-2012 04:06 PM

المشاركة الأصلية كتبت بواسطة salah_86

عندى بوش فى الدبرياج رخم قوى المهندس اللى بتعامل معاه قالى ان ده عيب الدواسة نفسها محتاجة تتغير وبيتغيروا كلهم الثلاثة البنزين والفرامل والدبرياج لانهم ببنز واحد دلونى لاحسن انا بقلق مش عاوز حد يلعب فى العربية

يعني ايه الدواسات التلاته تتغير احنا هنهزر !! انت راكب لانسر ياباشا مش 128 !!! يعني الحاجات دي عمري ما سمعت انها بتتغير إلا لو انت بتفحتها بقي بطريقة غشيمة جدا و اظن برضة هتستحمل

انت في كل الاحوال روح ليهم و شوف بنفسك و انا بأذن الله هعدي عليهم بكرة عشان اشوف مصيبة الموتور اللي فوت ده لو عايز تقابلني هناك اشطة بس انا هروح اخر النهار مش الصبح

و هم مش عندهم ظبط زوايا هم في محل جنبهم بتاع زوايا بيظبطوا فيه و هو المحل جنب الورشة مباشرة و بيضمنوهالك

هم غاليين بس مش اوي اوي يعني بس شاطرين

والله اعلي و اعلم

**salah_86** · 02-12-2012 09:59 PM

دلوقتى واحد صاحبى معاه 2012 بومة برضة بينصحنى انى اروح دايموند الفرع الرئيسى وان ممكن تكون اسعار قطع الغيار او المصنعيات متقاربة ايه رائيكم يارجالة

**salah_86** · 03-12-2012 12:11 AM

حد يدلنى لان لو رشحتولى التوكيل هطلع من شغلى الصبح اروح

**prisoner** · 03-12-2012 01:20 AM

مين اللى قال ان المتخصصون عندهم ظبط زوايا فيه واحد جنبهم على طول ونصيحة بلاشهم احسن معاملة التوكيل ومجرد وظيفة مش متمكنين وعن تجربة سابقة تحياتى

**som3a6** · 05-12-2012 04:09 PM

مع الاحترام للأخوه الأعزاء اعضاء المنتدي وللمعلقين علي هذا الموضوع هو فعلا ضبط الزوايا مش عند المتخصصين بس انا اتعاملت معاهم هم كويسين جدا و محترمين وانا مش شايف فرق بينهم وبين التوكيل في ( الخبره ) لأن همه همه اللي هيصلحولك العربيه في التوكيل أما في الاأسعار همه اقل بشويه في المصنعيات وعندهم ميزه انهم بيبيعوا قطع الغيار الاصليه و قطع غيار اصليه استيراد نضيفه جداااا و علي ضمانتهم همه وقطع غيار هاي كوبي من الأصلي والأخيره دي في الأجزاء اللي مش محتاجه اصلي ضروري مثال ( قاعدة فتيس فلتر هوا ........الخ ) ودي ميزه كويسه للي عايز يلم الأمور في المصاريف شويه

**salah_86** · 05-12-2012 04:17 PM

فعلا انا روحت ليهم امبارح وظبطولى العربية هما فعلا حافظين العربية وفاهمينها

الموضوع: محتاج الرد بأقصى سرعه

LinkBack

أدوات الموضوع

عرض

محتاج الرد بأقصى سرعه - انشر الموضوع فى :

-

-

-

-

-

المواضيع المتشابهه

محتاج الرد بأقصى سرعه

سرعه البديهه و سرعه الرد .

سؤال هام سرعه الرد

محتاج تسعير لجين تو 2007 مانيوال كامله ..أرجو سرعه الرد

أرجو سرعه الرد

الكلمات الدلالية لهذا الموضوع

المفضلات

المفضلات

ضوابط المشاركة