-
عاوز اشترى سيارة كويسة
مساء الفل على شباب المنتداى الجمدين جدا وخصوصا خبرا الابيزا
انا كان معايا ابيزا سيستم بورش موديل 93 وبعتها لانها طلعت عين اهلى فى قطع الغيار مع العلم انها سيارة مش وحشة ومنصحش اى حد يجبها خالص ولكن من حبى للابيزا عاوز اجيب ابيزا بس الموديل الاعلى لو حد يقدر يدلنى على سيارة كويسة يكون فية الخير
وعلى فكرة انا اول مرة اشترك فى المنتدى
وشكراا
-
اولا ربنا يعوضك عنها بالاحسن منها
ثانيا ممكن اعرف ايه اكتر حاجه قرفتك منها وهل مع الوقت كنت بتعرف تتعامل معاها ولا هى قرفاك على طول
ثالثا نصيحه وانت بتجيب ابيزا المهم المهم المهم الدوخل والرفايع ومتستهونشى بالرفايع لان اسعارها عاليه شويه يعنى دور على عربيه كانت مع واحد باشا اللى يبوظ يجيبهولها وقتى ويكون بيتعامل مع ناس بتفهم سواء كهربائى او ميكايكى المكنه مش مهمه قوى لان المكن ال1400 زى الرز وقطع غياره موجوده بشكل غبى وخد بالك من التابلوه والعدادات والاكصدامات لانها برضه بتعد فلوس بدون مبالغه الاكصدامين مع التابلوه بالعدادات مع طقم كراسى اغلى من سعر الشورت بلوك ال1400
رابعا خليك صبور فى شرا العربيه لان المعروض منها قليل انا ساعات اخش الاقى عربيات بقالها اكتر من شهر ولسه متباعتشى ومفيش تجديد نصيحه حاول تدعبس وسط اصحابك وانشر الخبر يمكن ربنا يكرمك بواحد بيفكر يغير مش لاسباب فنيه انما عايز يعلى فى الموديل وده بيبقى فكره بيع العربيه بالنسبه له بعيده بس لما بيلاقى مشترى بيتشجع ويبيع وبتكون عربيه مش متهانه برضه
اسف على الاطاله
-
اهلا بيك في قسم سيات نايل موتورز
ربنا يعوض عليك ويرزقك بأحسن منها ان شاء الله
فعلا الأبيزا سيستم بورش حاجة وابتداء من اللي بعدها حاجة تانية خالص
ربنا يوفقك في حاجة كويسة والف مبروك علينا انضمام حضرتك لينا
ويسعدنا جدا مشاركات واستفسارات حضرتك
تحياتي
-
صباح الفل على شباب المنتدى ومشكور كل من رد عليا بس انا بصراحة محتار شوية بين الابيزا وبين الجوليت لانى بصراحة اتعقدت من قطع غيار السيستم بورش مع الاختلاف طبعا بينها وبين الموديل الية بعدها ولانى برضة بقالى حوالى شهرين بدور ومش لاقى ابيزا كويسة
وشكراا
-
الأبيزا لو حالتها نظيفة - اعتقد من وجهة نظري هتكون افضل من الجولييت رغم ان الثانية اكبر حجماً وتعتبر احسن من اللانوس بكتير
بس هي راحة نفسية وولاء للألماني
وطالما وصلت للجوليت دور في موديل 2000-2001
هتلاقيها اكتر شوية في البيع
تمنياتي بالتوفيق
وتحياتي لشخصكم
والله المستعان
،
،
-
شكرا جدا على النصيحة مع العلم اى مرجح الابيزاولكن كل العربيات الية شوفتها مش كويسة ودة الية خلانى ابص على الجوليت
Content Relevant URLs by
vBSEO 3.6.0 PL2