السلام عليكم
صديق ليه معاه عربيه بيشتكى من ان صوت الفيس عالى وخصوصا الكارونه
وسالنى لو حط زيت فتيس تقيل هل الصوت هيقل ولا مش هياثر ؟
وفى حاله الايجاب ايه افضل زيت تقيل يجيبوا للفتيس
عرض للطباعة
السلام عليكم
صديق ليه معاه عربيه بيشتكى من ان صوت الفيس عالى وخصوصا الكارونه
وسالنى لو حط زيت فتيس تقيل هل الصوت هيقل ولا مش هياثر ؟
وفى حاله الايجاب ايه افضل زيت تقيل يجيبوا للفتيس
العربية الى مع صاحب حضرتك جديدة و لا قديمة ؟
فى الغالب .... صوت الكارونة بييجى من حاجتين
1- يا اما الخلوص الى بين التروس زاد شوية ... نتيجة عامل التقادم و العمر
2- رولمان البلى بدأ يبوظ و يبوش و ده ممكن يحصل نتيجة نقص الزيت او برضو العمر و التقادم
مشكلة زيادة خلوص التروس دى حاصلة معايا بالفعل .... و انا بحط زيت ثقيل فى الكارونة
بروح عند اى حد بيغير زيت و اخليه يحط زيت فالفالين ثقيل ....
اخر مرة .... حطيت زيت درجة لزوجته 250 ...
بس ده مش مستحب اوى ... و خاصة فى الشتاء
اخف زيت 90 ... حضرتك ممكن تجرب زيت 140 ... لو المشكلة لسة قائمة .. جرب تحط 250
و ربنا يسهل الحال
جرب الإضافة ديه
http://www.nilemotors.net/Nile/263229-a.html
شكرا لحضرتك
ربنا يباركلك وهل حضرتك حسيت بفرق
وهوا موديل حديث كيا ريو 2003
وشكرا استاذ Elawany13
ربنا يباركلك
انا حسيت بفرق كبير فى صوت الفتيس و فى صوت الكارونة كمان ... بس انا عربيتى قديمة الطبيعى فيها ان التروس اصبحت مبوشة شوية
بس المشكلة فى الفتيس ..... بيحتاج ان العربية تسخن كويس و خاصة فى الشتاء ... غير كدة بيبقى تقيل حبتين فى الغيارات لغاية لما العربية بتسخن
علشان الزيت بيكون لزج جدا و لسه موصلش لدرجة حرارته الى عندها يعمل تزييت كويس للتروس