التوكيل عايز يغير الازاز الخلفي عشان " الفاميه " !!
السلام عليكم
من حوالي 4 شهور كنت عملت " فاميه " للزجاج الخلفي عشان الشمس .. الفاميه ده كان عباره عن ورق بيتلزق بميه وصابون من جوه مش من بره .. من حوالي شهر الحراري بتاع الازاز اللي ورا مش راضي يشتغل .. رحت توكيل العامرية في اسكندرية قالولي الحراري ده ملعوب فيه ولازم تغير الازاز كله ! :oops2: انا ساعتها كنت رايح اعمل حاجات تانية لاني كنت طالع من حادثة وكنت ناسي خالص موضوع اني حاطط فاميه " لاني مختار درجة فاتحه " .. قلتلهم لا مش هغير ازاز وسيبوه مش عايز اشغله .. بعد ما روحت البيت افتكرت موضوع الفاميه وشلته كله ورحتلهم يوم الخميس اللي فات .. برده اللي في دماغهم في دماغهم ومصميين ان الفاميه لما اتحط بوظ الحراري ولازم اغير الازاز كله عشان الحراري يشتغل !! هو انا اول واحد في مصر يركب فاميه علي الازاز الخلفي ؟؟ حد عمره سمع علي موضوع ان الفاميه ممكن يبوظ الحراري ؟؟ ولا هما اللي تشخيصهم غلط ؟؟ تنصجوني بايه ؟؟ اشوف فرع تاني للتوكيل ولا امري لله اغيره وخلاص ؟؟ ياريت تدوني نصايحكوا وجزاكم الله خيرا :ask:
