عرض للطباعة
:grinder: شويه اسعار من فتح الباب لبعض قضع العفشة :grinder:
1 طقم تيل فرامل خلفي 130 جنية
2 بلية سير كاتينة اصلي كندي ماركة توبران 250 جنية
3 سير كاتينة ماركة توبران 70 جنية
4 2بيضة دركسيون 170 الواحدة 85 ماركة توبران
5 طقم طنابير امامى ماركة توبران 240 جنية
6 طقم تيل فرامل توبران امامى 130 جنية
7 2 جلبة مقص توبران 60 جنية
:ask:وعلشان احنا في مصر هقول يارب ما يكونش اضحك عليا :ask:
وان شاء الله تكونو استفادتو من الموضوع
وياريت الى جرب ماركة توبران يقولنا على اداءها
الف مبروك قطع الغيار الجديدة
توبران فيها وفيها
مش كلها حلوة ومش كلها وحشة
يعني حاجة العفشة بتاعة توبران كويسة مش وحشة
مبروك عليك
طب ممكن نعرف ايه هيا افضل ماركة للابيزا 2000 علشان الانواع بقت كتير اوى
يعني حاجة العفشة بتاعة توبران كويسة مش وحشة
وسير الكاتينة وبلية الكتينة وحشيييين ولا ايييه طمنى :(
لا مش وحشين ان شاء الله
بس لو لسة عندك الكرتونة بتاعة سير الكاتينة شوف تاريخ الأنتاج لو مكتوب
ولو مالقتوش - حاول تغير بعد 20.000 للأمان ليس أكثر
او كل 5.000 تشيك عليه
تحياتي
معلش متزعلش من كلامي لكن معظم قطع الغيار في مصر غير اصلية ولا تقلي توبران ولا عفريت كلها نص كم و حضرتك حتي لو رحت التوكيل هتلاقي هناك بعض الحاجات غير أصلية و لكن متقلقش هتشتغل معاك و هتعيش مش مشكلة و لكن حاول متتأخرش عليها في الصيانة
قليل قوي قوي يا ابو السيد يعني عايزه يغير كاتينه كل 20 الف ليييييييييه حرام مهما كانت متتغيرش قبل 45 الف كيلو و اللي حصل معايا ده لأن سير عربيتي كان قديم و مركون و كمان السير عندي طويييييييييل جدا عن سير الابيزا و بيحصله اجهاد و شد جذب عشان 2 كامة لذلك الحالة عندي خاصة ولا تقاس علي الباقياقتباس:
المشاركة الأصلية كتبت بواسطة syd
و بالتوفيق يا صديقي
يا بشمهندس من خاف سلم
فيها ايه لو كل سنة ونص او سنتين ادفع 100 جنيه في السير (أجرة ومونة زي بتوع المحارة)
ههههههههههه
تحياتي
المشكلة مش في كده يا صديقي !!!!!!!!اقتباس:
المشاركة الأصلية كتبت بواسطة syd
المشكلة ان معظم الصنايعيه لما بيفك المنطقة دي بيدخلك في حوارات كتير و بيصمم علي رأيه لأنه بيخليك و يقنعك كمان انك تغير (سير كاتينة + سير مجموعه + بلية شداد كاتينة + طلمبة مياة + بلية شداد المجموعة + مصنعية ) و أقسم بالله كله بيصمم علي كده
لا انسي زمان في بداية تعلمي مع الابيزا ربنا يبارك لصاحبها الحالي فيها رحت لسيد عبده في جسر السويس قلتله انا سامع صوت خشونة جاي من هنا (منظقة السيور) و قلتله عايز أغير بلية شداد الكاتينة فقط قلي اسف هفك يا تجبلي كله يا بلاش لأن كله بيتغير مع بعضه و رحت لغيره و كان مصمم زيه و لكن انا صممت فغيرلي الشداد بس و رجعت تاني بعدها بفترة رجعت بلية الشداد تاني القديمة و رميت الجديده و غيرت طلمبة المياة لأنها هي اللي كانت السبب
و غيره كتير و برضه في اصلاح عربيتي كان مصمم احمد عزت يغير كله قلتله دي حاجتي و مسئوليتي و ركب اللي انا عايزه
لكن اللي مش بيقدر يتكلم معاهم و يناقشهم بيقنعوه و البس بقي بتاع 600 الي 700 جنيه و معظمة علي الفاضي
ده رايي و كل واحد براحته و كمان حابب أقلك ان السيور حتي لو صيني فهي برده بتعيش كتيييييييير في المحركات ال 8 فالف لأن برضه الصين و كوريا بتصنع عربيات حاليا و بتحط فيها قطعها الصيني و بتتغير علي 50 الف ..... فهمت قصدي ...... المهم يكون السير مش قديم لأنه له صلاحية و بتنتهي زي الكاوتش بالضبط