جمرك السيارات القديمة إلى مدخلتش مصر , التعامل معاها أزاى ؟

كنا بنتكلم عن العربيات إلى مدخلتش مصر فى فتره السبعينات و التمانينات و التسعينيات فى مصر
و أتكلمنا على أنواع غريبه جدا و كان معانا لاب توب و شوفنا أنواع مدخلتش مصر كتيرة جدا
و فى الحوار دة كله طلعت أنا و قولتلهم بكل فخر أن عشان العربيه تدخل مصر لازم تكون المالك الأول ليها , طلع واحد زميل لينا قالنا ممكن العربيه تبقى مش المالك الأول لكن بيتدفع جمارك كتيرة أوى

إذا

كلام مين الصح فينا ؟

يعنى بمعنى أصح

أولا هل ينفع لو حد مسافر بره مصر و أشترى عربيه هناك موديل قديم و نادره أوى يدفع عليها جمارك و ضرايب و يدخلها مصر ؟ ولا ممنوع خالص ؟

ثانيا أحتساب الجمارك بيكون عبارة عن سعر العربيه + الجمارك + الضرايب + الشحن على ماأظن
طيب سعر العربيه بيكون بناءا على فاتورة البيع و لا بناءا على تقدير الجمرك ليها ؟
ماهو بالوضع دة ممكن واحد يكتب فاتورة بيع ب10 دولار و يبقى ضحك على الدولة !!

يا ريت لو حد فاهم أو له تجربه فى الحكاية دى يوضحلنا الرؤية شوية لأنها منعدمة عندنا و أية أكتر عربيات كان نفسكم تدخل جوة مصر

حسب علمي لا يجوز ادخال سيارات قديمه مصر الا في حالات محدده زي سيارات المعاقين و المنطقه الحره و سيارات الدبلوماسيين و الطلبه الوافدين

حساب الجمرك بيتم علي سعر العربيه و قت الزيرو بعمله بلد المنشأ للسياره و بيكون عندهم جداول بأسعار العربيات بكماليتها علشان يحسبوا الجمارك و الضرائب

القيمه المثبته في فاتوره الشراء مش هي اللي بتحدد قيمه الرسوم و الجمارك

زي رسوم عقد نقل الملكيه في الشهر العقاري للعربيات القديمه حتى لو العقد مكتوب ب 10 جنيه الموظف بيكون معاه جدول لقيمه الرسوم حسب موديل العربيه و نوعها و كماليتها

اقتباس:

---

المشاركة الأصلية كتبت بواسطة yaserbasha2000

حسب علمي لا يجوز ادخال سيارات قديمه مصر الا في حالات محدده زي سيارات المعاقين و المنطقه الحره و سيارات الدبلوماسيين و الطلبه الوافدين

حساب الجمرك بيتم علي سعر العربيه و قت الزيرو بعمله بلد المنشأ للسياره و بيكون عندهم جداول بأسعار العربيات بكماليتها علشان يحسبوا الجمارك و الضرائب

القيمه المثبته في فاتوره الشراء مش هي اللي بتحدد قيمه الرسوم و الجمارك

زي رسوم عقد نقل الملكيه في الشهر العقاري للعربيات القديمه حتى لو العقد مكتوب ب 10 جنيه الموظف بيكون معاه جدول لقيمه الرسوم حسب موديل العربيه و نوعها و كماليتها

---

ماهو دة كان كلامى فى دخول السيارات القديمة انه لازم المالك الأول و دا كمان على ما أظن لازم ميعديش عليها كذا سنه , لكن أحتساب قيمة الجمارك أضافة جميلة جدا من حضرتك , لأن فيه كذا حاجة بتتعمل فى مصر بتبقى ضحك على القانون بالقانون :oops2:



بس عندى أستفسار تانى و دة ألذ و أجمل
لو فيه مشهد فى فيلم أو مسلسل أو حتى فيلم كارتون
و عايزين عربيه مش موجودة فى مصر
يا ترى الجمارك ساعتها هتقف أدامهم ولا كله هيمشى شاى بالياسمين ؟

متابع

الفن او اي حاجه مهمه زي كده

ليها استثناءات و زاريه

متابع

لازم المالك الاول

بجد انتى بتتكلمى فى مواضيع مع صحباتك انا اول مرة اشوف او اسمع حتى ان فى بنات بتفهم فى التفاصيل دى او تهمها حتى اوى كده

الشروط الواجب توافرها
1- المالك الاول للسياره بنفس سنه الموديل (لآ يعنى موديل 2011 يكون هو مشتريها 2011 وباسمه )
2- الا يتجاوز عدد سنواتها بالخارج 9 سنوات( يعنى مايعديش على العربيه 9 سنين بره وترجع والا ماتدخلش)
3-فاتوره الشراء موثقه من السفاره
4- حساب الشريحه الجمركيه ليها على حسب سى سى وطبعا الى هو لازم تكون لا تزيد عن 1600 سى سى عشان يتحسب 61 % ضرائب والا هتدخل فى الدبح للفئه الى بعدها الى هى 200%
بس برضه هما بيراجعوا سعر العربيه من جدول عندهم للاسعار ونوع العربيه والكماليات

وعندنا فى ام الدنيا برضه كل حاجه بتمشى بالشاى بالياسمين لان اعرف ان كل الى قولته فوق ده بيضرب والعربيه بتدخل مصر والسلام ختام

اقتباس:

---

المشاركة الأصلية كتبت بواسطة yaserbasha2000

الفن او اي حاجه مهمه زي كده

ليها استثناءات و زاريه

---

يا بختك يا حماقى ههههههههههههههههههههههههه ههههه

اقتباس:

---

المشاركة الأصلية كتبت بواسطة hossam_elwani

لازم المالك الاول

---

مانا قولتلهم كدة محدش صدقنى

اقتباس:

---

المشاركة الأصلية كتبت بواسطة samo9992003

بجد انتى بتتكلمى فى مواضيع مع صحباتك انا اول مرة اشوف او اسمع حتى ان فى بنات بتفهم فى التفاصيل دى او تهمها حتى اوى كده

---

أستنى أستنى أستنى أستنى مين قالك ؟
دا أنا كل صحابى البنات و زمايلى الرجاله فى الشغل بنتكلم عن العربيات كجزء أساسى فى حياتنا

اقتباس:

---

المشاركة الأصلية كتبت بواسطة tamermegahed

الشروط الواجب توافرها
1- المالك الاول للسياره بنفس سنه الموديل (لآ يعنى موديل 2011 يكون هو مشتريها 2011 وباسمه )
2- الا يتجاوز عدد سنواتها بالخارج 9 سنوات( يعنى مايعديش على العربيه 9 سنين بره وترجع والا ماتدخلش)
3-فاتوره الشراء موثقه من السفاره
4- حساب الشريحه الجمركيه ليها على حسب سى سى وطبعا الى هو لازم تكون لا تزيد عن 1600 سى سى عشان يتحسب 61 % ضرائب والا هتدخل فى الدبح للفئه الى بعدها الى هى 200%
بس برضه هما بيراجعوا سعر العربيه من جدول عندهم للاسعار ونوع العربيه والكماليات

وعندنا فى ام الدنيا برضه كل حاجه بتمشى بالشاى بالياسمين لان اعرف ان كل الى قولته فوق ده بيضرب والعربيه بتدخل مصر والسلام ختام

---

جميل أوى كلام حضرتك و مفسر جدا
بس التربتيك بقى أية نظامه ؟
على ماأظن ممكن عربيه موديل قديم تدخل بس ترجع تانى بعد 6 شهور صح ؟
يعنى ممكن مواطن مصرى يشترى عربيه و يفضل رايح جاى رايح جاى طول عمره كدة

ممكن توضيح اكثر حتى نعرف نساعدك
يعنى ايه الحوار

اقتباس:

---

المشاركة الأصلية كتبت بواسطة manola

بس عندى أستفسار تانى و دة ألذ و أجمل
لو فيه مشهد فى فيلم أو مسلسل أو حتى فيلم كارتون
و عايزين عربيه مش موجودة فى مصر
يا ترى الجمارك ساعتها هتقف أدامهم ولا كله هيمشى شاى بالياسمين ؟

---

في الحاله دي ممكن تدخل بنظام الإفراج المؤقت (التربتك) زي العامليين بالخارج ما بيدخلوا عربيتهم في الاجازات و النظام ده بيسمح بدخول العربيه لمده 6 شعور بحد اقصي فب السنه بدون شرط سنه الموديل كل المطلوب ان صاحب العربيه يكون ليه اقامه ساريه في البلد اللي العربيه جايه منها و يكون معاه دفتر التربتك من نادي سيارات البلد ديه.