السلام عليكم
اريد معرفة الطريق الى مطار القاهرة الدولى مبنى ركاب 3 من الطريق الدائرى
علما بأنى من طنطا يعنى جاى من طريق اسكندرية الزراعى
وطلعت من فتحة الدائرى التانية
عرض للطباعة
السلام عليكم
اريد معرفة الطريق الى مطار القاهرة الدولى مبنى ركاب 3 من الطريق الدائرى
علما بأنى من طنطا يعنى جاى من طريق اسكندرية الزراعى
وطلعت من فتحة الدائرى التانية
كويس انك عارف الاتجاه الصح ... هتكمل على الدائرى طوالى و تنزل نفق السلام و بعد ما تطلع بحوالى ٨ كيلو هتلاقى مدخل للمطار تدخله و هتمشى على طريق داخل المطار حوالى ٥-٦ كيلو هتوصل لمحطة الرسوم تاخد تذكره و تكمل هتعدى كمين الشرطه و هتلاقى يفط توصفلك بس بسهوله كده طوالى لمبنى ٣
شكرا يا استاذ محمد على الاجابة هو نفق السلام دة تانى نفق من الدائرى ؟؟
وحاجة تانية لما اخلص واحب ارجع تانى للطريق الدائرى ومنها على اسكندرية الزراعى
ممكن وصف بسيط للرجوع ؟
لا نفق السلام اللى تحت اسماعيليه الصحراوى عند مدينة السلام و هو اول نفق هتقابله
مش هتوصل لطريق السويس الصحراوى مدخل المطار قبله ب ٢٠٠ متر
وانت راجع هتطلع من الصاله و لو مش لاقى يفط اسال تطلع الاوتوستراد ازاى و هترجع من شارع و تدفع الانتظار و هتطلع كوبرى ليه ٣ نزلات يمين على مصر الجديده و فى النص الاوتوستراد و دول ملكش دعوه بيهم و تنزل الشمال خالص على الطريق الداخلى اللى كنت عليه هتمشى برضه ٥ كيلو و قبل اخره بحاجه بسيطه هتلاقى مخرج يمين يطلعك على طريق السويس فى اتجاه القاهره تخرج منه و تلف اول يوترن (هتلاقيه قريب فخلى بالك و خد شمال ) و تمشى كانك رايح السويس و اول ما تعدى من تحت الدائرى تطلع الطاعه اليمين عشان تكون فى اتجاه الزراعى
طيب لو انت على طريق المطار الداخلى و مخدتش بالك من الخروج متقلقش هتكمل شويه و تخرج من المدخل اللى دخلت منه على الدائرى بس هتكون عكس اتجاهك اللى المفروض ترجع فيه و اول ملف بعيد قوى فتنزل نزلة الماظه (٢٠٠-٣٠٠متر بعد ما تخرج يمين) و خلى بالك اخرها فى مطب سخيف و هتلضم كانك رايح القاهره و تاخد يوترن وترجع تعدى من تحت الدائرى و تطلع يمين (زى فوق بالظبط)
دتوصل بالسلامه
اشكرك بشدة يا استاذ محمد
اى خدمه و توصل بالسلامه