انا معايا اكسنت 1300 الشكل القديم موديل 2006
عايز اجبلها جير بوكس
اجيبة منين ويبقى عامل كام؟
عرض للطباعة
انا معايا اكسنت 1300 الشكل القديم موديل 2006
عايز اجبلها جير بوكس
اجيبة منين ويبقى عامل كام؟
من الحرفيين و هايبقي في حدود 900 جنيه إلي 1200 (أوتو)
مانيوال معرفش تمنه لكن أرخص من كده
بالتوفيق
هيا مانيوال
طيب هبقى محتاج اخد ميكانيكى معايا وانا بشترى ولا اية؟
وناس قالتلى الوكالة انت اية رايك انزل انهى؟
طالما مانيوال هايبقي سعره بسيط و فاصل بقلب جامد
و أنا معرفش أيه اللي موجود في الوكاله لكن الحرفيين هاتلاقي الفتيس إن شاء الله بسهوله ... و مش محتاج ميكانيكي و لا حاجه الأهم يكون الفتيس محلول و إنت بتشتري من علي مكنه و تتفق علي فترة ضمانه حاول تخليها شهر أو 20 يوم
و ركب طقم ديبرياج جديد (أسطوانه و بليه و ديسك ) لو راكب بقاله فتره و لو مغير من قريب يبقي غير البليه فقط و أعمل حسابك في 2 ليتر زيت فتيس مانيوال
و علي خير إن شاء الله
هو كدة كدة انا هغير طقم دبرياج لانة بدا يتاكل برضو
كدة لما اجى اشترى اشترى واحد بيتفك قدامى من على مكنة صح؟
طيب ما تعرفش اشهر واحسن ناس فى الموضوع دا اية فى الحرفين؟
مظبوط ,... الفتيس يبقي راكب في مكنه و خده علي التجربه
و الحرفيين معظمها شغال في الهيونداي ممكن من سوسو
لكن مش هاتفرق مشهور أو مش مشهور أهم شئ السعر و حالة الفتيس
هو الفتيس عند حضرتك أيه المشكله اللي فيه ؟
و يا ريت تقول لنا عملت أيه
الفتيس بيعشق مابين النقلات وبيطلع صوت احتكاك وانا بعمل النقلة
فلما كنت عند استاذ هانى فى المركز قالى ان الجير بوكس خشن وهو الى بيعمل كدة ومحتاج يتغير
وطقم الدبرياج برضو محتاج يتغير
هو ينفع اغير طقم الدبرياج الاول وبعد كدة اغير جيربوكس ولا لازم الاتنين مع بعض
اللي أنا فهمته إن الفتيس بيصدر صوت أثناء التعشيق في كل النقلات
طيب ما جربتش تغير زيت فتيس أو تكشف عليه و آخر مره غيرته أمتي ؟
و علي العموم طالما كشفت علي الفتيس و طلع بايظ يبقي غيره لكن دي أول مره أشوف فتيس جايب الغيارات كلها
و بالنسبه لتغيير طقم الديبرياج ليه تغير الطقم في مره و تفك الفتيس و ترجع تغيره و تنزل الفتيس تاني و الزيت تاني و المصنعيه و العطله تاني إلا لـــــــــــــــــــــــو حد كشف علي الفتيس و قال إن الطقم هو السبب في المشكله
علي فكره أنا متوقعله سعر في حدود 600-800
اها طيب تمام
بجد متشكر ليك اوى
انا غالبا هعملة على اول الشهر علشان المصاريف مزنقة شوية
واول ما هعملة هكتب هنا عملت اية
بالتوفيق إن شاء الله و ربنا ستمها علي خير
و لو العربيه فيها صيانه أعملها بالمره و لو عفشه أماميه بالأخص لأنك كده كده حالل
و لو أحتجت أي حاجه ما تترددش تقول لنا عليها أو تكلمنا
اكيد بس سوال معلش هو تغير الفتيس يعيب العربية؟
لأ طبعا
اللي يعيب العربيه فعلا إنه يبقي فيها عيب و مصلحوش أو أعمل مسكنات أخفي بها العيب