في حد قدامه امبريزا للبيع؟

مطلوب للشراء امبيرزا موديل 2005 لحد 2010 تكون ماشية كم قليل ويا ريت لو فتحة سقف بس مش ضروري.

افضل موديلات 2007 و 2010
2007 فى نظرى افضل شكل اتعمل للامبريزا والموديل دا 1600
لان موديلات 2008 وتقريبا كمان 2009 كان فيها عيوب فى الطنابير و كمان علبة الدركسيون

نصيحة
شوفلك واحده 2006 او 2007 (واحد الاتنين) وتكون توب لاين باسبويلر وفتحة سقف واوتو طبعا وكيلو قليل
ودلع نفسك وادعيلي

شكرا ل نصاءحكم, في واحدة 2009 قدامي, كانت بتاعت مدير في سوبارو وبدلها بال جديدة. السيارة حالة فوق الممتازة, مفيهاش خبط خالص ورشه خدوش بس, وطبعا كل مايحصل أي حاجة بتروح التوكيل وكل الصيانة في التوكيل, والسيارة نفسها بتتباع في التوكيل ويديك معاها ضمان 6 شهور على المطور وال فتيس.

هي مفيهاش أي اضافة غير الكرسي اللي بتسخن وسيدان. المشكلة إنها ماشية 128000 كم عشان الراجل شغله في العبور وهو ساكن في المهندسين وكان شغال عليها سواء. بس المفروض إن العراربية طالما في التوكيل, يبقى كله تمام صح؟

بص هو الكيلو العالي ده مصلحه عشان تعرف تقلل في سعرها (تفاصل) بس مادام متصينه كويس وبتاعت التوكيل زي مابتقول يبقي متقلقش منها لان السوبارو ميتقلقش عليها في العمر ده :)

لو شغال عليها سواق فكر تانى و اتأكد منها كويس

بصراحة السواقين الا قليل منهم اوى بيهينوا العربيات و بيتعاملوا معاها وحش جدا

ومالها ال 2005 بس يا جماعة، الشكل ده مجرد أذواق لكن مش معناها عربية وحشة، والدليل على كدة ان العربية متغيرش فيها حاجة من 2004 لـ 2007 غير الشكليات. وأنا بصراحة من الناس اللى كنت بدور على شكل ال 2005 أكثر من ال 2006 عشان زى ما قولت هى أذواق