اسعار قطع الغيار في الحرفيين

**abo_lamar** · 02-12-2012 06:58 PM

السلام عليكم و رحمه الله و بركاته ...

هو يا جماعة قطع الغيار الاستيراد من منطقة الحرفيين بقت اسعارها غالية ولا انا اللي بيتهيألي كده , انا عملت جولة يوم الجمعة لقيت اسعار فلكية يعني مثلا قانوس خلفي لانوس 2 سعره 300 جنيه ومش عايز ينزل مليم واحد , مثلا ضفيرة من غير علية الفيوزات سعرها يتراوح من 500 إلى 550 جنيه , دراع نور ب 160 جنيه ؟؟؟

هي الاسعار فعلا كده غالية ولا ايه الموضوع ؟
طيب بالنسبة لمنطقة عزبة شلبي ايه نظامها في موضوع الاسعار ؟؟

**blazer** · 02-12-2012 07:45 PM

انا لسه سائل على شورت بلوك بيقلى 2250 لنوبيرا 2
مع انى سائل من 6 شهور تقريبا كان ب 1800

**ehabomar1987** · 02-12-2012 10:52 PM

اه الاسعار غليت مش عارف ليه وهما كمان مش امنه خالص

**zomzom11** · 03-12-2012 08:55 PM

فعلا الاسعار غاليه بس بس للاسف مفاهيمنا للاستيراد هى الى مخليه التجار جشعين يعنى مثلا احنا بنجيب الاستيراد عشان افضل من الجديد ولا ارخص؟
قارن بقى ورد بنفسك لو هاتشترى مثلا طنابير او شئ يخص الفرامل ولو هاتشترى مثلا فانوس او اكصدام او اى حاجه تعتبر كماليات مش اساسيات وشوف السعر بين الاستيراد والجديد