الموضوع: تركيب بارك سينسور للأوبترا (بالصور)

أول حاجة طبعا انا قررت اركب بارك سينسور
ومش بس كده
دا انا هركبة بنفسي
اول حاجة هنجهز المكان اللي هنخرمة يعني تقيس الأماكن بالظبط علشان ميطلعش واحد مش مظبوط
انا علمتها زي كده علشان اتأكد انها مظبوطة


وبعدين نجهز الشنيور



ونركب فية البنطة بتاعت التخريم بتيجي مع السنسور



ونبتدي نخرم بقي



وده لكلة بعد ما اتخرم



وده شكل السنسور



هنركبة في الفتحة بقي



وطبعا هنفك الفانوس علشان نعرف نعدي السلك من تحتية



دي صورة اقرب



هنعدي السلك لجوة في الجنب
ونثبت الوحدة باللزق اللي جاي معاها
زي كده


وبعدين هنوصل سلك الكهربا بتاعها انا نسيت اصورة
بس عموما هو بيركب علي سلك لمبة المارشدير
وبعديها نمشي السلك بتاع الشاشة جوة العربية
هنشيل العتب الفيبر الليعند الباب وهتلاقي مكان تمشية جواها

وبعدين تلزق الشاشة مكان ما انت عايز
ودي شكلها وهي راكبة



وده شكلها وهي شغالة من قريب


الموضوع ما اخدش نص ساعة
بس تعمل حسابك انك تعلم سلك السنسور وانت بتركب (انا عملتة بشريط لحام)
علشان لازم يركب بالترتيب
وسلك الكهربا انا ركبتة في الفيشة بتاعت نور المرشدير بدون قطع ولا اي حاجة
وبعد ما تركب السنسور تلم السلك الزيادة ةتلفة كةيس علشان ميوقعش بعد كده
اي اسألة انا تحت الأمر

هو سعره 100 علشان خاطري :)
لكن في العادي 110 او 115
وكلة صيني طبعا
الوايرليس مش بيفرق حاجة غير انك مش بتمشي السلك من الجهاز للشاشة
وانا مش شايفها مشكلة يعني