ياجماعة عندى مشاكل رهيبة فى مازدا929 ياريت الخبراء يفيدونى

**mohammmed3** · 02-12-2012 07:24 PM

اجماعة انا عندى مشكلة كبيرة
انا معايا مازدا 929 limited موديل 1985 وهى جميع الكماليات وهى ناقل اتوماتيك 2000 سىسى (كاربراتير 2 باب )

و المشكلة اللى انا العربية فيها كذا حاجة انا مش عارف فيهم
1-بتسحب بنزين ممكن كل 60 كيلو تسحب 20 لتر بنزين وطبعا انا مش فاهم لية
2-العربية عداد السرعة اخرة 200 كيلو/الساعة بس العربية مبتجبش الا 110 كيلو ودا اخرها ومش عارف لية بردو
3-ناقل السرعة الاتوماتيك كل يوم فى مشكلة(شوية بيعلق وشوية الغيارات تخلى العربية تعمل فيبريشن و تتهز جامد و على فكرة انا غيرتلو الزيت والكلام دة كلة وبردو نفس العيب) و عاوز اغيرة فياريت حد يقولى اجيبوة منين وسعرة هايبقى كام بالتقريب
4-منين اجيب للعربية ماتور مساحات بالمساحات الاصلية بتاعتة و بكام
ياريت ياجماعة تقوللولى اية الحل للمشاكل دى علشان انا شكلى هابيعها واخلص من وجع الدماغ دا مع انى حابب العربية جدا فيها كل الكماليات بس مش لاقى حد بيفهم فيها
مع ان العربية دى واحد صحبى معاة موديل 79 و شغالة معاة كويس جدا ما شاء الله
ياريت ياجماعة رد مفصل للمشاكل دى و ياريت تسعدونى بجد

**medokassem** · 02-12-2012 11:09 PM

وروح لميكانيكي شاطر وهتطلع حاجة هيفا جدا انشاء

المشاركة الأصلية كتبت بواسطة mohammmed3

اجماعة انا عندى مشكلة كبيرة
انا معايا مازدا 929 limited موديل 1985 وهى جميع الكماليات وهى ناقل اتوماتيك 2000 سىسى (كاربراتير 2 باب )

و المشكلة اللى انا العربية فيها كذا حاجة انا مش عارف فيهم
1-بتسحب بنزين ممكن كل 60 كيلو تسحب 20 لتر بنزين وطبعا انا مش فاهم لية
2-العربية عداد السرعة اخرة 200 كيلو/الساعة بس العربية مبتجبش الا 110 كيلو ودا اخرها ومش عارف لية بردو
3-ناقل السرعة الاتوماتيك كل يوم فى مشكلة(شوية بيعلق وشوية الغيارات تخلى العربية تعمل فيبريشن و تتهز جامد و على فكرة انا غيرتلو الزيت والكلام دة كلة وبردو نفس العيب) و عاوز اغيرة فياريت حد يقولى اجيبوة منين وسعرة هايبقى كام بالتقريب
4-منين اجيب للعربية ماتور مساحات بالمساحات الاصلية بتاعتة و بكام
ياريت ياجماعة تقوللولى اية الحل للمشاكل دى علشان انا شكلى هابيعها واخلص من وجع الدماغ دا مع انى حابب العربية جدا فيها كل الكماليات بس مش لاقى حد بيفهم فيها
مع ان العربية دى واحد صحبى معاة موديل 79 و شغالة معاة كويس جدا ما شاء الله
ياريت ياجماعة رد مفصل للمشاكل دى و ياريت تسعدونى بجد

قطع الغيار دي هتلاقيها في الحرفيين انشاء الله بس الاسعار مش هقدر افيدك فيها معلش بالنسبة للبنزين واستهلاكه العالي والسحب دول مرتبطين ببعض بس انتا اتاكد ان الكرباتير نضيف واتاكد ان البوجيهات جديدة وبص علي فلتر البنزين ولو متظبتطش ممكن عايزة طبط كهربا الموبينه والميكانيكي الشاطر هيفيدك اكتر مني
بس اهم حاجة لو هتغير الفتيس غيره باوتو زي العربية علي ابوها عشان ميقلكش المانيول احسن عشان العربية نازلة علي ابوها اوتو ولو غيره بمانيول هيركب خزنة دبرياج وحورات وهتخش في مواويل تانية ويركب دواسة تالتة بتاعت الدبرياج ويخرم في الصاج وحوارات

**mohammmed3** · 03-12-2012 07:40 PM

الف شكر على الرد بس كنت عاوز اعرف مين بالظبط بيبيع الفتيس بتاعها ؟؟؟؟؟وهل ممكن يتركبلها فتيس مثلا بتاع هوند (اوتوماتيك ) ؟؟؟؟؟
و لا لازم يبقى الفتيس بتاعها و دا ممكن الاقى فين وفى رينج كام
والف شكر للاجابة تانى مرة