الموضوع: اعمل ايه فى الاستلام

المشاركة الأصلية كتبت بواسطة eng f3lix

اول واهم حاجة انك تروح تشوف العربية الصبح

وتاخد معاك حد بيفهم في البوية كويس لان مبقاش في حد مضمون الايام دي في اي حاجة

وتتأكد كل الانووار شغالة والمساحات والاشارات ومكن الازاز تفتحه وتقفله كتير للاربعة و الكاسيت والسماعات شغالين والمالتي فانكشن وتجرب تمشي بالعربية وتفرمل جامد عشان ال abs يشتغل


اي حاجة تكون مش مرتاح ليها في التجربة دي اطلب انك تغير العربية ومتاخدش عربية فيها مشكلة ويقولولك هتتظبط في الصيانة والكلام ده " ابني في ايدي وادور عليه "

ومتنساش تتأكد ان الاستبن والعدة والكوريك موجودين

وتستلم على خير ان شاء الله

عندك حق ياياشا...وجزاك الله خيرا

المشاركة الأصلية كتبت بواسطة amr axel

اتمني الموضوع ده يفيدك

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/nile/244408-a.html

اما بخصوص الاجراءات الادارية للأسف معنديش فكرة

يفيدنى جدا، ده موضوع شامل وجامد .. جزاك الله خيرا

على كرة انا لسه ما استلمتش والتوكيل مغلبنى فى مواعيده
انا محتار بين حاجتين
1- مانيوال واللا اوتوماتيك ..متردد بينهم . مع الاخذ فى الاعتبار انى هاستخدمها يوميا - استخدام خفيف - ان شاء الله
2- فى قدامى سيارتين فضى 2013 فى معرض الاحمدى ، اخلص فى واحدة فيهم واللا استنى التوكيل اضمن
ايه رأيكم يا رجالة

شكرا لكل من نصحنى وجزاه الله خيرا
انا استفدت من كلامكم اوى ونفعنى جدا فى الاستلام
على فكرة استلمت مانيوال من التوكيل من اسبوع..... ودعواتكم

مبروك
ربنا يبارك لك فيها ويكفيك شرها
ممكن تقولى فترة الحجز كانت قد ايه؟

المشاركة الأصلية كتبت بواسطة rahieb_100

مبروك
ربنا يبارك لك فيها ويكفيك شرها
ممكن تقولى فترة الحجز كانت قد ايه؟

آمين والله يبارك فيك وعقبالك
كنت حاجز من 10/22، بس مكانش العربيات لسه مدخلتش الجمرك، ودخلت على نصف 11 وبدءوا يسلموا على اول 12
بس فى حاجة ، التوكيل بيدى الاولوية للمعرض. عشان كدة هتلاقى عربيات موجودة استلام فورى فى اوتو ماجد ( مكلرم عبيد ) و الاحمدى موتورز(الحى السابع) بس بسعر اعلى شوية